Schyyinternaat Oberschtdorf

S Schyyinternaat Oberschtdorf (dt. Skiinternat Oberstdorf) lyt z Oberschtdorf am Fueß vu dr Allgaier Alpe. Anne 1980 isch s aafangs e Internaat vum Bundeslaischtigszäntrum fir Yyschunschtlauf gsii, isch speeter aber au fir Winterspoortaarte wie Schyy Alpiin, Schyygump, Noordischi Kumbinazioon un Schyylangauf ufgmacht woore.

Gschiicht

Wel d Finanze schwiirig gsii sin un em Internaat droot het, ass es zuegmacht wiird , het me unter dr Fääderfierig vum Dytsche Schyyverband zäme mit em Määrt Oberschtdorf, em Bayerische un em Schweebische Schyyverband Ändi 2007 d „Skiinternat Oberstdorf GmbH“ grinde, wu hite s Internaat fiert. Des Engaschmänt vum Bundesfachverband, Landesschyyverband un ere Gmai in Foorm vun ere Bedryyber-GmbH go ne Internaat fir dr Laischtigsspoort sichere isch z Dytschland ainzigaartig.

Am 28. Dezämber 2008 isch em Verbundsischteem vu Schuel un Laischtigsspoort z Oberschtdorf s Bredikaat „Eliteschule des Sports“ dur dr Dytsch Olympische Spoortbund (DOSB) verliie woore. Di zäntraal Aalaufstell dooderby bildet d Skiinternat Oberstdorf GmbH, wu fir d Unterbringig un d Verbfläägig zueständig isch un e Bindegliid vu Schuel un Laischtigsspoort bildet.

Zyyl vum Schyyinternaat Oberschtdorf isch di optimaal Verbindig vu Schuel un Laischtigsspoort. Anne 2017 sin 36 Spoortler*ne duurhaft im Internaat unterbrocht gsii.

Spoortler*ne vum Schyyinternaat Oberschtdorf

• Schyygump: Katharina Althaus, Pius Paschke, Karl Geiger
• Noordischi Kumbinazioon: Johannes Rydzek, Vinzenz Geiger
• Schyy Alpiin: Andreas Sander, Stefan Luitz, Jessica Hilzinger
• Langlauf: Hanna Kolb, Florian Notz, Laura Gimmler, Friedrich Moch

Schuelischi Uusbildig

Dur d Zämenaarbet mit de Paartnerschuel vum Winterspoort cheme d Spoortler*ne ne individuälli schuelischi Uusbildig iiber. Dur d Neechi vu dr Schuele un d Infrastruktuur vum Vercheersnetz voor Oort isch d Aafaart zue de Schuele nit lang. D Kooperazioonsschuele vum Schyyinternaat sin:

• s Gertrud-von-le-Fort-Gimnaasium Oberschtdorf bietet d Uusbildungsriichtig vun eme natuurwisseschaftli-tächnoloogische vun vum sproochlige Gimnaasium aa
• di Staatli Realschuel Sonthofen mit de drei Näscht mathemaatisch-natuurwisseschaftli, wiirtschaftskundli-chaufmännisch un muusisch, soziaal, handwäärchli
• d Mittelschuel Oberschtdorf mit eme Mittleri-Ryfi-Zuug, wu dr Yydritt in d FOS un doodermit e Fachabituur meegli macht
• d Mittelschuel Sonthofen mit eme Mittleri-Ryfi-Zuug, wu dr Yydritt in d FOS un doodermit e Fachabituur meegli macht
• di Staatli Fachooberschuel Sonthofen mit de Näscht Wiirtschaftswääse, Soziaalwääse un Tächnik
• di Brivaat Handelsschuel Merkur Immenstadt mit eme mittlere Bildigsabschluss, wu au dr Yydritt in d FOS un doodermit e Fachabituur meegli macht
• di Staatli Beruefsschuel Immenstadt mit em Beraich Böu un Holz

Spoortligi Uusbildig

Am Bundesstitzpunkt Oberschtdorf soorge 36 hauptamtligi Dreener*ne in dr Diszipliine Schyy Alpiin, Noordischi Kumbinazioon , Langlauf, Schyygump un Snowboardcross fir d Uusbildig vu dr junge Athleete*ne. Si hän dooderfiir verschiideni Dreeningssaalaage in dr Regioon z Verfiegig:

• s Schyygumpstaadion Schattebergschanze in dr WM-Schyygump-Arena Oberschtdorf mit Schanze vu HS 20m bis HS 137m. Do wird au all Joor d Vierschanzentournee ufgmacht.
• d Heini-Klopfer-Schyyfluugschanze Oberschtdorf, HS 225m
• s Langlaufstaadion im Ried mit de Loipe vu dr Noordische Schyywältmaischterschaft 2005
• d Rollschyybaan Ried mit ere Lengi vu 6,8 km, Trainingsgländ fir Inline-Skates, Nordic Blades oder Schyyroller
• s Alpiin Trainingszäntrum am Oberjoch (ATA) vum Allgaier Schyyverband mit Bschneiigsaalaag un Fluetliecht
• d Snowboardstrecki am Grasgehre mit Bschneiigsaalaag
• d „Kraftalp“, em Chraftruum vu Olympiastitzpunkt Bayern am Bundesstitzpunkt

Weblink

• Offiziälli Websyte

47.40607210.287475

Dä Artikel basiert uff ere fräie Übersetzig vu dere Version vum Artikel „Skiinternat_Oberstdorf“ vu de dütsche Wikipedia. E Liste vu de Autore un Versione isch do z finde.