Zum Inhalt springen

Simon Stocker

Us der alemannische Wikipedia, der freie Dialäkt-Enzyklopedy
dr Simon Stocker (2023)

Dr Simon Jörg Stocker (* 2. Mai 1981 z Schafuuse; haimetberäächtigt z Tääinge) isch e Schwyzer Bolitiker (SP). Är isch vu Dezämber 2023 bis Meerz 2025 Mitgliid vum Ständeroot gsii.

Familie, Uusbildig un Beruef

[ändere | Quälltäxt bearbeite]

Dr Simon Stocker het an dr Zürcher Hoochschuel fir Aagwändti Wisseschafte Soziaali Aarbet studiert.[1] Bis 2024 het er in ere Co-Laitig d Fachstell Altersbolitik vum Verain Gerontologie CH glaitet.

Dr Stocker isch syter 2020 ghyroote.[2] Är läbt z Schafuuse, sy Frau un sy Suun lääbe syt Juni 2024 au deert.[3] Voorhäär sin si z Züri gwoont.

Bolitik

[ändere | Quälltäxt bearbeite]

Anne 2003 het dr Simon Stocker zue de Gridigsmitgliider vu dr Alternatiive Lischt Schafuuse gheert.[4] Fir die Bartei isch er vu 2007 bis 2012 im Grooße Stadtroot (Legislatiiv) vu dr Stadt Schafuuse ghockt. 2013 isch er in Stadtroot (Exekutiiv) gweelt woore un isch druf bis zue sym Ruggdritt anne 2020 fir s Soziaal- un Sicherhaitsreferaat zueständig gsii.[2][5] Wu di Alternatiiv Lischt Schafuuse aafangs 2022 ufgleest wooren isch, isch dr Stocker dr Soziaaldemokraatische Bartei byydrätte, wu iin as Ständerootskandidaat fir d Wahlen 2023 nominiert het.[6][7] Am 19. Novämber 2023 isch er im zweete Waalgang in Ständeroot gweelt woore, dr bishäärig Ständeroot Thomas Minder isch abgweelt woore.[8]

Geege d Waal vum Stocker in Ständeroot fir dr Kanton Schafuuse hän zwai Stimmbuurger e Beschwäärde yygee wäg sym Woonsitz: Dr Stocker heeb zum Zytpunkt vu dr Waal sy Lääbesmittelpunkt z Züri ghaa. Dr Schafuuser Regierigsroot het die Beschwäärde abgläänt,[9] dr Wyterzuug vu aim Stimmbuurger ans Schafuuser Oobergriicht isch au abgläänt woore.[10] Dur het dr Stimmbuurger där Fall ans Bundesgriicht wyterzooge.[11] Des het an 24. Meerz 2025 d Waal vum Stocker in Ständeroot fir uugiltig erkleert. Dr Stocker het doodermit per sofort sy Mandaat verloore.[12] Iiber dr vakant Ständerootssitz wird in ere Neiwaal entschiide, voruussichtli am 29. Juuni 2025. Dr Stocker het scho sy Kandidatuur verchindet.[13] S Urtdail het kai Uuswiirkige uf d Amtshandlige vu iim as Ständeroot; si sin nit nichtig un au nit aafäächtbaar (Wiirkig ex nunc).[12]

[ändere | Quälltäxt bearbeite]
 Commons: Simon Stocker – Sammlig vo Multimediadateie

Fueßnote

[ändere | Quälltäxt bearbeite]
  1. ↑ Seine Ideen sollen Gemeinden altersfreundlicher machen. In: impact.zhaw.ch. Zürcher Hochschule für Angewandte Wissenschaften, abgruefen am 19. November 2023.
  2. 1 2 Über mich. 25. Januar 2023, abgruefen am 27. März 2025.
  3. ↑ Robin Blanck: Das Leben des Simon Stocker unter dem Mikroskop – so will der SP-Mann belegen, dass sein Lebensmittelpunkt in Schaffhausen lag. In: Schaffhauser Nachrichten. 15. Juni 2024, abgruefen am 17. Juni 2024.
  4. ↑ Schichtwechsel bei der Liste. In: Schaffhauser AZ. 26. Juni 2018, abgruefen am 19. November 2023.
  5. ↑ Rücktritt in Schaffhausen – Simon Stocker will nicht mehr AL-Stadtrat sein. In: srf.ch. Schweizer Radio und Fernsehen, 22. Oktober 2019, abgruefen am 19. November 2023.
  6. ↑ Die AL macht Schluss – Alternative Liste Schaffhausen. Abgruefen am 19. November 2023.
  7. ↑ Simon Stocker ist als Ständeratskandidat nominiert. 6. März 2023, abgruefen am 19. November 2023.
  8. ↑ Simon Stocker im zweiten Wahlgang in den Ständerat gewählt. In: Schaffhauser Nachrichten. 19. November 2023, abgruefen am 19. November 2023.
  9. ↑ Streit um Ständeratssitz – Gericht muss über Wahl von Ständerat Simon Stocker urteilen. In: srf.ch. Schweizer Radio und Fernsehen, 19. November 2023, abgruefen am 19. November 2023.
  10. ↑ Erfolg für Simon Stocker: Der Ständerat gewinnt vor Gericht. In: srf.ch. Schweizer Radio und Fernsehen, 10. Juli 2024, abgruefen am 26. März 2025.
  11. ↑ SP-Ständerat Stocker muss um seinen Sitz zittern. In: Blick.ch. 9. Augschte 2024, abgruefen am 26. Meerz 2025.
  12. 1 2 1C_467/2024. Urteil vom 24. März 2025. In: bger.ch. Bundesgericht, 24. März 2025, abgruefen am 26. März 2025.
  13. ↑ Urteil nach Wahlbeschwerde – Simon Stocker verliert sein Amt als Schaffhauser Ständerat. In: srf.ch. Schweizer Radio und Fernsehen, 26. März 2025, abgruefen am 26. März 2025.
Dä Artikel basiert uff ere fräie Übersetzig vu dere Version vum Artikel „Simon_Stocker“ vu de dütsche Wikipedia. E Liste vu de Autore un Versione isch do z finde.
Vun "https://als.wikipedia.org/w/index.php?title=Simon_Stocker&oldid=1067818"