Sigrid Emmenegger
| Dialäkt: Undermarkgreflerisch |
D Sigrid Emmenegger (* 4. Oktoober 1976 z Fryburg) isch e dytschi Jurischti un syt 2021 Riichteri am Bundesverwaltigsgriicht z Leipzig. Am 10. Septämber 2025 het d SPD si as Kandidaati fir s Riichteramt am Bundesverfassigsgriicht voorgschlaa.
Lääbe
[ändere | Quälltäxt bearbeite]Uusbildig
[ändere | Quälltäxt bearbeite]D Sigrid Emmenegger het Räächtswisseschaft un Euroculture an dr Uniwersiteet Fryburg studiert. Noch em Abschluss vum Stuudium isch si anne 2006 mit dr Dissertazioon Gesetzgebungskunst. Gute Gesetzgebung als Gegenstand einer legislativen Methodenbewegung in der Rechtswissenschaft um 1900 bromewiert woore.[1] Ire Doktervater isch dr Andreas Voßkuhle gsii, s Zwaitguetachte im Rame vum Bromozioonsverfaare het dr Alexander Hollerbach verfasst.[2]
Beruef
[ändere | Quälltäxt bearbeite]Im Februar 2007 isch d Emmenegger bim Verwaltigsgriicht Koblenz as Riichteri uf Broob in Juschtizdienscht vum Land Rhyyland-Bfalz yydrätte. Derno het si an de Verwaltigsgriicht Mainz un Neustadt gschafft. Um des Zyt isch si au zur Riichteri uf Lääbeszyt am Verwaltigsgriicht Mainz ernännt woore. Vu Mai 2009 bis Juuni 2013 isch si as wisseschaftligi Mitarbaiteri fir ire Doktervater Andreas Voßkuhle an s Bundesverfassigsgriicht z Chaarlsrue abgoornet woore.[3] Vu Juuli 2013 bis April 2014 isch si an s Ooberverwaltigsgrii0cht Rhyyland-Bfalz z Koblenz abgoornet woore. Derno isch si zur Riichteri am Ooberverwaltigsgriicht ernännt woore un het des Amt bis Juuli 2019 ghaa. Näb dr Aarbet as Riichteri isch d Emmenegger wisseschaftligi Mitarbaiteri am Verfassigsgriichtshoof Rhyyland-Bfalz gsii un Leerbeufdraiti an dr Justus-Liebig-Uniwersiteet Gießen.[4]
Am 5. Juuli 2019 isch d Emmenegger zur Viizebresidänti vum Verwaltigsgriicht Koblenz ernännt swoore.[5]
Am 8. Oktoober 2020 isch d Emmenegger vum Riichterwaaluusschuss zur Riichterin am Bundesverwaltigsgriicht z Leipzig gweelt[6] un am 4. Jänner 2021 ernännt woore. S Bresidium vum Bundesverwaltigsgriicht het d Emmenegger zeerscht em 4. Revisioonssenaat vum Bundesverwaltigsgriicht zuegwiise, wu u. a. fir s Böu- un Booderäächt, s Räächt vum Uusböu vu Energylaitige, s Räächt vum Aaleege un Bedryybe vu Fluugblätz, s Dänkmoolschutzräächt un s Natuur- un Landschaftsschutzräächt zueständig isch.[1] 2024 isch si Mitgliid vum 11. Revisioonssenaat vum Bundesverwaltigsgriicht woore, wu „Sachen aus dem Gebiet des Rechts des Ausbaues von Energieleitungen einschließlich von Genehmigungen nach dem Bundes-Immissionsschutzgesetz für Anlagen, die dem Betrieb von Energieleitungen dienen“ zuegwiise sin un „Streitigkeiten, die Vorhaben zur Errichtung und zur Anbindung von Terminals zum Import von Wasserstoff und Derivaten betreffen, mit Ausnahme von Streitigkeiten nach dem LNG-Beschleunigungsgesetz“.[7]
Am 10. Septämber 2025 het d SPD-Bundesdaagsfrakzioon d Sigrid Emmenegger fir d Waal vu Riichter*ne vum Bundesverassigsgriicht voorgschlaa.[3][8]
Uusglääseni Schrifte
[ändere | Quälltäxt bearbeite]- Gesetzgebungskunst: Gute Gesetzgebung als Gegenstand einer legislativen Methodenbewegung in der Rechtswissenschaft um 1900 – Zur Geschichte der Gesetzgebungslehre (= Grundlagen der Rechtswissenschaft. Nr. 5). Nr. 5. Mohr Siebeck, Tübingen 2020, ISBN 978-3-16-148817-7 (Zugl.: Freiburg (Breisgau), Univ., Diss., 2004).
- mit Ariane Wiedmann (Hrsg.): Linien der Rechtsprechung des Bundesverfassungsgerichts – erörtert von den wissenschaftlichen Mitarbeiterinnen und Mitarbeitern. Band 2. De Gruyter Recht, Berlin 2011, ISBN 978-3-11-024015-3.
- mit Lars Brocker: Landesverfassungsgerichtsbarkeit und Verfassungswandel. Entwicklungslinien aus 70 Jahren Verfassungsrechtsprechung in Rheinland-Pfalz. In: Manuela Glaab, Hendrik Hering, Michael Kißener, Dieter Schiffmann, Monika Storm (Hrsg.): 70 Jahre Rheinland-Pfalz. Historische Perspektiven und politikwissenschaftliche Analyse. Springer VS, Wiesbaden 2020, ISBN 978-3-658-28899-0, S. 271–286.
Weblink
[ändere | Quälltäxt bearbeite]- Literatur vu un iber Sigrid Emmenegger im Katalog vu dr Dütsche Nazionalbibliothek
Fueßnote
[ändere | Quälltäxt bearbeite]- ↑ 1,0 1,1 Dr. Sigrid Emmenegger neue Richterin am Bundesverwaltungsgericht. In: Pressemitteilung Nr. 1/2021. Bundesverwaltungsgericht, 4. Januar 2021, abgruefen am 13. Januar 2021.
- ↑ Sigrid Emmenegger: Gesetzgebungskunst. Mohr Siebeck, 2006, ISBN 978-3-16-159713-8, Vorwort.
- ↑ 3,0 3,1 Christian Rath: Vorschlag fürs Bundesverfassungsgericht: Sigrid Emmenegger soll nach Karlsruhe gehen. In: taz. 10. September 2025, abgruefen am 10. September 2025.
- ↑ Honorarprofessoren, außerplanmäßige Professoren und Lehrbeauftragte. In: uni-giessen.de. Justus-Liebig-Universität Gießen, abgruefen am 7. November 2020.
- ↑ Dr. Sigrid Emmenegger ist die neue Vizepräsidentin. Pressemitteilung des Verwaltungsgerichts Koblenz. In: blick-aktuell.de. 11. Juli 2019, abgruefen am 7. November 2020.
- ↑ Dr. Sigrid Emmenegger zur Richterin am Bundesverwaltungsgericht gewählt. Ministerium der Justiz Rheinland-Pfalz, 9. Oktober 2020, abgruefen am 7. November 2020.
- ↑ Geschäftsverteilungsplan des Bundesverwaltungsgerichts für das Geschäftsjahr 2024. In: bverwg.de. 1. Juli 2024, abgruefen am 15. August 2024.
- ↑ SPD schlägt Sigrid Emmenegger als Kandidatin für Bundesverfassungsgericht vor. In: tagesschau.de. Abgruefen am 10. September 2025.
|
Dä Artikel basiert uff ere fräie Übersetzig vu dere Version vum Artikel „Sigrid_Emmenegger“ vu de dütsche Wikipedia. E Liste vu de Autore un Versione isch do z finde. |