Shermine Shahrivar
| Dialäkt: Mìlhüüserdiitsch |
D’ Shermine Shahrivar (uff Persisch schribbt m’r شرمینه شهریور; * 20. Nowamber[1] 1982 z’ Teheran, Irààn) ìsch a diitsch Fotomodäll un Scheenhaitskeenigin.
ìhra Kàrriar
[ändere | Quälltäxt bearbeite]D’ Shahrivar hàt Politikwìssaschàft z’ Duisburg g’schtudiart. Àm 17. Janner 2004, wu sa noch Schtüdanta gsìì ìsch, ìsch sa àls Miss Süüddiitschlànd un schpeeter àls Miss Diitschlànd kreent worra.[2] Ìm saalwa Joohr ìsch sa ìm Jüüni àls Kàndidààtin ìm Wättb’warb Miss Universe ufftratta. Ìm Jüüli hàt sa bii dr Miss International ìn dr Volksrepüblik Kiina bis ìn d’ Hàlbfinààla àànakumma un ìsch àm 12. März 2005 z’ Pàriis àls Mis Europe kreent worra.
Vu Dezamber 2004 bis ìm Àuigscht 2005 ìsch sa Moderàtoora vu Traumpartner TV gsìì. Üsserdam hàt sa ànna 2005 ìn’ra frànzeescha Farnsahfolga sìch salbscht g’schpììlt un hàt ànna 2006 àm Video-Clip Dinle vum tìrkischa Schàuischpììler un Reschissöör Mahsun Kırmızıgül mìtg’màcht. Zitter Janner 2007 düat sa d’ Schàuischpììlschüal vu Lee Strasberg z’ Näi York b’süacha. Witterscht hàt sa àls Modäll fìr Americal Apparel g’schàfft un ìsch zitter 2008 ìn verschììdana Warbakàmpàània z’ sah gsìì. Ìhra Hàuiptàgantüür ìsch One 1 Modelmanagement, wo ìhr Hàuiptsìtz z’ Berliin hàt. Seeds Media kìmmert sìch um ìhra Schàuischpììlkàrriar un hàt eewafàlls ìhr Sìtz z’ Berliin. Ànna 2010 ìsch sa ìn dr Oktoower-Üssgààb vu dr Zittschrìft Playboy z’ sah ìsch. Ànna 2013 un 2018 ìsch sa ìn dr VOX-Sandung Promi Shopping Queen z’ sah gsìì. Ìm Nowamber 2016 hàt sa àn dr Tànzshow Deutschland tanzt uff ProSieben tailg’numma.
Ìm Septamber 2023 ìsch sa àn dr Schpììlsandung Die Verräter – Vertraue Niemandem! mìtg’màcht.[3]
ìhr Prìwààtlaawa
[ändere | Quälltäxt bearbeite]Wu sa ain Joohr àlt gsìì ìsch, ìsch sa mìt ìhra iràànischa Äältra ìn Diitschlànd kumma ku laawa. Sa ìsch ìn Ààcha-n-uffg’wàcksa. Naawa Diitsch un Persisch reedet sa fliassend Anglisch un Frànzeesch.
Ànna 2004 ìsch d’ Shahrivar ain Joohr làng d’ G’fährtin vum Schàuischpììler Ralf Bauer gsìì. Sa hàt vìllicht a Beziihung zem Prìnz Albert vu Monaco g’hàà — z’ mìndescht hàt m’r d’rìwwer vììl ìn da diitscha Meedia g’rädd. Vu 2009 bis ìm Jüüno 2010 ìsch sa ìn’ra Beziihung mìt’m diitscha Schàuischpììler Thomas Kretschmann gsìì.[4] Ànna 2010 ìsch sa mìt’m Schàuischpììler Xavier Samuel ìn’ra Beziihung gsìì.[5] Àb 2012 ìsch sa mìt’m Desäigner Markus Klosseck zamma gsìì un hàt mìt ema z’ Berliin g’laabt.[6] Àm Ààfàng vun Àuigscht 2013 hàt s’ Pààr a Tochter bikumma. Kurz vor Wiinàchta 2013 hann sìch dr Klossek un d’ Shahrivar getrännt.[7]
Ìm Summer 2016 hàt sa viar Moneeta làng a Liawesàffara mìt’m itàliaanischa Fiat-Äärwa Lapo Elkann g’hàà.[8]
Weblìnks
[ändere | Quälltäxt bearbeite]
Commons: Shermine Shahrivar – Sammlig vo Multimediadateie- Shermine Shahrivar in de Internet Movie Database (änglisch)
Ainzelnoohwiisa
[ändere | Quälltäxt bearbeite]- ↑ Born Shermine Shahrivar on 20th November, 1982 in Teheran, Iran. Abgruefen am 10. Februar 2025 (änglisch).
- ↑ Andreas Fasel: Die Schönsten im Land. In: Die Welt. Abgruefen am 18. April 2023.
- ↑ SWP: Die Verräter : Das sind die 16 Teilnehmer der neuen Show. 13. September 2023, abgruefen am 17. September 2023.
- ↑ Thomas Kretschmann und Shermine Sharivar gestehen ihre Liebe! In: TIKonline.de. 21. April 2009, archiviert vom Original am 8. November 2016; abgruefen am 10. Februar 2025.
- ↑ „Xavier Samuel and Shermine Shahrivar aren’t together anymore“ (Memento vom 23. Juni 2013 im Internet Archive), Xavier Samuel News, 27. April 2012.
- ↑ „Klassentreffen – Promi-Shopping in Berlin“. In: shopping-queen.tv. 10. März 2013, archiviert vom Original am 10. Mai 2023; abgruefen am 10. Februar 2025.
- ↑ Shermine Shahrivar: Trennung vom Vater ihres Babys! In: Bild. 17. September 2013, archiviert vom Original am 26. Januar 2025; abgruefen am 10. Februar 2025.
- ↑ Italiens Ober-Playboy lässt alle Models sitzen. In: Kurier. 28. September 2016, archiviert vom Original am 27. November 2024; abgruefen am 10. Februar 2025.
|
Dä Artikel basiert uff ere fräie Übersetzig vu dere Version vum Artikel „Shermine_Shahrivar“ vu de hochdütsche Wikipedia. E Liste vu de Autore un Versione isch do z finde. |