Sarah Höfflin

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen

D Sarah Höfflin (* 8. Jänner 1991 z Gämf) isch e Freestyle-Schyfahrerin us dr Schwiiz.

D Höfflin isch d Dochter vomene Schwiizer und von ere Australierin. Si läbt mit dr Muetter z Ängland. Si het gärn Yshockey gspiilt und Neurowüsseschafte an dr Uni vo Cardiff studiert.

Es Joorl lang het si i dr Schwiiz und z Savoye ganz intensyv chönne Schyfahre, und sid 2014 isch si an Wettkämpf vo dr AFP World Tour ggange. D Organisatoore vom Schiizer Schyverband hend se ane 2015 is Nazionaalteam vo de Freestyle-Schyfahrerinne uufgnoo. Iry Disziplyne sind Slopestyle und Big Air.

In dr Wintersaison 2016/2017 isch si zwäimol uf dr dritt Platz bi Wettkämpf in dr Disziplyn Slopestyle choo. S Wältcuprönne im Slopestyle vom 28. Jänner 2017 uf dr Seiser Alm i de Dolomite het si gwunne. Bi andere Rönne z Kanada und a dr Freestyle-Wätmäischterschaft z Spanie isch si au wider uf die vordere Plätz choo. Und si isch Schwiizer Mäischteri 2017 im Slopestyle und im Big Air.

Im Jänner 2018 isch d Sarah Höfflin bi de ”Winter-X-Games 2018“ z Aspen in de USA im Big Air-Wettkampf so guet gsi, ass si au do dr erscht Platz gholt het.

Und a de Olympische Winterschpiili im Februar 2018 z Südkorea het si im Slopestyle-Wettkampf d Guldmedalie gwunne und isch Olympiasygerin worde.[1][2][3] D Friburgerin Mathilde Gremaud vo Bulle het dezue ane grad no d Silbermedalie gwunne.[4]

Weblink[ändere | Quälltäxt bearbeite]

Fuessnoote[ändere | Quälltäxt bearbeite]

  1. Höfflin siegt vor Gremaud - GOLD UND SILBER: Schweizer Duo zaubert im Slopestyle uf srf.ch
  2. Deutscher Name, spricht Französisch, lebte in England. So tickt unsere Olympiasiegerin Höfflin uf blick.ch
  3. Sarah Hoefflin soars to slopestyle gold uf japantimes.co.jp
  4. Silber-Medaillen-Gewinnerin Mathilde Gremaud im Porträt «Ich habe keine Angst, bloss ein bisschen Respekt» uf schweizer-illustrierte.ch