Saint-Ouen-Domprot

Saint-Ouen-Domprot
Saint-Ouen-Domprot (Frankreich) Saint-Ouen-Domprot
Region	Grand Est
Département	Marne
Arrondissement	Vitry-le-François
Kanton	Vitry-le-François-Champagne et Der
Kommünàlverbànd	Vitry, Champagne et Der
Koordinàte	48° 37′ N, 4° 25′ O48.6097222222224.4088888888889
Heche	113–207 m
Flech	37,28 km2
Iiwohner	203 (1. Jänner 2020)
Bevelkerungsdicht	5 Iiw./km2
Code Postal	51320
INSEE-Code	51508

Dialäkt: Mìlhüüserdiitsch

Saint-Ouen-Domprot [sɛ̃t‿wɛ̃ dɔ̃pʁo] ìsch a frànzeescha G’mainda mìt 203 Iiwoohner (Schtànd: 1. Januar 2020) ìm Département Marne ìn dr Regioon Grand Est (vor 2016 ìn dr Regioon Champagne-Ardenne). Sa g’heert zem Arrondissement Vitry-le-François so wia zem Kàntoon Vitry-le-François Champagne et Der.

zem Dorfnàmma

Ìm Làuif vu dr G’schìcht hàt sìch dr Dorfnàmma vu Saint-Ouen asoo uff Làtiinisch un Àltfrànzeesch, schpeeter uff Frànzeesch äntwìckelt:

• Sancti Audoeni villa (ànna 1147)
• Saint-Couain, Saint-Oien (um 1274)
• Saint-Ouain (ànna 1636)
• Vinon-sur-Oiselet (wahrend dr Frànzeescha Rewolüzioon ànna 1793)
• Ormont (waahrend dr Frànzeescha Rewolüzioon ànna 1794)

Daa Nàmma düat dr hl. Owen eehra, wo ìm 7. Joohrhundert Bischoof vu Rouen gsìì ìsch.

Un ìm Làuif vu dr G’schìcht hàt sìch dr Dorfnàmma vu Domprot asoo uff Làtiinisch un Àltfrànzeesch, schpeeter uff Frànzeesch äntwìckelt:

• Damperet (ànna 1145)
• Domperotum (ànna 1152)
• Domperret (ànna 1215)
• Domperretum (ànna 1247)
• Domperetum (ànna 1252)
• Domprot, Domperrote (ànna 1366)
• Damperotum (ànna 1381)
• Domniperrotum (ànna 1443)
• Dompnus Perotus (ànna 1457)
• Domperot (ànna 1508)
• Domp-Perrot (ànna 1543)

Dr frànzeescha Nàmma „Domprot“ düat dr Àposchtel Petrüs eehra. Ar schtàmmt vum Schpeetlàtiinischa domnus un vum Àposchtelnàmma Petrus mìt dr Noohsìlwa -ettum un schpeeter -ottum hìnterdràà.

Zwìscha 1790 un 1794 ìsch d’ Noochberg’mainda Saint-Étienne mìt Saint-Ouen füsioniart worra, fìr d’ näija G’mainda Saint-Ouen-et-Saint-Étienne [sɛ̃t‿wɛ̃ e sɛ̃t‿etjɛn] bìlda. Ànna 1834 hàt m’r dia G’mainda mìt dr Noochberg’mainda Domprot füsioniart, un domìt ìsch d’ näija G’mainda Saint-Ouen-Domprot bìlda.

wu ’s lììgt

Saint-Ouen-Domprot lììgt äbba 38 Kilomeeter süüdlig vu Châlons-en-Champagne ìm Harza vu dr Trockana Champagne àn dr Granz zem Département Aube. Umgaa wìrd Saint-Ouen-Domprot vu da Noochberg’mainda Humbauville ìm Norda un Nordwäschta, Le Meix-Tiercelin ìm Norda, Somsois ìm Oschta, Chapelaine ìm Süüdoschta, Corbeil ìm Süüda un Süüfoschta, Bréban ìm Süüda, Dampierre ìm Süüda un Süüdwäschta, Lhuître ìm Wäschta un Süüdwäschta so wia Dosnon ìm Wäschta un Nordwäschta.

Dur dr Ort fliasst dr Puits, wo ìn d’ Aube mìndet.

wia sìch d’ Beveelkerung äntwìckelt hàt

Joohr	1962	1968	1975	1982	1990	1999	2006	2011	2016
Iiwoohner	269	244	184	200	222	206	214	197	206
Kwalla: Cassini un INSEE

wàs doo z’ sah ìsch

• d’ reemisch-kàthoolischa Schtefàànskìrìch (église Saint-Étienne), wo àb’m 12. Joohrhundert bàuija worra-n-ìsch. Sa zeehlt zitter 1932 bii da Histoorischa Dankmooler, wo-n-a nàzionààla Bediitung hann. D’rìnn sìnn a schtainiga Pietà üss’m 16. Joohrhundert so wia-n-a Kìrchafanschter üss’m 15. un 16. Joohrhundert jewills àls Ainzeldankmooler bii da Histoorischa Dankmooler klàssifiziart, wo-n-a nàzionààla Bediitung hann. Üsserdam ìsch s’ Holzkrüzifix üss’m Joohrhundert àls Ainzelwark bii da Histoorischa Dankmooler iig’schtuuft, wo-n-a regionààla Bediitung hann — m’r kààt’s jedoch hìtt ìm Kunschtmüsee z’ Châlons-en-Champagne fìnda.
• d’ reemisch-kàthoolischa Bartholomääuskìrìch (église Saint-Barthélémy), wo àb’m schpeetera 15. Joohrhundert bàuija worra-n-ìsch, un wo zallamols „St. Owen“ (église Saint-Ouen) g’haissa hàt. Sa schteeht eewafàlls zitter 1932 bii da Histoorischa Dankmooler, wo-n-a nàzionààla Bediitung hann. D’rìnn sìnn dr schtainiga Tàuifbäcka üss’m 18. Joohrhundert so wia d’ fàrwiga Holzschtàtüüta vu dr Màdonna mìt’m Jesüskìnd üss’m 18. Joohrhundert jewills bii da Histoorischa Dankmooler iig’schtuuft, wo-n-a regionààla Bediitung hann.

• 
  d’ Schtefàànskìrìch
• 
  wia dr Hàuiptschìff vu dr Schtefàànskìrìch ànna 1915 — àlso vor dr Litürgiireform vum Konziil Vàtikàànum II — üssg’sah hàt
• 
  wia d’ Nordsitta vu dr Schtefàànskìrìch ànna 1915 äntwìckelt hàt
• 
  d’ Owenskìrìch
• 
  wia dr Hàuiptschìff vu dr Owenskìrìch ànna 1915 — àlso vor dr Litürgiireform — üssg’sah hàt
• 
  wia dr Hàuiptschìff vu dr Owenskìrìch ànna 1915 — àlso vor dr Litürgiireform — üssg’sah hàt

Lüag àui

• d’ Lischta vu da G’mainda ìm Département Marne

Weblìnks

 Commons: Saint-Ouen-Domprot – Sammlig vo Multimediadateie

• Schtàtistik züa dr G’mainda Saint-Ouen-Domprot biim INSEE (frànzeesch)
• Informàzioona züa dr G’mainda Saint-Ouen-Domprot ìn dr Dààtabànk vu dr LdH/EHESS/Cassini (frànzeesch)
• Informàzioona züa dr G’mainda Saint-Ouen-Domprot biim Informàzioonsportààl BANATIC vum frànzeescha Ìnnaminìschteerium (frànzeesch)