Sacré-Cœur (Reims)
| Dialäkt: Mìlhüüserdiitsch |
D’ ehamooliga reemisch-kàthoolischa Pfàrrkìrìch Sacré-Cœur z’ Reims b’haarbargt hìtt d’ Warkschtàtt vum Glààsmoolaräi Simon-Marcq.
wu sa lììgt
[ändere | Quälltäxt bearbeite]S’ Gebäi lììgt àn dr Rue Ernest-Renan ìm Viartel Clairmarais ìm Nordwäschta vum Schtàdtgebiat vu Reims.
G’schìcht
[ändere | Quälltäxt bearbeite]D’ Pfàrräi Sacré-Cœur ìsch ànna 1908 ìm Àrwaiterviartel Clairmarais vum Kàrdinààl Louis Luçon ärschtällt worra. Dr Viartel ìsch mìt dr Äntwìcklung vu dr Ìndüschtrii vììl greesser worra gsìì, un m’r hàt doo mehrera Kàpalla bàuija. Vor’m Bàui vu dr Kìrìch Sacré-Cœur sìnn mehrera Projakta gsìì, wo nia woohr worra sìnn.
D’ Kìrìch, womm’r hìtt kännt, ìsch vu da Àrkitäckta André Gaston un Yves Michel zaichent worra. D’ Àrweta hann zwìscha 1956 un Oktoower 1959 schtàttg’funda, un s’ Gotteshüüs ìsch àm 25. Oktoower 1959 vum Reimser Wäihbischoof Georges Béjot g’wäijt worra.
Zitter 2020 lììgt doo d’ Warkschtàtt vum Glààsmooler Simon-Marcq, wo zitter 1640 Kìrchafanschter haarschtällt.[1][2][3] Fìr dàs sìnn a pààr Àrweeta ìn dr Kìrìch gsìì.[4]
wia ’s üsssìht
[ändere | Quälltäxt bearbeite]S’ Gotteshüüs b’schteht vor àllem üss Schtààhlbetùng. Sa hàt zwai G’scheesser. Ìm untera G’schooss, wo tailwiis unter’m Booda lììgt, ìsch a Gruft un a Mehrzwacksààl gsìì, so wia 8 Sààla fìr Kàtekìschmus leehra.
Ìwwer’m Dàch vum Glockaturm, wo 32 Meeter hooch ìsch, schteht a Kriiz üss Schmììdiisa. D’ Müüra vor’m Wäschtportààl sìnn fàrwig g’moolt — dia Moolaräi hàt dr Reimser Glààsmooler Hubert de Sainte Marie ìn siim Warkschtàtt z’ Quintin ìn dr Bretagne zaichent un g’moolt.
Ìm rachtackiga Kìrchaschìff hann 900 Litt känna sìtza. Dr Schìff ìsch mìt Figuura un Szeena vum Àlta un vum Näija Täschtàmant ziart. D’ zwai groossa Kìrchafanschter zaiga d’ hailiga Wunda vum Jesüs Krìschtüs, wo dr Charles Marcq haarg’schtällt hàt[2] — dia Wunda sìnn mìt’m Krìschtüs siim Hailigschta Harz verbunda.
-
a Blìck uff d’ Kìrìch -
dr Glockaturm -
d’ Wäschtfàssààda -
wia d’ Wäschtfàssààda-n-àm Füass vum Glockaturm üsssììht -
dr Tàuifbäcka
Lìteràtüür
[ändere | Quälltäxt bearbeite]- Michel Thibault, Bernard Desoize: Quand Reims est sortie de ses remparts. Le Clairmarais. Band 1, ISBN 2-911353-02-1 (französisch).
- Art chrétien. Nr. 14/14, 1959, S. 86 (französisch).
Weblìnks
[ändere | Quälltäxt bearbeite]
Commons: Sacré-Cœur (Reims) – Sammlig vo Multimediadateie- d’ Kìrìch Sacré-Cœur ìm Genrààlverzaichniss vum Kültüüräärwa Grand Est (frànzeesch)
- d’ Kìrìch Sacré-Cœur bii Clochers de France (frànzeesch)
Ainzelnoohwiisa
[ändere | Quälltäxt bearbeite]- ↑ Julien Debant: L'Atelier Simon-Marq va s'installer dans l'église du Sacré-Cœur ! In: L’Hebdo du vendredi. 21. Mai 2020, archiviert vom Original am 30. Oktober 2020; abgruefen am 15. Februar 2025 (französisch).
- ↑ 2,0 2,1 Claire Dhouailly: A Reims, l’Atelier Simon-Marq voue un culte à la lumière. In: Le Monde. 11. Juni 2022, abgruefen am 15. Februar 2025 (französisch).
- ↑ Valérie Coulet: A Reims, l’Atelier Simon-Marq trouve refuge à l’église du Sacré-Cœur. In: L’Union. Abgruefen am 15. Februar 2025 (französisch).
- ↑ Sophie Constanzer: Renaissance de l'Atelier Simon Marq à Reims : les travaux dans l'Eglise du Sacré-Coeur ont débuté. France Bleu Champagne-Ardenne, archiviert vom Original am 16. Dezember 2024; abgruefen am 15. Februar 2025 (französisch).
|
Dä Artikel basiert uff ere fräie Übersetzig vu dere Version vum Artikel „Église_du_Sacré-Cœur_de_Reims“ vu de französische Wikipedia. E Liste vu de Autore un Versione isch do z finde. |
Koordinate: 49° 15′ 44,1″ N, 4° 0′ 53,5″ O