Sabine Wolf
D Sabine Wolf (* 25. Mai 1971 z Villinge[1]) isch e dytschi Schauspiileri un Reschiseeri.
Lääbe
[ändere | Quälltäxt bearbeite]D Sabine Wolf het iri Uusbildig zur Schauspiileri vu 1990 bis 1994 an dr Hoochschuel fir Musik un Theater[2] z Hamburg un am Lee Strasberg Institut z New York gmacht. Druf het si Feschtengaschmänt vu 1994 bis 1996 am Staatstheater Mainz un vu 1997 bis 1998 am Landestheater Detmold ghaa. Vu 2000 bis 2001 het d Wolf zum Ensemble vum Stadttheater Haalbrunn ghaa un vu 2014 bis 2015 e Gaschtengaschmänt am Theater der Keller z Köln.
Scho 1988 het d Sabine Wolf in dr Roll vu dr Julia ire Biinedebüt in s Shakespeares Romeo und Julia am Dytsche Theater Göttingen gee. Z Mainz het me si unter anderem in Drei Schwestern vum Anton Tschechow un in Maß für Maß vum William Shakespeare chenne sää. Z Detmold het si d Jenny in Die Dreigroschenoper vum Bertolt Brecht un z Haalbrunn d Titelroll in dr Uuruffierig vum Musical Minna! vum Konstantin Wecker gspiilt. Syt 2005 cha me d Wolf uf verschiidene Kölner Biine sää, doodrunter s Theater Tiefrot un s Theater im Bauturm. Derzue het si au am Bonner Contra-Kreis-Theater gaschtiert.[1]
Aini vu dr eerschte Fäärnseerolle vu dr Sabine Wolf isch d Liane Gershoff, wu si in 20 Folge vu dr ZDF-Seerine Forsthaus Falkenau gspiilt het. Anderi Rolle het si in Seerine wie Der kleine Mönch, Im Namen des Gesetzes, Kommissar Stolberg, Danni Lowinski oder SOKO Köln ghaa. Dernääbe het me d Wolf au in dr Literatuurverfilmig Neger, Neger, Schornsteinfeger! un im Kataschtroofefilm Das Inferno – Flammen über Berlin chenne sää. Im Kino het d Sabine Wolf 1995 in Der Campus vum Sönke Wortmann un in verschiidene Chuurzfilm gspiilt.[1]
As Reschiseeri het d Sabine Wolf zwee Animazioonsfilm in Szeene gsetzt. Näbe Infin dr 15-minitige Straife Make me happy Cookie, wu 2015 zum Womens Director International Filmfestival z Neu-Delhi yyglaade wooren isch.[1]
Uusglääseni Filmografy
[ändere | Quälltäxt bearbeite]- 1995–1997: Forsthaus Falkenau (20 Folge as Liane Gershoff)
- 1997: S.O.S. Barracuda
- 1997: Kurklinik Rosenau – Blindflug
- 1998: Der Fahnder – Mord im Parkhaus
- 2000: Die Motorrad-Cops – Hart am Limit – Der Killer-Cop
- 2000: Blondine sucht Millionär fürs Leben
- 2001: Jetzt bin ich dran, Liebling!
- 2002: Der kleine Mönch – Mauerblümchen
- 2004: Im Namen des Gesetzes – Mörderisches Quartett
- 2004: Stefanie – Eine Frau startet durch (2 Folge as Dr. Charlotte Schindler)
- 2005: Bella Block: … denn sie wissen nicht, was sie tun
- 2005: Alles Atze – Kinder, Kinder
- 2006: Die Wache – Zahn um Zahn
- 2006: Neger, Neger, Schornsteinfeger!
- 2006: Bettis Bescherung
- 2007: Notruf Hafenkante – Liebeswahn
- 2007: Das Inferno – Flammen über Berlin
- 2007: Tatort: Die dunkle Seite
- 2008: Der Mann an ihrer Seite
- 2009: Großstadtrevier – Alle für einen
- 2010: SOKO Köln – Krieg im Kleingarten
- 2010: Kommissar Stolberg – Bei Anruf Mord
- 2010: Danni Lowinski – Schön für einen Tag
- 2011: Countdown – Die Jagd beginnt – Vergeltung
- 2013: Zwei Mütter
- 2013: SOKO Köln – Späte Mädchen
- 2014: Die Diagnosen der Frau Schwarz (Kurzfilm)
- 2016: 24 Wochen
- 2017: Notruf Hafenkante – Engel
- 2019: Helen Dorn – Nach dem Sturm
- 2021: Tatort: Der Herr des Waldes
Weblink
[ändere | Quälltäxt bearbeite]- Sabine Wolf in dr Internet Movie Database
- Sabine Wolf bi filmportal.de
- Sabine Wolf bi schauspielervideos.de
- Websyte vu dr Sabine Wolf
- d Sabine Wolf bi ire Agäntuur
Fueßnote
[ändere | Quälltäxt bearbeite]- 1 2 3 4 Websyte vu dr Sabine Wolf
- ↑ Sabine Wolf bi filmportal.de, abgerufen am 19. Dezember 2021