Rue de la Gabelle

D’ Rue de la Gabelle [ʁy də la ɡabɛl](info) ìsch a Gassla ìm Schtàdtzäntrum vu Reims.

Verlàuif un Braita

D’ Rue de la Gabelle làuift uff 205 Meeter zwìschem Rue Cérès 18–20 ìm Nordwäschta un dr Rue Eugène-Desteuque ìm Süüdoschta. Ìn Mìtta vun ìhrer Làuifschträcka trìfft sa àn dr Nordoschtsitta d’ kurza Rue d’Avenay, wo züa dr Rue des Marmouzets fiahrt.^[1]

Sa ìsch numma 1,2 odd’r 1,4 Meeter brait àm Nordwäschtiigàng un ìsch domìt d’ dìnnschta Schtrooss z’ Reims.^[1]^[2] Numma dr Passage Wattebault bii dr Thomààskìrìch ìsch dìnner gsìì (0,89 Meeter brait), àwwer ar ìsch jez züag’müürt.^[3]

G’schìcht

Dr Nàmma „Rue de la Gabelle“ bediitet uff Elsassisch „Sàlzschtiiraschtrooss“, ema Schtiira, wo d’ Litt ìm Mìttelàlter (àb’m 14. Joohrhundert, bis àn dr Frànzeescha Revoluzioon) hann müassa bezààhla.^[2] Dr Sìtz vu da Schtiirabeheerda ìsch àn dr Rue du Grenier à Sel ìm hìttiga Reimser Schtàdtzäntrum gsìì.^[2] Vermüatlig sìnn uff dr Schtrooss mehrera Sàlzhandler un Sàlzkàmmra gsìì.^[1]

Bis zem 17. Joohrhundert hàt m’r vermüatlig ìn dr Umgàngsschprooch dia Schtrooss rue Écarquille-Con g’nännt, dänn ’s säjg da Fràuija schwaar gsìì, doo riahwig z’ làuifa.^[1]

Zitter 1874 ìsch àn dr Schtrooss a Schokolààdafàwrìk. Ìm Zwaita Waltkriag hann sìch oft Wììderschtàndskampfer ìn dr Kaller vu dr Fàwrìk verschtäckt – d’ Diitscha hann doo nìt känna kumma, dänn s’ dìnna Gassla ìsch fìr sììe züa g’foohrlig gsìì.^[2]

D’ Schtrooss ìsch zitter da 2010er Joohra mìt zwai Dììra g’schlossa, dänn vììla Litt sìnn hüüfig doo kumma ku brunza un Drooga verkàuifa, un ’s sìnn vììla Diabschtààhla gsìì.^[2]

Lìteràtüür

Gabelle, rue de la [14e siècle]. In: Jean-Yves Sureau (Hrsg.): Les rues de Reims : mémoire de la ville. Reims 2002, S. 160 (französisch, archive.org [abgerufen am 15. Februar 2025]).
Alice Renard: Rue de la Gabelle, la plus étroite rue de Reims. In: L’Union. 23. August 2022 (französisch, lunion.fr [abgerufen am 21. Februar 2025]).

Weblìnks

Commons: Rue de la Gabelle – Sammlig vo Multimediadateie

Noohwiisa

↑ ^1,0 ^1,1 ^1,2 ^1,3 Sureau 2002
↑ ^2,0 ^2,1 ^2,2 ^2,3 ^2,4 Renard 2022
↑ A savoir. In: L’Union. 15. Juni 2018, archiviert vom Original am 21. Februar 2025; abgruefen am 21. Februar 2025 (französisch).

49.255844.0361Koordinate: 49° 15′ 21″ N, 4° 2′ 10″ O

[Sureau-1] 1,0 ^1,1 ^1,2 ^1,3 Sureau 2002

[Renard-2] 2,0 ^2,1 ^2,2 ^2,3 ^2,4 Renard 2022

[3] A savoir. In: L’Union. 15. Juni 2018, archiviert vom Original am 21. Februar 2025; abgruefen am 21. Februar 2025 (französisch).

[1]

[2]

[3]