Rosa Kamm
D Rosa Kamm, geb. Baumhauer (* 26. Juuli 1907 z Gmend; † 4. Jänner 1996 z Schorndorf) isch e dytschi Bolitikeri (SPD) gsii.
Familie, Uusbildig un Beruef
[ändere | Quälltäxt bearbeite]D Doochter vun eme Schriftsetzer isch uf di Heecher Deechterschuel gange un het bi re Silberwaarefabrik in ire Gebuurtsstadt Gmend Chauffrau gleert. Anne 1925 het di dr Gottlob Kamm ghyroote, wu si bim Spoort chännegleert ghaa het. Dr Gottlob isch speeter au in dr Bolitik engaschiert gsii, unter anderem as Buurgermaischter vu Schorndorf un Landesminischter fir bolitischi Befreiig. Dur d Hochzyt isch d Rosa Kamm uf Schorndorf chuu, deert hän d Eelyt en Verchaufsstand am Schorndorfer Baanhoof ibernuu. Mit em Aafang vum Zweete Wältchrieg anne 1939 het d Rosa Kamm där mieße ufgee un het e Lääbesmittelgschäft z Cannstatt ibernuu. Derzue isch si vyyl Joor Mitgliid vum kadoolische Chilchchoor gsii.
D Kamm het mit irem Mann vier Chinder ghaa, zwoo Deechtere un zwee Siin. Dr eltscht Suun, dr Bertold Kamm, isch speeter au in Bolitik gange. Iri letscht Ruestätt hetb d Rosa Kamm uf em neie Friidhoof z Schorndorf gfunde.
Bolitik
[ändere | Quälltäxt bearbeite]In ire Juuged het d Kamm de Falke aagheert, speeter isch si dr SPD byydrätte. Anne 1946 isch si zur Voorsitzeri vum SPD-Oortsverain Schorndorf gweelt woore. Im Joor 1947 isch si, zäme mit irem Mann, in di Verfassiggeebend Landesversammlig vu Wiirtebäärg-Baade gweelt woore. Im nämlige Joor isch si in Schorndorfer Stadtroot yyzooge, wu si bis 1953 un nomool vu 1975 bis 1977 aagheert het. Derzue isch si vu 1973 bis 1984 Mitgliid vum Kraisdaag vum Rems-Murr-Krais gsii.
Gsellschaftli Engaschmänt
[ändere | Quälltäxt bearbeite]D Kamm het si au usserhalb vu dr Bolitik in dr Gsellschaft engaschiert. Si isch e baar Joor lang Voorsitzeri vum Ortsverain vu dr AWO gsii. 1965 het si dr Spiilblatzverain grindet, wu ghulfe het dr eerscht Chinderspiilblatz z Schorndorf böue. Bim Spoortverain SKV Schorndorf (mittlerwyyli ufgangen in dr SG Schorndorf) isch si langi Zyt Hauptkassiereri un gschäftsfierendi Voorsitzeri gsii. Derzue het si deert d Fueßball-Junioore-Mannschafte au materiäll unterstitzt, uf sii isch d Grindig vu dr Fraue-Handball-Abdailig zruggange. Me het d Kamm au as „Chauffeuri“ gchännt, si het zeerscht ire Mann, wu im Chreig e Bai verloore gaa het, un speeter au Junioore-Fueßballer un Behinderte gfare.
Eerige
[ändere | Quälltäxt bearbeite]- 1970: Bundesverdienschtchryz 1. Klass
- 1987: Verdienschtmedaille in Gold vu dr Stadt Schorndorf
Literatuur
[ändere | Quälltäxt bearbeite]- Ina Hochreuther: Frauen im Parlament. Südwestdeutsche Parlamentarierinnen von 1919 bis heute. Stuttgart 2012, ISBN 978-3-923476-16-9, S. 113
Weblink
[ändere | Quälltäxt bearbeite]- Eine mutige Frau, die heute 100 würde, Artikel us de Schorndorfer Nachrichten vum Hans Pöschko vum 26. Juli 2007
- Frieder Stöckle erinnert an Rosa Kamm Reed vum 26. Juli 2007 zum 100. Gebuurtsdaag vu dr Rosa Kamm
|
Dä Artikel basiert uff ere fräie Übersetzig vu dere Version vum Artikel „Rosa_Kamm“ vu de dütsche Wikipedia. E Liste vu de Autore un Versione isch do z finde. |