Rocquigny (Ardennes)

Rocquigny
	Rocquigny (Frankreich) Rocquigny
Region	Grand Est
Département	Ardennes
Arrondissement	Rethel
Kanton	Signy-l’Abbaye
Kommünàlverbànd	Crêtes Préardennaises
Koordinàte	49° 41′ N, 4° 15′ O49.6911111111114.2483333333333
Heche	128–261 m
Flech	36,85 km2
Iiwohner	672 (1. Jänner 2020)
Bevelkerungsdicht	18 Iiw./km2
Code Postal	08220
INSEE-Code	08366

Dialäkt: Mìlhüüserdiitsch

Rocquigny [ʁɔkiɲi] ìsch a frànzeescha G’mainda mìt 672 Iiwoohner (Schtànd: 1. Januar 2020) ìm Ardenna-Département ìn dr Regioon Grand Est (vor 2016 ìn dr Regioon Champagne-Ardenne). Sa g’heert zem Arrondissement Rethel, zem Kàntoon Signy-l’Abbaye so wia zem G’maindaverbànd Crêtes Préardennaises.

zem Dorfnàmma

Dr Ort ìsch ànna 1248 mìt’m àltfrànzeescha Nàmma Roquenis odd’r Roquenies g’nännt gsìì, un schpeeter mìt’m làtiinischa Nàmma Roquignis ànna 1284 un mìt’m àltfrànzeescha Nàmma Rokegnis ànna 1317.

Geogràfii

Rocquigny lììgt äbba 38 Kilomeeter nord-nordeeschtlig vu Reims. Umgaa wìrd Rocquigny vu da Noochberg’mainda Résigny ìm Nordwäschta un Norda, Le Fréty ìm Norda, Saint-Jean-aux-Bois ìm Nordoschta, La Romagne ìm Oschta, Chaumont-Porcien ìm Süüda un Süüdwäschta, Rubigny, Vaux-lès-Rubigny un Raillimont ìm Wäschta, Rouvroy-sur-Serre ìm Wäschta un Nordwäschta so wia Grandrieux ìm Nordwäschta.

Züa dr G’mainda g’heera d’ Orta La Hardoye [la aʁdwa] (uff’ra Flächa vu 4,30 km²), Mainbressy [mɛ̃bʁɛsi] (uff 10,26 km²) un Mainbresson [mɛ̃bʁɛsɔ̃] (2,94 km²), wo fraihjer aigaschtandig gsìì sìnn, un wo hìtt dr Schtàtüüs vu delegiarta G’mainda hann.

Ànna 2018 sìnn 63,9 % vu dr G’maindaflächa mìt Waida gedäckt worra, 16,6 % mìt Kültüürbooda, 14,7 % mìt Walder un 1,8 % mìt verschììdana Làndwìrtschàftsflächa. Numma 3 % vum G’maindabooda sìnn kìnschtlig bàuija gsìì.

G’schìcht

D’ G’mainda Rocquigny ìsch waahrend dr Frànzeescha Revolüzioon grìnda worra. Ànna 1973 sìnn d’rìnn d’ Derfer La Hardoye, un ànna 1974 d’ Derfer Mainbresson un Mainbressy iig’mainda worra.

wia sìch d’ Beveelkerung äntwìckelt hàt

1962	1968	1975	1982	1990	1999	2006	2019
539	541	896	854	775	755	748	682
Kwalla: Cassini un INSEE

wàs doo z’ sah ìsch

• d’ reemisch-kàthoolischa Weehrkìrìch St. Christophorus (église fortifiée Saint-Christophe). Àb 1910 ìsch jeedsjoohr vu dr Kìrìch haar a Prozässioon gsìì, wo ìn a àndra Christophoruskàpall g’fiahrt hàt. S’ Gotteshüüs ìsch ànna 1923 a Wàllfààhrtskìrìch worra, wu vììla Pìlger üss dr gànza Regioon so wia üss Belgia kumma sìnn. Ìn dr Kìrìch ìsch dr holziga Choorg’schtiahl üss’m 18. Joohrhundert àls Ainzelobjakt bii da Histoorischa Dankmooler klàssifiziart, wo-n-a nàzionààla Bediitung hann.
• d’ reemisch-kàthoolischa Urbàànuskìrìch (église Saint-Urbain) z’ La Hardoye. D’rìnn ìsch dr Tàuifbäcka vum 12. Joohrhundert àls Ainzelobjakt bii da Histoorischa Dankmooler klàssifiziart, wo-n-a nàzionààla Bediitung hann.
• d’ reemisch-kàthoolischa Wehrkìrìch St. Niklàuis (église fortifiée Saint-Nicolas) z’ Mainbresson
• d’ reemisch-kàthoolischa Amanduskìrìch (église Saint-Amand) z’ Mainbressy
• s’ friahja Roothüüs vu Mainbressy
• a Güatshoof
• a Kriagerdankmool, fìr d’ g’schtoorwana Soldààta vum Äärschta Waltkriag eehra
• mehrera Waagkriiza

• 
  wämm’r ìns Dorf Rocquigny iinafààhrt
• 
  wämm’r ìns Dorf La Hardoye iinafààhrt
• 
  d’ Weehrkìrìch St. Christophorus
• 
  a àndra Sìcht vu dr Christophoruskìrìch
• 
  a Turm àn dr Wäschtfàssààda vu dr Christophoruskìrìch
• 
  dr àndra Turm àn dr Wäschtfàsààda vu dr Christophoruskìrìch
• 
  Hiiser grààd hìnter dr Christophoruskìrìch
• 
  d’ Urbàànuskìrìch
• 
  Güatshoof
• 
  s’ friahja Roothüüs vu Mainbressy
• 
  s’ Roothüüs vu Rocquigny
• 
  s’ Kriagerdankmool vum Äärschta Waltkriag
• 
  a Waagkriiz
• 
  a ànder Waagkriiz
• 
  noch a ànder Waagkriiz

wìchtiga Litt üss dr G’mainda

• dr Rachtsànwàlt un Politiker Jean-François Pierret (1738–1796) ìsch z’ Rocquigny uff d’ Walt kumma.
• dr Fliager Jean Mermoz (1901–1936) hàt a Tail vu siinera Kìndhait bii siina Groossäältra z’ Mainbressy un hàt fìr siina Müatter a Bìrgerhüüs z’ Rocquigny kàuifa, womm’r hìtt „Schloss Mermoz“ (château Mermoz) nännt

Lìteràtüür züa dr G’mainda

• Octave Poquet: Le pèlerinage de Saint Christophe à Rocquigny en Thiérache (Ardennes). In: Terres ardennaises. Nr. 15, Juni 1986, ISSN 0758-3028, S. 5–7 (französisch). 

Lüag àui

• d’ Lischta vu da G’mainda ìm Ardenna-Département

Weblìnks

 Commons: Rocquigny (Ardennes) – Sammlig vo Multimediadateie

• Schtàtistik züa dr G’mainda Rocquigny biim INSEE (frànzeesch)
• Informàzioona züa dr G’mainda Rocquigny ìn dr Dààtabànk vu dr LdH/EHESS/Cassini (frànzeesch)