s Ried im Elsass

Us der alemannische Wikipedia, der freie Dialäkt-Enzyklopedy
Waldlandschaft südlech vo Schlettstadt
D Insle Rohrscholle östlech vo Strossburg
Grasland bim Illwald

S Ried isch e Naturlandschaft im Elsass.

Das Gebiet treit grossi Wydewälder, wo früener immer wider bi de Hochwasser vom Rhy überschwemmt worde sind. Es isch en Auelandschaft mit ere ryche Pflanzewält. Das Naturschutzpiet lyt am Oberrhy und am Fluss Ill, im ene länge Streife näbet em Rhykanal im Unterelsass zwüsche Markelse bi Schlettstadt und Lüterburi ganz im Norde vom Elsass.

S Ried isch in zwei Beraich ufdeilt:

  • s Chlyne Ried im Norde
  • s Grosse Ried im Süde

Bi der Regulierig vom Rhy im 19. Jaarhundert isch der Fluss in es neus, grads Flussbett zwüsche höche Dämm gleited worde und cha der Auewald drum nümm guet wässere. So tröchne d Waldgebiet i der Umgäbig z fescht us. Vo vilne alte Rhyärm isch hüt nume no en See im Waldgebiet übrig.

Bi Strossburg het’s im ehemolige Riedgebiet grossi Hääfe für d Rhyschiff.

Lueg au[ändere | Quälltäxt bearbeite]

Weblink[ändere | Quälltäxt bearbeite]