Radio Liechtenstein
| Radio Liechtenstein | |
|---|---|
 | |
| Hörfunksender (effetli-räächtli) | |
| Brogrammtüp | Musikprogramm |
| Empfang | analaog un digitaal terreschtrisch, Chaabel, Livestream |
| Empfangsgebiet | Liachtaschtää, Oschtschwyz, Vorarlberg |
| Betrieb | 15. Augschte 1995 bis 3. Apr. 2025 |
| Sprooch | dytsch |
| Sitz | Schaan |
| Äigedümer | Liachtaschtää |
| Sändaastalt | Liachtaschtäänische Rundfunk (LRF) |
| Gschäftsfüerer | Doris Quaderer[1] |
| Brogrammschef | Dominique Sohm |
| Riichwiti | 21'530 (2. Hj, Hörer gestern), doodervu 10'800 im FL[2] |
| Website | |
Radio Liechtenstein (urspringli Radio L) sich bis zue dr Yystellig vum Sändebedriib am 3. April 2025 dr effetli-räächtli Heerfunksänder vu Liachtaschtää gsii. Är iosch vum Liachtaschtäänische Rundfunk (LRF) bedriibe woore. Sy Sitz isch z Schaan gsii.
Zue sym offiziälle Verbraitigsbiet het wäg dr hooche Pändlerstreem us dr Schwyz au s unter Rhyydaal gheert, wu mit zwee UKW-Standort z St. Margrethe un z Thal un em DAB-Block in dr Oschtschwyz bis zum Boodesee versoorgt wooren isch.
Bim Sänder hän anne 2021 im Duurschnitt 28 Lyt mit 22.6 Vollzytstelle gschafft, doodrunter im Duurschnitt 2.8 Lyt mit 1.7 Vollzytstelle as Praktikante*ne un Volonteer*ne.[2]
Brogramm
[ändere | Quälltäxt bearbeite]Dr gsetzlic Brogrammufdrag het im redakzionälle Dail en objäktiive un umfassend Informazioonsaagebot fir d Allgmainhait us allne relevante Spaarte fir e braiti Zyylgruppe, wu aaspruchsvoll un uusgwooge, aber au unterhaltsam het solle syy un d Kultuur, d Aigeständigkait un anderi Aigeschafte vu Liachtaschtää hert solle beruggsichtige. D Brogrammgrundsätz hän em effetli-räächtlige Sälbschtbild entsproche.
D Musikfaarb isch mit «Adult Contemporary» (Popmusik fir Erwagseni) bschriibe woore, derzue sin Oldies im 70er-/80er-Mix chuu. S Formaat het mit ere positiive Grundstimmig allgmainverdreegli solle syy un «nit ufreege oder irritiere».[3] Au lokaali/regionaali Musik un Neierschyynige het me beruggsiichtigt.
Nooriichte het s all Stund vu 6:00 bis 19:00 Uur gee. Me het si uf dr Websyte vum Sänder in dr Rubrik «Mediathek» au no speeter chenne loose. Derzue het s ab Ändi 2023 e Radio-Liechtenstein-App gee.
Empfang
[ändere | Quälltäxt bearbeite]Iber UKW isch Radio Liechtenstein analoog terreschtrisch iber segs Chlaisänder z Liachtaschtää mit 0,025 bis 1 KW (ERP) un zwee anderi Chlaisänder in dr Oschtschwyz mit 0,05 bzw. 0,2 kW[4] verbraitet woore, d Zueoornig zue dr Sändegebiet uf dr Sänderhomepage isch aber dervu abgwiche. Iber DAB+ isch s Brogramm ab 29. Novämber 2013 iber dr Block 9D verbraitet woore,[5] wu bis aafangs 2017 uf dr Block 9B umgstellt wooren isch un im Ufböu gsii isch mit em Zyyl vun ere Versoorgig vu dr ganze Oschtschwyz .[6] Dr Sänder Rüthi/Bismer (4,3 kW) isch au z Liachtaschtää empfangbar gsii.
S Brogramm isch derzue au analoog in de Chaabelnetz vu Telecom Liachtaschtää, UPC Schwyz un EWB Buchs un au digitaal in dr Schwyz bi Rii-Seez-Net un Swisscom TV verdrätte gsii.
Weblink
[ändere | Quälltäxt bearbeite]
Commons: Radio Liechtenstein – Sammlig vo Multimediadateie- Websyte vu Radio Liechtenstein
- Wilfried Marxer: Radio. In: Historischs Lexikon vom Förschtatum Liachtastaa.
Fuessnote
[ändere | Quälltäxt bearbeite]- ↑ Team. Homepage vu Radio L.
- ↑ 2,0 2,1 Geschäftsbericht für 2021 uf radio.li, ca. Merz 2022, S. 11
- ↑ Liechtensteinischer Rundfunk (LRF). Programm Radio L. Jahresbericht 1. Januar bis 31. Dezember 2012. Regierig vum Fiirschteduum Liachtaschtää.
- ↑ Standoort z Liachtaschtää un in dr Oschtschwyz bi fmscan.org.
- ↑ 9D: SMC D 03 O-CH bi ukwtv.de.
- ↑ 9B: SMC D03 O-CH bi ukwtv.de.