Rührberg (Gränzach-Wyhle)

Us der alemannische Wikipedia, der freie Dialäkt-Enzyklopedy
Rührberg
Hechi 518 m
Lag Bade-Württeberg
Dütschland
Gebirg Oberrhigrabe
Dinkelberg
Geografischi Lag 47° 34′ 14″ N, 7° 42′ 44″ OKoordinate: 47° 34′ 14″ N, 7° 42′ 44″ O
Rührberg (Grenzach-Wyhlen) (Baden-Württemberg)
Rührberg (Grenzach-Wyhlen) (Baden-Württemberg)
Rührberg (Grenzach-Wyhlen)
Rührberg (Grenzach-Wyhlen)
Gstei Muschelchalch

f

De Rührberg isch e Berg im Gränzgebiet vo de Gmei Grenzach-Wyhle un Badisch Rhyfälde im Landchreis Lörrach. Usserdem heißt e Stadtdeil vo Grenzach-Wyhle eso.

Lag[ändere | Quälltäxt bearbeite]

De Rührberg ligt numme e halbe Kilometer östlig vo de Schwizer Grænze bi Bettinge. Im Oste ligt Degerfælde, im Südoste Herte. Beidi sin 2 bis 3 Kilometer vom Rührberg eweg. De Berg ghört geologisch zum Dinkelberg.

Ortschaft Rührberg[ändere | Quälltäxt bearbeite]

D Ortschaft Rührberg lit uffem Wyhlemer Bann un isch - scho ufgrund vu de rächt spote Besidlig im 19. Johrhundert - nie selbständig gsi. S Dorf het guet 500 Iwohner un lit uf etwa 490–500 Meter weschtlich vum Berggipfel uffeme Sattel vum Rührberg zum St. Chrischona ani.

Underhalb vum Ort Rührberg losst e Gwannnamme Rebacker in immerhi 470 m Höchi uf Räbe in früehere Zitte schliesse (wie au dr Dribel im Gmeiwappe vu Chrenzach-Wyhle), doch werre hit in dr ganze Gmei keine Räbe meh apflanzt.

Gschicht[ändere | Quälltäxt bearbeite]

1750 isch de Rührberg zum erste Mol schriftlig in re Akte erwähnt worre. Um 1830 hän Bure de Berg besidelt. De ältst vo de drei Schwarzwaldhöhewäg isch de Westwäg vo Pforze uff Basel und fiehrt in sinem südlichste Abschnitt über de Rührberg.

Sehenswerts[ändere | Quälltäxt bearbeite]

  • Uff em Hornfelse in de Nöchi isch d Burg Hornfels (e antiki Wehralag) z finde.
  • De Fernsehturm St. Chrischona (CH), s gröschte Bauwerk vo de Schwiz wo freistoht.
  • De Walfahrtsort "Abtei Himmelspforte" vo 1304.

Sendeturm uff em Rührberg[ändere | Quälltäxt bearbeite]

Uff etwa 518 Meter, also uff de Spitze vom Rührberg und bereits uf Rhyfälder Gebiet, isch de Sendeturm Rührberg, e 40 Meter hochi, privati Sendealag vo Radio Seefunk. Vo de Spitze vom Sendeturm us wird uff de UKW-Frequenz 103,1 Radio Seefunk mit 5 kW in vier Richtige abgstrahlt. Wie alli Sendetürm vo Radio Seefunk isch au der Sender nur regional empfangbar.[1] Er versorgt d Regione Rhyfælde, Grenzach-Wyhle und alternativ au Lörrach.

Weblink[ändere | Quälltäxt bearbeite]

Quelle[ändere | Quälltäxt bearbeite]

  1. empf.bundesnetzagentur.de (Site cha nüme abgrüeft wärde; Suche im Webarchiv)[1] [2] Vorlage:Toter Link/emf.bundesnetzagentur.de