Zum Inhalt springen

Pina Kühr

Us der alemannische Wikipedia, der freie Dialäkt-Enzyklopedy

D Pina Kühr (* 21. Mai 1987 z Fryburg im Brysgau) isch e dytschi Schauspiileri.

Lääbe

[ändere | Quälltäxt bearbeite]

Noch em Abituur het d Pina Kühr vu 2006 bis 2008 am Baadische Staatstheater Chaarlsrue gspiilt. Vu 2008 bis 2012 het si in dr Bochumer Dependanz vu dr Folkwang Uniwersiteet Schauspiil studiert (eemooligi Weschtfäälischi Schauspiilschuel Bochum).[1] Scho in dr Zyt vu irem Stuudium het si Draibiecher fir zwee Chuurfilm gschriibe: Ein.Paar.Geschichten un Martha und Isabelle, un het die aigeständig verfilmt. Beedi Chuurzfilm sin 2010 uf verschiidene Filmfeschtiwäl zaigt woore, u. a. bim 31. Filmfeschtiwäl Max Ophüls un em Filmfeschtiwäl Shorts at Moonlight.

No ire Schauspiiluusbildig het si zeerscht 2011/12 e Gaschtengaschmänt am Schauspiilhuus Bochum ghaa. Unter anderem het si deert d Mueter Margarite in Cyrano de Bergerac gspiilt (Reschy: Katharina Thalbach)[2]. Derzue het si am freie ROTTSTR5 Theater! In Wer hat Angst vor Virginia Woolf…?[3] d Honey unter dr Reschy vum Michael Lippold gspiilt. Vu 2012 bis 2015 isch d Pina Kühr fescht Ensemblemitgliid am Theater Regensburg gsii.[4][5][6] Deert het si unter anderem d Amalia in Die Räuber (Reschy: Marcus Lobbes), d Marie im Woyzeck (Reschy: Katrin Plötner) un d Jessica Höfel in Frau Müller muss weg (Reschy: Sahar Amini) gspiilt. Ire negscht Feschtengaschmänt het si vu 2015 bis 2017 am Theater Bamberg ghaa.[7][8] Deert het si in dr vyyl gaachtete Ereffnigspremiere Die Nibelungen[9] (Reschy: Sibylle Broll-Pape) d Kriemhild gspiilt. Nääbe Hyfe andere Rolle het si in Die Elixiere des Teufels noch em E.T.A. Hoffmann, yygriichtet vum Hannes Weiler, di wyyblige Hauptfiguure Aurelie un Euphemie gspiilt. D Fachzytschrift „Die Deutsche Bühne“ het d Inszenierig as Beschti Reschy in dr Spiilzyt 15/16 gnännt.[10]

Anne 2017 isch d Pina Kühr uf Berlin zooge un het si ganz dr Aarbet voor dr Kamera gwidmet. Im Joor 2018 het si iri eerscht Filmroll as Titelfiguur vu dr Joyn-Seerie Die Läusemutter ghaa.[11] D Reschy het dr Jan Albert de Weerd gfiert, dr Showrunner vum niiderländische Originaal vu Bing Film & TV. S erfolgryych Formaat wird aktuäll in drei andere Länder adaptiert.[12][13] In dr 9. Stapfle vu dr RTL-Seerie Der Lehrer het si d Sarah gspiilt, e Bumbenentschäärferi. Im ARD-Fäärnseefilm Alte Freunde hat d Pina Kühr näb em Barry Atsma un dr Ulrike C. Tscharre gspiilt.[14][15] Anne 2021 het s ZDF dr Rosamunde-Pilcher-Fäärnseefilm Stadt, Land, Kuss uusgstraalt un het dermit 5,59 Millioone Zueschauer*ne ghaa.[16] D Pina Kühr het doo di wyybli Hauptroll vu dr Flora gspiilt.[17]

Näben iren Aarbet as Schauspiileri het d Pina Kühr e Wyterbildig (STOFF.lab) fir d Entwicklig vu fikzionaale Filmstoff an dr Münchner Filmwerkstatt gmacht.

Uuszaichnige

[ändere | Quälltäxt bearbeite]

Mit em Tanztheaterstugg Cirko het d Pina Kühr mit iirem Joorgang dr Folkwang Bryys 2010 iiberchuu.[18]

Filmografy

[ändere | Quälltäxt bearbeite]
  • 2012: Ruf mich an!
  • 2019: Ein starkes Team (Fäärnseeseerie, Folg 1x78 Erntedank)
  • 2020: Die Läusemutter (Fäärnseeseerie, 19 Folge)
  • 2020: Der Lehrer (Fäärnseeseerie, 4 Folge)
  • 2020: Kroymann (Satiiresändig, Folg 1x10)
  • 2020: Alte Freunde (Fäärnseefilm)
  • 2021: Rosamunde Pilcher – Stadt, Land, Kuss (Fäärnseeraie)
  • 2021: Nix Festes (Fäärnseeseerie, Folg 2x05 Don't Cha?)
  • 2021: SOKO Wismar (Fäärnseeseerie, Folg 19x07 Geisternetze)
  • 2021: Eine Liebe später (Fäärnseefilm)
  • 2022: Schlussklappe
  • 2022: Tatort: Der Mörder in mir (Fäärnseeraie)
  • 2022: Bettys Diagnose (Fäärnseeseerie, Folg 9x02 Gegen den Strom)
  • 2023: jerks. (Fäärnseeseerie, Folg 05x05 Stauffenberg)
  • 2023: Kohlrabenschwarz (Fäärnseeseerie, 2 Folge)
  • 2024: Morden im Norden (Fäärnseeseerie, Seeriespeziaal Am Abgrund)
  • 2024: Lena Lorenz: Kreuz und queer (Fäärnseeraie)
  • 2024: Helen Dorn: Todesmut (Fäärnseeraie)
  • 2024: Alles gelogen (Fäärnseefilm)
  • 2024: Blutige Anfänger (Fäärnseeseerie, Folg Edelfeder)
[ändere | Quälltäxt bearbeite]

Fueßnote

[ändere | Quälltäxt bearbeite]
  1. ↑ Pina Kühr bi crew united
  2. ↑ Nachtkritik vum 29. Jänner 2011 Cyrano de Bergerac
  3. ↑ Trailer „Wer hat Angst vor Virginia Woolf?“ (Regie: Michael Lippold)
  4. ↑ Die Vaterlosen vum Csaba Mikó, Reschy: Michael Lippold
  5. ↑ Hrabal und der Mann am Fenster vum Bernhard Setzwein, in dr Reschy vu dr Mia Constantine
  6. ↑ Nachtkritik Mensch Maschine (UA) vum Konstantin Küspert, in dr Reschy vu dr Sahar Amini
  7. ↑ Das Interview von Theodor Holman/ Theo van Gogh, in dr Reschy vu dr Blanka Rádóczy
  8. ↑ Dr. Faustus lights the light vu dr Gertrude Stein, in dr Reschy vum Remsi Al Khalisi un Ensemble noch eme Kunzäpt vum Christoph Hetzenecker
  9. ↑ Die Niebelungen vum Friedrich Hebbel in dr Reschy vu dr Sibylle Broll-Pape
  10. ↑ Die Elixiere des Teufels noch em E.T.A. Hoffmann, in dr Reschy vum Hannes Weiler
  11. ↑ Die Läusemutter uf SAT1
  12. ↑ Bsprächig in dr Frankfurter Allgemeine Zeitung vum 7. Februar 2020
  13. ↑ Besprechung von Tilmann P. Gangloff uf tittelbach.tv
  14. ↑ IMDB Der Lehrer (TV-Serie)
  15. ↑ Beriicht iber d Filmpremiere Der Lehrer z Berlin
  16. ↑ Quotenmeter fir dr 17. Jänner 2021
  17. ↑ Besprechung von Tilmann P. Gangloff uf tittelbach.tv: Eine Entdeckung ist vor allem Pina Kühr in ihrer ersten Fernsehfilmhauptrolle.
  18. ↑ Folkwangpreise 2010
Dä Artikel basiert uff ere fräie Übersetzig vu dere Version vum Artikel „Pina_Kühr“ vu de dütsche Wikipedia. E Liste vu de Autore un Versione isch do z finde.
Vun "https://als.wikipedia.org/w/index.php?title=Pina_Kühr&oldid=1066053"