Philosophischi Fakultät vo de Comenius-Universität z Bratislava

Philosophischi Fakultät vo de Comenius-Universität z Bratislava (Filozofická fakulta Univerzity Komenského v Bratislave)
Ort	Gondova 2 811 02 Bratislava
Land	Slowakei
Leitung	prof. Mgr. Marián Zouhar, PhD
Studänt*ene	3000

D Philosophischi Fakultät vo de Comenius-Universität z Bratislava (uf Slowakisch Filozofická fakulta Univerzity Komenského v Bratislave; uf Lateinisch Universitas Comeniana Bratislavensis, Facultas philosophica; uf Englisch Faculty of Arts at Comenius University in Bratislava; churz FiF UK) isch eini vo drizäh Fakultäte vo de Comenius-Universität z Bratislava. Si ghört zu de ältischte Fakultäte vo de Universität.

Gschicht

D Universität isch 1919 dur s Gsetz über d Gründig vu de Tschechoslowakische Staatsuniversität z Bratislava gründet worre, wo am 27. Juni 1919 vo de Nationalversammlig (Národné zhromaždenie) verabschidet worre isch, de Lehrbetrieb isch aber erscht 1921 mit aktiver Unterstützig vo Professore vo de Karls-Universität ufgnoh worde. Am 13. September 1921 sind die erste ordentliche Professore per Dekret vom Presidänt vo de Republik ernannt worde. Dr. Josef Hanuš, Dr. Jan Heidler, Dr. Karel Chotek, Dr. Dobroslav Orel, Dr. Albert Pražák, Dr. Jozef Škultéty und Dr. Miloš Weingart.

D Johr 1938 und 1939 hän wichtigi Veränderige für d Fakultät bracht, vor allem d Uusruefig vo de Autonomi vo de Slowakei am 6. Oktober 1938, wo vo anti-tschechische Demonstratione begleitet worden isch, im November si di erschte zäh tschechische Professore (Josef Borovička, Václav Chaloupecký, Vladimír Klecanda, Jiří Král, Jaroslav Ludvíkovský, František Ryšánek, Josef Tvrdý, Jan Uher, Václav Vážný und Otakar Vočadlo) entlaa worde. De letscht Professor vo tschechischer Nationalität isch de Vladimír Buben gsi, wo 1944 usgschide isch. S neu Universitätsgsetz het d Comenius-Universität in «Slowakischi Universität» umbenennt und het em Ministerium für Bildig und Nationali Ufklärig Tür und Tor für grössere Ifluss eröffnet. De Universitätsalltag isch negativ beiflusst worde dur Antisemitismus, e Parlamentsdebatte über d Ischränkig vom Universitätsstudium für Meitli und de Druck, d Zämearbet, insbesondere mit dütsche Universitäte und de dütsche Wüsseschaft, z intensiviere.

Nach em Ändi vom zweite Wältchrieg het d Hauptufgab drin bestande, wo dur Bombeagriff beschädigte Fakultätsgebäude z repariere, d Vorussetzige für de Beginn vom Lehrbetrieb im Schueljohr 1945/46 z schaffe und s Lehrpersonal ufzstocke. Ändi 1945 isch d Fakultät dur slowakischi Wüsseschaftler, Absolvente vo de Fakultät verstärkt worde. (Eugen Pauliny, Milan Pišút, Vojtech Budinský-Krička und wiiteri). I de Johr 1946-1949 händ au Professore vo de Karls-Universität (Jan Mukařovský, Jan Eisner) a Masaryk-Universität (Frank Wollmann, Jaroslav Ludvíkovský) bim Unterricht ghulfe. D Fakultät hät iri demokratische Traditione vo de Vorchriegsziit wieder uufgnoh. Noch de Machtübernahm vo de Kommunischtische Partei im Februar 1948 händ d Fakultät aber wiitriichendi Veränderige erwartet.

S neu Regime beasprucht, s gsamte Bildigssystem und die kulturelle Aktivitäte sine politische Ziil und de marxistische Ideologie unterzordne. Die akademischi Freiheit für Studium und Forschig isch bald abgschafft worde, und d Interventione vo de Regierig sind hert gsi: Dozänte, wo sich de Kommunistische Macht nöd händ welle büüge, händ d Fakultät müesse verloh. I de erschte Wälle, wo unmittelbar nach de Ereigniss im Februar 1948 stattgfunde het, isch nur prof. Daniel Rapant betroffe gsi. I de nöchschte Welle – vom September 1948 bis Juni 1950 – sind elf Dozänte entloh worde oder mit eme Lehrverbot beleit worde. Im Juni 1950 sind au Studente überprüeft worde, und 42 vo 722 Studente sind exmatrikuliert worde. Die Fakultät unterstand fortan der politischen Ufsicht der Kommunistischen Partei.

D sozialwüsseschaftlich orientierti Fakultät hät i de 1960er Johr unweigerlich uf d Entwicklige i dä tschechoslowakische Gsellschaft reagiert, wo 1968 ihren Höhepunkt erreicht händ. Älteri Professore händ sich de junge Generation vo Wüsseschaftler und Lehrer aagschlosse und händ sich gmeinsam mit Studierende a dem dur de Prager Früelig aagstossene Demokratisierigsprozess gschlosse. Grossi Hoffnige sind Ändi August 1968 dur die militärischi Intervention vo de Warschauer-Pakt-Truppe zunichtegmacht worde. I de erschte Täg vo de Bsatzig sind unschuldigi Zivilischte sogar i unmittelbarer Nöchi vo de Fakultät erschosse worde.

D Fakultät isch vom Prozess vo de «Normalisierig» und de Überprüefige am Afang vo de 1970er Johr hert troffe worde. Die händ sowohl Studente als au Dozente betroffe, wo i de dramatische Tääg nach em 21. August 1968 d Aula bsetzt und gäg die militärische Besetzung vom Land protestiert händ. D Repressalie händ nöd lang uf sich warte lah und villi sind vom Studium usgschlosse worde, vo de Fakultät entlah oder i de folgende zwänzg Jahr i ihrere bruefliche Entwicklig behinderet und vom Lehrbetrieb usgschlosse worde.

De gsellschaftliche Veränderige vo de spote 1980er Johr händ im Novämber 1989 zu de Samtene Revolution gfüehrt, wo s totalitäri Regime hinwegfäggt hät. Studierendi und Lehrende vo de Philosophische Fakultät händ sich bsunders aktiv im Kampf für de soziale Wandel engagiert, sowohl während de Studenteprotest vom 16. November 1989 als au nach em 17. November. S Johr 1989 het en grundlegende und sehr positive Wendepunkt für d’ Fakultät markiert. D Aawäärbig vo Studierende und Mitarbeitende dur Parteiorgan isch igstellt worde, und die akademische Rechte und Freiheite sind wiederhergstellt worde. Aafang 1989 het die akademisch Gmeinschaft nach viilne Jahr wieder en Dekan gwehlt, Herr doc. Ivan Slimák, und im Früehjohr 1990 isch de Akademisch Senat vo de Fakultät gründet worde.

Charakterisierig

Näbe de Usbildig vo Mittelschuelehrer het d Fakultät vo de Slowakei au d erschti professionelli Wüsseschaftler i de Sozialwüsseschaftlichi Diszipline beschert. Gegewärtig bietet d Fakultät im Rahme vo de läbenslange Wiiterbildig für Studente und Absolvente vo Hochschuele en Uswahl a Studiegäng, Ergänzigsstudie, Umschueligsstudie und pädagogische Ufbaustudiegäng a. Für Bürger vo de Slowakische Republik werded Fremdsprachkürs und staatlichi Sprachprüefige aabotte, für Usländer Kürs i de slowakische Sprache als Fremdsproch und staatlichi Prüefige i de slowakische Sproch.

D Fakultät büütet drei Studieabschlüss aa: de Bachelor, de Meischter und de Dokter. De Bachelor duuret drei Jahr, de Master zwei Johr und de Tokter vier Johr.

Hüt studieret a de Fakultät öppe 3000 Studente und rund 50 Doktorandä. Jedes Jahr git d Fakultät drei Studentezitschrifte use, wo zäme mit de wüsseschaftliche Studentekonferenze de Studente bi de Vorbereitig uf die wüsseschaftlichi Arbet hälfe. A de FiF UK gits 27 Lehrstuehli und Studia Akademica Slovaca – es Zentrum für Slowakisch als Fremdsprach. Bi ihrne Studie wird de Studente au vo de Zentralbibliothek ghulfe, wo Dokument us em In- und Usland, wüsseschaftlichi und fachlichi Publikatione sammlet, bearbeitet, schützt und zuegänglich macht.

Arbeitsplätz

D Arbeitsplätz vo de Fakultät befindet sich in vier Gebäude: i de Gondova-Strosse 2 (Hauptgebäude), am Šafárik-Platz (Šafárikovo námestie) 6, i de Múzejná-Strosse 2 und i de Štúrová-Strosse 9 (Lehrstuehl für Journalismus, Marketingkommunikation und Religionswüsseschaft).

Dekane

Sit de Gründig vo de Fakultät sind die Dekane stets für es akademischs Johr ernannt worde. Das hät sich während de Existänz vo de Slowakische Republik (1939–1945) gänderet, wo sie au für zwei akademischi Johr ernannt worde sind. Noch 1948 sind Dekane au für mehreri akademischi Johr ernännt worde. Sit 1990 werre d Dekane vom Akademische Senat vo de Fakultät für e Amtszit vo vier Johr gwählt.

1. prof. PhDr. Josef Hanuš (1921/1922)
2. Dr. h.c. Jozef Škultéty (1922/1923)
3. prof. PhDr. Dobroslav Orel (1923/1924)
4. prof. PhDr. Miloš Weingart (1924/1925)
5. prof. PhDr. Josef Baudiš (1925/1926)
6. prof. PhDr. Albert Pražák (1926/1927)
7. prof. PhDr. Karel Chotek (1927/1928)
8. prof. PhDr. Antonín Kolář (1928/1929)
9. prof. PhDr. Václav Chaloupecký (1929/1930)
10. prof. PhDr. Jiří Král (1930/1931)
11. prof. PhDr. František Ryšánek (1931/1932)
12. prof. PhDr. Josef Tvrdý (1932/1933)
13. prof. PhDr. František Kalda (1933/1934)
14. prof. PhDr. Vladimír Buben (1934/1935)
15. prof. PhDr. Josef Hendrich (1935/1936)
16. prof. PhDr. Vladimír Klecanda (1936/1937)
17. prof. PhDr. Jaroslav Ludvikovský (1937/1938)
18. prof. PhDr. Jan Eisner (1938/1939)
19. prof. PhDr. Ján Stanislav (1939/1940 - 1941/1942)
20. prof. PhDr. Branislav Varsík (1942/1943, 1943/1944)
21. prof. PhDr. Ľudovít Novák (1944/1945)
22. prof. PhDr. Daniel Rapant (19.4.1945-13.12.1945)
23. prof. PhDr. Ján Bakoš (od 13.12.1945 bis zum endi vom akademische Johr 1945/1946)
24. prof. Mgr. Jewgeni Julianovitsch Perfecki (1946/1947)
25. prof. PhDr. Vojtěch Ondrouch (1947/1948)
26. prof. PhDr. Alexander Húščava (1948/1949)
27. prof. PhDr. Andrej Mráz (1949/1950)
28. doc. PhDr. Jaroslav Dubnický (1950/1951, 1951/1952)
29. mim. prof. PhDr. Andrej Siracký, DrSc. (1952/1953)
30. doc. PhDr. Ján Dekan (1953/1954 - 1956/1957)
31. prof. PhDr. Miloš Tomčík (1957/1958)
32. doc. PhDr. Lev Hanzel (1958/1959 - 1960/1961)
33. zást. prof. PhDr. Ernest Sýkora (1961/1962)
34. doc. PhDr. Samuel Cambel, CSc. (1962/1963)
35. doc. PhDr. Šimon Ondruš, CSc. (1963/1964, 1964/1965)
36. prof. PhDr. Ľudovít Bakoš, CSc. (1965/1966 - 1968/1969)
37. mim. prof. PhDr. František Vartík, CSc. (1969/1970)
38. prof. PhDr. Samuel Cambel, DrSc. (1970/1971 - 1975/1976)
39. prof. PhDr. Rudolf Štepanovič, DrSc. (1976/1977 - 31.12.1987)
40. prof. PhDr. Jozef Vladár, DrSc. (1.1.1988 - 1990)
41. doc. PhDr. Ivan Slimák CSc. (1990-1994)
42. prof. PhDr. Ján Pauliny, CSc. (1994-1997)
43. doc. PhDr. Ladislav Kiczko, CSc. (1997-2003)
44. doc. PhDr. Anton Eliáš, PhD. (2004-2011)
45. prof. PhDr. Jaroslav Šušol, PhD. (2011-2019)
46. prof. Mgr. Martin Slobodník, PhD. (2019)
47. prof. Mgr. Marián Zouhar, PhD. (2019 - präsent)

Literatur

• Slobodník, Martin; Glossová, Marta (eds.). 95 rokov Filozofickej fakulty UK : Pohľad do dejín inštitúcie a jej akademickej obce. Bratislava : Univerzita Komenského v Bratislave, 2017. 556 s. ISBN 978-80-223-4390-9