Peter Geiger
.jpg)
Dr Peter Geiger (* 22. Oktoober 1942 z Monbiel, Graubünde;[1] † 6. April 2025[2]) isch e liachtaschtäänische Hischtooriker un Foorschigsbeufdraite am Liachtaschtää-Inschtitut fir dr Beraich Gschiicht gsii. S Hauptaugemeerk vu syre Aarbet isch uf em Teemeberaich Liachtaschtää in dr Zyt vu dr 1930er Joor un im Zweete Wältchrieg gsii.
Lääbe
[ändere | Quälltäxt bearbeite]Dr Geiger het Gschiicht, Germanischtik un Romanischtik an dr Uniwersiteet Züri un jee ai Joor z Wien un z Seattle studiert.[3] Anne 1970 isch er z Züri bromewiert woore un het im nämlige Joor as Leerer an dr Kantoonsschuel St. Galle aagfange schaffe.[4]
Ab 1987 het dr Geiger am Liachtaschtää-Inschtitut gschafft. Derzue isch er Privaatdozänt fir Zytgschiicht an dr Uniwersitwt Fryybùùrg un Dozänt an dr Pedagoogische Hoochschuel vum Kanton St. Galle gsii.
Vu 2001 bis 2005/2006 isch dr GeigerBresidänt vu dr Unabhängige Hischtoorikerkummissioon Liechtenstein Zweiter Weltkrieg gsii, ere internazionaal bsetzte Kummissioon, wu si wisseschaftli mit Frooge zue dr Roll vu Liachtaschtää in dr NS-Zyt un im 'Zweete Wältchrieg bschäftigt het. D Ergeebnis doodrus sin 2005 in eme Schlussbriicht vereffetligt woore. Anne 2009 isch e änglischi Ibersetzig uusechuu. Vu 2010 bis 2020 isch er dr liachtaschtäänische Ko-Voorsitzer vu dr Liachtaschtäänisch-Tschechische Hischtorikerkummissioon gsii.
Anne 2017 isch dr Geiger mit ere Feschtschrift geert woore, wu zäme vum Liachtaschtää-Inschtitut un em Hischtoorische Verain fir s Fiirschteduum Liachtaschtää uusegee wooren isch.[5]
Dr Geiger het z Schaan gwoont. Är isch im April 2025 im Alter vu 82 Joor gstoorbe.[2]
Uusglääseni Vereffetlichunge
[ändere | Quälltäxt bearbeite]- mit em Manfred Schlapp: Russen in Liechtenstein. Flucht und Internierung der Wehrmacht-Armee Holmstons 1945–1948. Chronos-Verlag, Zürich 1996.
- Krisenzeit. Liechtenstein in den dreissiger Jahren, 1928–1939. 2 Bänd, Verlag des Historischen Vereins für das Fürstentum Liechtenstein, Vaduz; Chronos-Verlag, Zürich 1997.
- Dan Michman; Peter Geiger; Arthur Brunhart, David Bankier; Carlo Moos; Erika Weinzierl: Fragen zu Liechtenstein in der NS-Zeit und im Zweiten Weltkrieg. Chronos-Verlag, Zürich 2005. Übersetzung ins Englische, 2009: Questions concerning Liechtenstein during the National Socialist period and the Second World War.
- Kriegszeit. Liechtenstein 1939 bis 1945. 2 Bände, Chronos-Verlag, Zürich 2010.
Weblink
[ändere | Quälltäxt bearbeite]
Commons: Peter Geiger – Sammlig vo Multimediadateie- Literatur vu un iber Peter Geiger im Katalog vu dr Dütsche Nazionalbibliothek
- dr Peter Geiger uf dr Internetsyte vum Chronos Verlag
- Publikazioone vum Peter Geiger uf dr Internetsyte vum Liachtaschtää-Inschtitut
- Ko-Voorsitzer in dr Hischtoorikerkummissioon, 28. Septämber 2010, Liechtensteiner Vaterland
Fuessnote
[ändere | Quälltäxt bearbeite]- ↑ Geiger, Peter. In: Historisches Lexikon des Fürstentums Liechtenstein online (eHLFL). 30. September 2021, abgruefen am 8. April 2025.
- ↑ 2,0 2,1 Historiker Peter Geiger verstorben. In: Liechtensteiner Vaterland. 7. April 2025, abgruefen am 8. April 2025.
- ↑ Schweizer Monatshefte für Politik, Wirtschaft, Kultur, Band 79, Ausgabe 11 (2007)
- ↑ Werner Matt, Wolfgang Weber (Hrsg.): »Schwarzrotgold’ne Banner küssen«. Die Jahre 1848/49 als Zeitenwende im Bodenseeraum. Universitätsverlag Konstanz, Konstanz 1999, ISBN 978-3-8794-0643-2
- ↑ Liechtenstein-Institut und Historischer Verein für das Fürstentum Liechtenstein (Hrsg.): Geschichte erforschen – Geschichte vermitteln: Festschrift zum 75. Geburtstag von Peter Geiger und Rupert Quaderer. Verlag der Liechtensteinischen Akademischen Gesellschaft, Bendern 2017, ISBN 978-3-7211-1097-5, S. 575.
|
Dä Artikel basiert uff ere fräie Übersetzig vu dere Version vum Artikel „Peter_Geiger“ vu de dütsche Wikipedia. E Liste vu de Autore un Versione isch do z finde. |