Peter Faller
Dr Peter Faller (* 22. Februar 1931 z Löörech; † 31. Dezämber 2025[1][2]) isch e dytsche Architäkt, Autor un Uniwersiteetsbrofässer gsii.
Lääbe
[ändere | Quälltäxt bearbeite]Dr Faller het vu 1951 bis 1958 Architäktuur an dr Tächnische Hoochschuel z Stuegert studiert, unter anderem bim Günter Wilhelm. Derno het er as Assischtänt bim Rolf Gutbrod am Leerstuel gschafft. Anne 1965 het er zäme mit em Hermann Schröder d Bürogemeinschaft Faller + Schröder z Stuegert grindet.[3] Vu 1983 bis 1990 het er d Birogmainschaft mit em Christian Muschalek gfiert. Anne 1974 isch dr Faller in Bund vu Dytsche Architäökte gruefe woore. 1996 isch er Mitgliid in dr Alvar-Aalto-Gsellschaft Helsinki woore.
Dr Faller isch 1960 fir ai Joor Gaschtleerer an dr Kingston-School of Art z London[3] un 1962 fir ai Joor as Gaschtleerer an der School of Architecture vu dr University of Virginia gsii. 1975 isch er zum Thomas Jefferson Professor in Architecture an dr University of Virginia ernännt woore. Vu 1977 bis 1996 het er d Brofässuuur fir Gebeileer un Entwäärfe an dr Uniwersiteet Stuegert ghaa un het deert s Inschtiitut fir Woone un Entwäärfe (IWE) glaitet. Zwische 1970 un 1973 het dr Faller an ere stedteböulige Verdiichtig dur terrassierti Böute in dr Eebeni (Byyschpel: Woonhiigel) un vu 1978 bis 1979 fir d Böue un Woone FBW Blaanigsbedailigung im Gschossböu (Byyschpel: Schnitz) gfoorscht.
Är het as Visioneer vum „demokraatische Woone“ gulte. Zäme mit em Hermann Schröder het er in dr Birogmainschaft Faller + Schröder (syt 1965) e Hufe Brojäkt realisiert, wu vyylmool terrassierti Struktuure un innovatiivi Grundriss ghaa hän. Näb syre braktischen Aarbet isch dr Faller en renommierte Architäktuurteoretiker gsii. Sy Standardwäärch „Der Wohngrundriss“ (1996) analysiert d Entwicklig vu Woonfoorme un giltet bis hite as wiichtig Leerbuech in dr Architäktuuruusbildig.
Dr Faller isch syt 1980 ghyroote gsii mit dr finnische Textiildesigneri un Handwääberi Arja Nenonen (1936–2011). Si het zwee Siin us eerschte Ee ghaa.[3]
Böute
[ändere | Quälltäxt bearbeite]
as Mitgliid vu dr Architäktegmäinschaft Faller + Schröder:
- 1964–1968: Woonhiigel z Marl mit em Roland Frey un em Claus Schmidt[4][5] ⊙
- 1965–1968: Terrassewoonaalaag Tapachstraße z Stuegert-Rot[6][7] (mit em Kit Allsopp) ⊙
- 1968–1970: Woonigsböu z Wiblingen
- 1969–1970: Demonschtratiivböuvoorhaa Hochberg I z Raveschburg (Peter Faller, Hermann Schröder) ⊙[8]
- 1969–1971: Split-Level-Terrassehyyser z Stuegert-Neugereut[9][10]
- 1973–1974: Terrassehuus Schnitz z Stuegert-Neugereut (Peter Faller, Hermann Schröder un Claus Schmidt, mit em Reinhold Layer) ⊙[11]
- 1972–1975: Terrasse- un Hiigelhyyser in dr Woonaalaag Oberer Lyngsberg z Bad Godesberg-Lyngsberg[12] ⊙⊙
Auszeichnungen und Preise
[ändere | Quälltäxt bearbeite]- 1965: 2. Bryys – Dytsche Pavillon fir d Wältuusstellig, Montreal
- 1968: Paul-Bonatz-Bryys vu dr Stadt Stuegert
- 1969: Hugo-Häring-Bryys fir dr Woonhiigel in Marl
- 1971: Paul-Bonatz-Bryys vu dr Stadt Stuegert
- 1972: Internationaler Architäktuurbryys vum Institute Nat. du Logement, Brüssel
- 1972: Hugo-Häring-Bryys fir d Woanaalaag Tapachstraße z Stuegert-Rot
- 1974: Hugo-Häring-Bryys fir d Terrassehyyser z Stuegert-Neugereut
- 1975: Paul-Bonatz-Bryys vu dr Stadt Stuegert
- 1975: Architäktuurbryys Beton fir d Terrassehyyser z Stuegert-Neugereut
- 1978: Internazionaale Architäktuurbryys vum Institute Nat. du Logement, Brüssel
- 1978: Hugo-Häring-Bryys fir s Meefamiliewoonhuus „Schnitz“ z Stuegert-Neugereut
Schrifte
[ändere | Quälltäxt bearbeite]- Peter Faller (Hrsg.): Der Wohngrundriss. Wüstenrot Stiftung un Deutsche Verlagsanstalt, 1996, ISBN 3-421-03211-4.
Weblink
[ändere | Quälltäxt bearbeite]Fueßnote
[ändere | Quälltäxt bearbeite]- ↑ Nicole Golombek: Architekt aus Stuttgart: Visionär und Menschenkenner – Peter Faller ist tot. In: stuttgarter-zeitung.de. Stuttgarter Zeitung Verlagsgesellschaft mbH, 16. Januar 2026, abgruefen am 16. Januar 2026.
- ↑ Traueranzeige von Peter Faller. In: zeit-des-gedenkens.de. Südwest Media Network GmbH, 14. Januar 2026, abgruefen am 16. Januar 2026.
- 1 2 3 Das Institut Wohnen und Entwerfen. Universität Stuttgart Institut Wohnen und Entwerfen, abgruefen am 4. Oktober 2020.
- ↑ German Post-War Modern. Abgruefen am 24. November 2020.
- ↑ German Post-War Modern. Abgruefen am 24. November 2020.
- ↑ Peter Faller / Hermann Schröder: Residential Complex Tapachstraße, 1969?–1971. In: #SOSBrutalism. Abgruefen am 4. Oktober 2020 (änglisch).
- ↑ German Post-War Modern. Abgruefen am 24. November 2020.
- ↑ 100 Jahre Bau- und Sparverein Ravensburg eG (Digitalisat).
- ↑ Architekturspaziergang – Architektur in Neugereut. In: Frischer Wind in Neugereut. Abgruefen am 4. Oktober 2020.
- ↑ German Post-War Modern. Abgruefen am 24. November 2020.
- ↑ Denkmalporträt: Selbstbestimmung im Geschosswohnungsbau. Das Terrassenhaus „Schnitz“ in Stuttgart (Digitalisaat).
- ↑ Dr. Martin Bredenbeck: Gutachterliche Stellungnahme zum Denkmalwert. LVR-Amt für Denkmalpflege im Rheinland 2025 (Digitalisat).
 |
Dä Artikel basiert uff ere fräie Übersetzig vu dere Version vum Artikel „Peter_Faller“ vu de dütsche Wikipedia. E Liste vu de Autore un Versione isch do z finde. |