Peter Bloetzer

Dialäkt: Wallisertitsch

der Peter Bloetzer

Der Peter Bloetzer (* 16. September 1933 z Brig; † 11. Oktober 2018 z Vischp, Burger va Wiler, Fäärdu und Vischp) isch en Schwizer Politiker (CSP) gsi.

Läbu

Der Bloetzer het aner ETH Zürich Bauingenieur studiert und het 1959 ds Studium mit dum Diplom abgschlossu. Düe ischer Mitglid vaner Chrischtlichsoziaal Volkspartii Oberwallis (CSPO, hitu heissuntsch Neo) woordu.

Va 1969 efort ischer Gmeiraat va Visp gsi und va 1977 bis 1992 öi Gmeipresidänt. Va 1977 ewäg ischer im Groossu Raat vam Kanton Wallis gsi, bis er am 25. November 1991 isch inu Ständeraat gwäälte cho. Daa ischer in verschidune Kommissioone gsi, vaner Üssupolitisch Kommissioo ischer de öi Presidänt gsi. Ds Amt vam Ständeraat het er bis am 5. Dezember 1999 gcha. Va 1992 bis 2000 ischer üsserdem öi nu Abgoordnute vaner Schwiz iner Parlamentaarisch Versammlung vam Europaraat gsi.

Iner Schwizer Armee heter du Graad vam Oberscht gchä.

Politischi Ämter

• Gmeiraat va Vischp (1969–1976)
• Gmeipresidänt va Vischp (1977–1992)
• Groossraat (1977–1991)
• Ständeraat (1991–1999)

• Der Peter Bloetzer uf dr Websyte vo dr Bundesversammlig