Paula Doell

D Paula Doell (* 29. Juuni 1900 z Mannem; † 1. Meerz 1983 z Haidelberch) isch e dytschi Ooperesängeri un Bolitikeri (CDU) gsii.

Lääbe

No dr Volksschuel isch d Doell uf d Handelsschuel un d Handelshoochschuel gange. Derno het si Musik (Klavier, Oorgele un Gsang) an dr Hoochschuel fir Musik Mannem studiert. Zum s Stuudium finanziere het si im Verlaagswääse gschafft. Si isch uf d Oopereschuel gange un het d Aignigsbriefig zum Biineberuef (Chunschtgattig Oopere) am Frankfurter Ooperehuus bstande. No dr Mikrofoonbriefig bim Ryychssänder Stuegert het si as Oratooriesängeri im In- un Uusland gschafft. Anne 1940 het si ne evangeelische Bfaarer ghyroote un druf iri Karrieere as Sängeri ufgee. Si isdch Huusfrau woore het het ab doo no Chilche-Sache gluegt. Noch em Zweete Wältchrieg isch si Laiteri vum evangeelische Frauekrais, vum Chinderkrais un vum Chinderchoor un vum Chilchechoor z Kääl gsii.

D Doell isch anne 1946 Mitgrinderi vu dr CDU z Kääl gsii un stellverdrättendi Voorsitzeri vum Landesfrauebyyroot vu dr Chrischtdemokraate z Baade. Vum 25. Juli 1955 bis 1956 isch si as Nooruggeri fir dr gstoorbe Abgoornete Max Jäger un vum 1. Oktoober 1957 bis 1960 as Nooruggeri fir dr uusgschiide Abgoornete Anton Dichtel Mitgliid vum baade-wiirtebäärgische Landdaag gsii. Dr Landdaag het si zum Mitgliid vu dr eerschte (1949) un vu dr dritte (1959) Bundesversammlig gweelt.^[1]

Literatuur

Landtag von Baden-Württemberg (Hrsg.): MdL, Die Abgeordneten der Landtage in Baden-Württemberg 1946–1978. Stuttgart 1978, ISBN 3-12-911930-2, S. 107.
Ina Hochreuther: Frauen im Parlament. Südwestdeutsche Abgeordnete seit 1919. Theiss, Stuttgart 1992, ISBN 3-8062-1012-8, S. 132f.
Doell, Paula. In: M.d.B. – Die Volksvertretung 1946–1972. – [Daecke bis Dziekan] (= KGParl Online-Publikationen). Kommission für Geschichte des Parlamentarismus und der politischen Parteien e. V., Berlin, ISBN 3-7700-5224-2, S. 225 (kgparl.de [PDF; abgerufen am {{{Zugriff}}}]).

Weblink

Foto vu dr Paula Doell uf LEO-BW

Fueßnote

↑ Doell, Paula. In: M.d.B. – Die Volksvertretung 1946–1972. – [Daecke bis Dziekan] (= KGParl Online-Publikationen). Kommission für Geschichte des Parlamentarismus und der politischen Parteien e. V., Berlin, ISBN 3-7700-5224-2, S. 225 (kgparl.de [PDF; abgerufen am {{{Zugriff}}}]).

Dä Artikel basiert uff ere fräie Übersetzig vu dere Version vum Artikel „Paula_Doell“ vu de dütsche Wikipedia. E Liste vu de Autore un Versione isch do z finde.

[1] Doell, Paula. In: M.d.B. – Die Volksvertretung 1946–1972. – [Daecke bis Dziekan] (= KGParl Online-Publikationen). Kommission für Geschichte des Parlamentarismus und der politischen Parteien e. V., Berlin, ISBN 3-7700-5224-2, S. 225 (kgparl.de [PDF; abgerufen am {{{Zugriff}}}]).

[1]