D Paul-Sacher-Stifdig
| Paul-Sacher-Stifdig
| |
|---|---|
| |
| Koordinate | 47° 33′ 25,6″ N, 7° 35′ 29,7″ O |
| Ort | Baasel |
| Bsuecheradrässe | Münsterblatz 4 |
| Gründig | 1973 |
| Umfang | Mee as 100 Nooch- und Vorläss |
| ISIL | CH-000628-1 |
| Drääger | Paul-Sacher-Stifdig |
| Organisationsform | Stifdig |
| Website | http://www.paul-sacher-stiftung.ch/de/home.html |
Die Paul-Sacher-Stifdig z Baasel (Schwiz) isch en Archiv und Forschigszentrum für d Musik vom 20. und 21. Joorhundert. Es befindet sich sit 1986 im Huus uf Burg am Münsterblatz 4/6.[1]
S Geböid und d Sammlig si Baasler Kulturgüeter, wo für d Region vo Bedütig si.
Gschicht[ändere | Quälltäxt bearbeite]
D Stifdig isch 1973 vom Chemii-Industrielle, Mezeen und Dirigänt Paul Sacher gründet worde. Iire Schwerpunkt isch am Aafang uf em Sammle vo Muusikernoochläss vo dr Modärne gsi, und vo dene si bsundrigs d Noochläss vom Igor Strawinsky und Anton Webern wichdig. D Stifdig het denn aber au afo elteri Noochläss chaufe, so dass si nit nume Muusig us dr jüngere Vergangehäit und Geegewart het.
D Stifdig und iiri Mitarbäiter beroote Forscher uf dr ganze Wält, wo sich mit zitgenössischer Muusig, deren iiri Dokumentazion oder au analütischi Undersuechig beschäfdige. D Stifdig understützt die muusigwüsseschaftligi Forschig dur s Publiziere vo Forschigsresultat. Si organisier au regelmäässig Usstellige.
S Archiiv[ändere | Quälltäxt bearbeite]
Im Archiiv het s mee as 110 Sammlige vo Komponiste us em 20. Joorhundert, wo us Noochläss, Däilnoochläss und Vorläss bestöön. E baar vo de Muusiker, wo verdräte si, sin
- Luciano Berio
- Pierre Boulez
- Henri Dutilleux
- René Leibowitz
- Jim Grimm
- György Ligeti
- Witold Lutosławski
- Bruno Maderna
- Frank Martin
- Conlon Nancarrow
- Igor Fjodorowitsch Strawinski
- Viktor Ullmann
- Anton Webern
Es het au Uffüerigsmaterial und Dokumentazion vom Baasler Kammerorchester (BKO), wo 1987 ufglööst worde isch, vom änglische Arditti-Quartett, vom amerikanische LaSalle-Kwartett, wo zwüsche 1946 und 1987 aktiv gsi isch, vo dr Sekzioon Baasel vo dr Internazionale Gsellschaft für Nöiji Muusig (IGNM) und vo dr Swiss Music Library, wo im April 1950 vo dr Marguerite Staehelin (1906–2000) gründet worde isch.
D Bibliothek[ändere | Quälltäxt bearbeite]
D Bibliothek isch e Fachbibliothek für d Muusig vom 20. und 21. Joorhundert. Aagschlosse si au e Fonothek und e Wideothek. Es wird brobiert, die wüsseschaftligi Litratur über Nöiji Muusig so vollständig wie mööglig z mache, aber au anderi Beriich vo de Künst wie Theater, Danz, Film, Literatur und bildendi Kunst wärde berücksichdiget.
D Bibliothek isch e Bresenzbibliothek. Dr Zuegang muess mit em Sekretariat vo dr Stifdig abgstimmt wärde. D Paul Sacher Stifdig isch im Informazionsverbund Dütschschwiz (IDS) Baasel-Bärn aagschlosse.
Litratuur[ändere | Quälltäxt bearbeite]
- Ulrich Mosch (Hrsg.): Paul Sacher – Facetten einer Musikerpersönlichkeit. Paul Sacher Stiftung, Baasel 2006, ISBN 3-7957-0454-5.
Weblingg[ändere | Quälltäxt bearbeite]
Fuessnoote[ändere | Quälltäxt bearbeite]
- ↑ Basler Stadtbuch, Christoph Merian Stiftung 1996, Martina Wohlthat: «Die Sehnsucht nach der zeitlosen Moderne»
|
Dä Artikel basiert uff ere fräie Übersetzig vum Artikel „Paul-Sacher-Stiftung“ vu de dütsche Wikipedia. E Liste vu de Autore un Versione isch do z finde. |