Olga Dinnikova
D Olga Dinnikova (* 5. Februar 1985 z Riga, Lettischi SSR, UdSSR) isch e Schwyzer Schauspiileri, Reschiseeri un Draaibuechautoori.
Lääbe
[ändere | Quälltäxt bearbeite]D Olga Dinnikova isch z Lettland un z Israel ufgwagse, si chunnt us ere jidische Familie, wu noch em Ussenandergheie vu dr Sowjetunion uf Israel uusgwanderet isch.[1][2] Wu iri Mueter deert e Schwyzer chännegleert het, isch d Olga Dinnikova 2000 mit dr Mueter in d Schwyz chuu, wu si syterhär läbt.
Vu 2004 bis 2007 het si Filmschauspiil an dr European Film Actor School (EFAS) z Züri studiert.[3] Iri eerscht Fäärnseeroll het si anne 2007 in dr SRF-Fäärnseeseerine Tag und Nacht gspiilt[4], derno het si e Hufe Ufdritt im Film un im Fäärnsee ghaa, unter anderem in Kinospiilfilm wie Marija vum Michael Koch, Ispansi! vum Carlos Iglesias un Nightfall[5] vum Simon Aeby.
Anne 2011 het d Dinnikova e Bachelorstuudium in Film[6] an dr Zürcher Hoochschuel vu dr Chinscht (ZHdK) aagfange, wu si 2014 erfolgryych mit em Chuurzspielfilm Luftschloss abgschlosse het,[7] wu unter anderem fir dr Studio Hamburg Noowugsbryys 2016 nominiert gsii isch.[8]
Vu 2014 bis 2016 het d Dinnikova wytergmacht mit irem Stuudium an dr ZHdK un het en Masterabschluss im Fach Draaibuech gmacht.[9] Um des Zyt het si d Draaibiecher fir dr Chuurspiilfilm Aquarium (Reschy: Cosima Frei) gschriibe,[10] wu vum Schwyzer Fäärnsee koproduziert wooren isch, un fir dr Langspiilfilm Peripherie,[11] wu si d Episood „Sonja“ derfiir gschriibe het. Peripherie het sy Wältpremieere 2016 am Zurich Film Festival ghaa[12] un iusch fir dr „Prix du Public“ bi de Soledurner Filmdääg nominiert gsii.
Im Jänner 2025 isch ire eerscht Kinospiilfilm Behind the Glass bi de 60. Soledurner Filmdääg urufgfiert woore.[13]
D Dinnikova schwätzt Schwyzerdytsch, Hochdytsch un Russisch. Si isch ghyroote un läbt mit irem Mann un dr gmainsaame Chinder z Niderlänz im Aargau. Si het au d Staatsbuurgerschaft vu Israel.
Uusglääseni Filmografy
[ändere | Quälltäxt bearbeite]
as Schauspiileri
[ändere | Quälltäxt bearbeite]- 2007: Tag und Nacht (Pilootfolg)
- 2008: Tag und Nacht
- 2008: Flug in die Nacht – Das Unglück von Überlingen
- 2010: Ispansi!
- 2012: Der Bestatter
- 2012: Bleiben
- 2013: Bild mit Ton
- 2013: Zorn – Tod und Regen
- 2015: Marija
- 2018: Tatort: Im toten Winkel
- 2018: Nightfall
- 2024: Diary of a Women[4]
as Reschiseeri un Draaibuechautoori
[ändere | Quälltäxt bearbeite]Weblink
[ändere | Quälltäxt bearbeite]- Olga Dinnikova in dr Internet Movie Database
- Olga Dinnikova bi swissfilms.ch
- Olga Dinnikova bi schauspielervideos.de
- Websyte vu dr Olga Dinnikova
- Behind the Glass
- Regisseur Michael Koch: «Durch genaue Beobachtung vermeidet man Klischees», Interview mit dr Aargauer Zytig
- Dreharbeiten zum Kinofilm Behind the Glass, Interview mit dr Aargauer Zytig
Fueßnote
[ändere | Quälltäxt bearbeite]- ↑ olgadinnikova. Abgruefen am 1. Juli 2017.
- ↑ https://www.aarauer-nachrichten.ch/aarau/detail/ich-will-echtes-leben-im-film «Ich will echtes Leben im Film»], Aarauer Nachrichte, 13. Juuni 2025
- ↑ Filmschauspielschule. Abgruefen am 1. Juli 2017.
- 1 2 Tag und Nacht. Die schöne Russin (TV Episode 2008). Internet Movie Database, abgruefen am 1. Juli 2017 (änglisch).
- ↑ Simon Aeby: filmstills: Nightfall. Abgruefen am 1. Juli 2017 (amerikanischs Änglisch).
- ↑ Olga Dinnikova | filmstudieren.ch. Abgruefen am 1. Juli 2017.
- 1 2 Luftschloss. Internet Movie Database, abgruefen am 28. Juli 2024 (änglisch).
- ↑ Studio Hamburg Nachwuchspreis 2016: Die Nominierungen stehen fest. Studio Hamburg GmbH, abgruefen am 1. Juli 2017.
- ↑ Olga Dinnikova | filmstudieren.ch. Abgruefen am 1. Juli 2017.
- ↑ «Aquarium». 26. März 2015, abgruefen am 1. Juli 2017.
- ↑ Peripherie (2016). Internet Movie Database, abgruefen am 1. Juli 2017 (änglisch).
- ↑ Peripherie – Zurich Film Festival. Abgruefen am 1. Juli 2017.
- ↑ Behind the Glass uf solothurnerfilmtage.ch/.
- ↑ dlue: «Aquarium». 26. März 2015, abgruefen am 1. Juli 2017.
- ↑ ZHdK – Zürcher Hochschule der Künste: Peripherie | ZHdK. Abgruefen am 1. Juli 2017.
- ↑ Kinospielfilm «Behind the Glass» nominiert für den Prix du Public. In: www.solothurnerfilmtage.ch. 23. Mai 2023, abgruefen am 22. Juni 2021.
 |
Dä Artikel basiert uff ere fräie Übersetzig vu dere Version vum Artikel „Olga_Dinnikova“ vu de dütsche Wikipedia. E Liste vu de Autore un Versione isch do z finde. |