Norditalienischi Forelle

Systematik

Underchlass:	Strahleflosser (Actinopterygii)
Überordnig:	Protacanthopterygii
Ordnig:	Lachsartigi (Salmoniformes)
Familie:	Lachsfisch (Salmonidae)
Gattig:	Salmo
Art:	Norditalienischi Forelle

Wüsseschaftlige Name

Salmo cenerinus

Chiereghini, 1847

Di Norditalienischi Forelle (Salmo cenerinus) isch en europäische Süesswasserfisch wo z Italie endemisch isch und au im Tessin vorchunnt. S gitt zwoo Forme, di gröösseri Seeforelle und di chlinneri Bachforelle. Si gsiet äänlich uus, wie s Bachförnli, wo nördlich vo de Alpe lebt, isch aber genetisch ganz verschide.

Uussie

Di Norditalienischi Forelle isch e länglichi bruugrüeni Forelenart mit eme geoldige Schimmer und mit roote und schwarze Tupfe. A de Siite het si dunkli Flecke. Seeforelle weret 80 cm lang und Bachforelle 40 cm.

Verbraitig

Di Norditalienischi Forelle isch im Iizugspiet vom Po endemisch, aso z Italie, im Tessin und z Slowenie a de Häng vo de Alpe und vom Apennin. Si mag chalti suurstoffriichi Flüüssgwässer und tüüffi Seeje.

Lebeswiis

Di Norditalienischi Forelle fresst Insekte und Wirbellosi und jagt au anderi Fisch. Si laicht vom November bis Hornig i chlinnere Nebeflüss öber eme chiisige Grund. Di Norditalienischi Forelle cha 8 Joor alt were.

Büecher

Maurice Kottelat: European Freshwater Fishes; Cornol 2007. ISBN 978-2-8399-0298-4