Nina Kunzendorf

d Nina Kunzendorf (2011)

D Nina Kunzendorf (* 10. Novämber 1971 z Mannheim) isch e dytschi Schauspiiler.

Lääbe

Härchumft, Uusbildig un Theater

D Nina Kunzendorf isch as Doochter vun ere Leerei un eme Dokter uf d Wält chuu un isch mit ire jingere Schweschter z Mannheim-Vogelstang ufgwagse. Noch em Abituur am Ludwig-Frank-Gimnaasium het si vu 1992 bis 1996 an dr Hoochschuel fir Musik un Daarstellendi Chunscht z Hamburg studiert.

Noch eme eerschte Engaschmänt am Nazionaaltheater Mannheim het si vu 1998 bis 2001 am Dytsche Schauspiilhuus z Hamburg gspiilt. Anne 2001 isch d Kunzendorf uf München gwägslet un het bis 2004 zum Ensemble vu dr Münchner Chammerspiil gheert. Anne 2004 het si zäme mit dr Brigitte Hobmeier, em Thomas Loibl un em Stefan Sevenich dr Bayerisch Chunschtfeerderbryys in dr Spaarte Daarstellendi Chunscht iiberchuu.

Film un Fäärnsee

Iren eerschte Kinoufdritt het d Kunzendorf 1992 in Langer Gang, em Eerschtlingswäärch vum Yılmaz Arslan um e Gruppe vu Juugedlige in eme Reha-Zäntru, wu gaischtig un lyybli behinderet sind. Ire Fäärnseedebüt het si 2002 in dr Noochriegs-Saga Verlorenes Land vum Jo Baier an dr Syte vu dr Martina Gedeck un dr Monica Bleibtreu ghaa. Syterhäär het me si in e Hufe Fäärnseebrodukzioone chenne sää, doorunter wider unter dr Reschy vum Baier in Stauffenberg as däm sy Frau Nina, un 2003 au uf dr Kinolyynwand in Rosenstraße vu dr Margarethe von Trotta.

Im meefach bryxysgchreente Draama Marias letzte Reise vum Rainer Kaufmann het d Kunzendorf as Chrankeschweschter Andrea e doodchranki Byyri ufd ire letschte Rais beglaitet un isch dooderfir 2005 zäme mit dr Monica Bleibtreu un em Michael Fitz mit eme Sunderbryys vum Bayerische Fäärnseebryys uuszaichnet woore. Im nämlige Joor 2005 het si in dr Polizeiruf-110-Folg Der scharlachrote Engel s Obfer vun eme Gwaltverbräche gspiilt, wu si waigeret, e Obferhaltig yyznee. Fir iri daarstellerisch Laischtig isch d Kunzendorf 2006 zäme mit ire Schauspiilkolleege*ne Michaela May un Edgar Selge un au em Reschisseer Dominik Graf un em Draibuechautoor Günter Schütter mit em Grimme-Bryy in Gold uuszaichnet woore. Anne 2006 sin mit Sperling und die Katze in der Falle, Die Nachrichten un Marias letzte Reise drei anderi Fil, wu d Kunzendorf din mitgwiirkt het, fir dr Grimme-Bryys nominiert woore.

Anne 2006 isch d Kunzendorf fir Hurenkinder vum Andreas Kleinert, wu voor dr Kulisse vu dr Hamburger Meediewält spliit, voor dr Kamera gstande; im nämlige Joor isch unter dr Reschy vum Lars Kraume Guten Morgen, Herr Grothe entstande, wu dr Alldaag an ere dytsche Hauptschuel uuslyychtet. Im zweedailige Thriller Entführt vum Matti Geschonneck isch d Kunzendorf as Liane Bergmann in e Netz us Luuge, familieere Intriige un alte uffige Rächnige grotte. 2010 het si in s Niki Steins Draama um e Scientology-Uusstyyger, Bis nichts mehr bleibt, d Roll vu dr Eetik-Offizieri Helen Berg ibernuu. Dr Fäärnseefilm In aller Stille, wu d Kunzendorf e Bolizischti am Änd vu ire Chraft spiilt, isch wiider i Zämenaarbet mit em Reschisseer un dr Draibeuchautoori Ariela Bogenberger vu Marias letzte Reise un em Michael Fitz as Filmpaartner entstande.

Anne 2011 sin d Nina Kunzendorf un dr Joachim Król as Tatort-Kummissaar*ne fir dr Hessisch Rundfunk d Noofolg vum Frankfurter Ermittlerteam Andrea Sawatzki un Jörg Schüttauf aadrätte. No fimf Folge het d Nina Kunzendorf 2012 uf aigene Wunsch d Roll ufgee. Anne 2013 het si in ere andere Roll e Gaschtufdritt as Kummissaari im Tatort vum NDR in dr Folg Mord auf Langeoog ghaa. Iri Noofolgeri z Frankfurt isch im Novämber 2013 d Margarita Broich woore.

Anne 2015 het d Kunzendorf fir d Roll vu dr Lene Winter im Spiilfilm Phoenix vum Christian Petzold dr Dytsch Filmbryys as beschti Nääbedaarstelleri iiberchuu. Im Jänner 2021 het me si in dr dritte Stapfle vu dr ARD-Seerie Charité as Chinderdokteri Ingeborg Rapoport in aire vu dr Stapflehauptrolle chenne sää.

D Kunzendorf isch Mitgliid vu dr Dytsche Filmakademy.

Privaatlääbe

D Nina Kunzendorf läbt z Berlin mit ire baide Chinder. Si isch ab 2012 in ere Bezieig mit en Reschiseer Stefan Kornatz gsii.

Bi de Draiaarbete zue dr RTL-Draamaseerie Das Haus der Träume, wu 2022 vereffetlit wooren isch, het si dr Schauspiiler Samuel Finzi neecher chännegleert, wu si syterhäär mit liiert isch.

Filmografy

• 1992: Langer Gang
• 2002: Verlorenes Land (Fäärnseefilm)
• 2002: Hochzeitstag (Chuurzfilm)
• 2003: Treibjagd (Fäärnseefilm)
• 2003: Rosenstraße
• 2004: Schimanski: Das Geheimnis des Golem (Fäärnseeraie)
• 2004: Stauffenberg (Fäärnseefilm)
• 2005: Polizeiruf 110: Der scharlachrote Engel (Fäärnseeraie)
• 2005: Marias letzte Reise (Fäärnseefilm)
• 2005: Sperling und die Katze in der Falle (Fäärnseeraie)
• 2005: Die Nachrichten (Fäärnseefilm)
• 2006: Nette Nachbarn küsst man nicht (Fäärnseefilm)
• 2007: Guten Morgen, Herr Grothe (Fäärnseefilm)
• 2007: Angsthasen (Fäärnseefilm)
• 2008: Hurenkinder (Fäärnseefilm)
• 2009: Entführt (Fäärnseefilm)
• 2009: Tatort: Neuland (Fäärnseeraie)
• 2009: Tatort: Höllenfahrt
• 2010: Bis nichts mehr bleibt (Fäärnseefilm)
• 2010: Wiedersehen mit einem Fremden (Fäärnseefilm)
• 2010: In aller Stille (Fäärnseefilm)
• 2011: Blaubeerblau (Fäärnseefilm)
• 2011: Liebesjahre (Fäärnseefilm)
• 2011: Das Duo: Liebe und Tod (Fäärnseeraie)
• 2011–2015: Tatort
  • 2011: Eine bessere Welt
  • 2011: Der Tote im Nachtzug
  • 2012: Es ist böse
  • 2012: Im Namen des Vaters
  • 2013: Wer das Schweigen bricht
  • 2013: Mord auf Langeoog
• 2013: Kommissarin Lucas – Bittere Pillen (Fäärnseeraie)
• 2013: Meine Schwestern
• 2013: Das Mädchen mit den Schwefelhölzern (Fäärnseefilm)
• 2014: Phoenix
• 2015: Die Frau in Gold (Woman in Gold)''
• 2015: Nacht der Angst (Fäärnseefilm)
• 2016: Das Programm (Fäärnseefilm)
• 2016: Hilfe, wir sind offline! (Fäärnseefilm)
• seit 2016: Tödliche Geheimnisse (Fäärnseeraie)
  • 2016: Geraubte Wahrheit
  • 2017: Jagd in Kapstadt
  • 2020: Das Versprechen
• 2017: Das Verschwinden (Fäärnseevierdailer)
• 2018: Hackerville (Fäärnseeseerie, Folg Drei Neunen)
• 2019: Klassentreffen (Fäärnseefilm)
• 2019: Der gute Bulle: Friss oder stirb (Fäärnseeraie)
• 2019: Klassentreffen (Fäärnseeseerie)
• 2019: Totenfieber – Nachricht aus Antwerpen (Fäärnseefilm)
• 2019: My Zoe
• 2020: Schwartz & Schwartz: Wo der Tod wohnt (Fäärnseeraie)
• 2020: Freaks – Du bist eine von uns
• 2020: Altes Land (Fäärnseezweedailer)
• 2020: Ökozid (Fäärnseefilm)
• 2021: Charité (Fäärnseeseerie, Stapfle 3)
• 2021: Furia (Fäärnseeseerie)
• 2022: Das Haus der Träume (Fäärnseeseerie)
• 2022: Kroymann (Satiresendung, Schöne Bescherung)
• 2023: Das Mädchen von früher (Fäärnseefilm)
• 2023: One for the Road
• 2023: Winterwalzer (Fäärnseefilm)
• 2024: München Mord: A saisonale G’schicht (Fäärnseeraie)

Theater

Nationaltheater Mannheim

• 1996–1998: Ritter, Dene, Voss vum Thomas Bernhard (Reschy: Barbara Frey)
• 1996–1998: Der Kirschgarten vum Anton Tschechow (Reschy: Bruno Klimek)
• 1996–1998: Antigone vum Sophokles (Reschy: Jasmin Hoch)

Deutsches Schauspielhaus Hamburg

• 1998–2001: Jeff Koons vum Rainald Goetz (Reschy: Stefan Bachmann(
• 1998–2001: Schlachten! vu Tom Lanoye, Luk Perceval (Reschy: Luk Perceval)

Kammerspiele München

• 2001–2003: Orestie vum Aischylos (Reschy: Andreas Kriegenburg)
• 2001–2004: Alkestis vum Euripides (Reschy: Jossi Wieler)
• 2003–2004: Miss Sara Sampson vum Gotthold Ephraim Lessing (Reschy: Stephan Rottkamp)
• 2003–2005: Anatomie Titus Fall of Rome vum Heiner Müller (Reschy: Johan Simons)
• 2004–2006: Mittagswende vum Paul Claudel (Reschy: Jossi Wieler)
• 2005–2007: Die zehn Gebote nach Dekalog vum Krzysztof Kieślowski un em Krzysztof Piesiewicz (Reschy: Johan Simons)
• 2009–2010: Das letzte Band / Bis dass der Tag euch scheidet oder Eine Frage des Lichts vum Samuel Beckett, Peter Handke (Reschy: Jossi Wieler, in Kooperazioon mit de Salzburger Feschtspiil 2009)

Schaubühne Berlin

• 2017–2019: Lenin von Milo Rau & Ensemble (Reschy: Milo Rau, Uruffierig 2017)
• 2018–2019: Shakespeare's Last Play von Dead Centre (Reschy: Ben Kidd un Bush Moukarzel)

Weblink

 Commons: Nina Kunzendorf – Sammlig vo Multimediadateie

• Literatur vu un iber Nina Kunzendorf im Katalog vu dr Dütsche Nazionalbibliothek
• Nina Kunzendorf in dr Internet Movie Database
• Nina Kunzendorf bi filmportal.de (mit Fotogalery)
• Agentursyte vu dr Nina Kunzendorf
• Nina Kunzendorf bi schauspielervideos.de
• Jede Rolle ein Geheimnis Porträt in dr FAZ, 31. Meerz 2006
• Jede Regung zählt Porträt im Tagesspiegel, 28. Meerz 2010
• Schärfer als die Polizei erlaubt, Porträt vum Martin Eich in Die Welt, 7. Mai 2011
• Nina Kunzendorf, Audio-Interview vum 22. Oktoober 2017 NDR 2

Fueßnote

Dä Artikel basiert uff ere fräie Übersetzig vu dere Version vum Artikel „Nina_Kunzendorf“ vu de dütsche Wikipedia. E Liste vu de Autore un Versione isch do z finde.