Nina Betschart

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
Nina Betschart
bi dr WM 2019 z Hamburg
bi dr WM 2019 z Hamburg
Porträt
Geburtsdag 14. Oktober 1995
Geburtsort Stäihuuse, Schwyz
Greßi 1,73 m
Halle-Volleyball
Position Ussenaagriff /Aanahm
Verain
VBC Stäihuuse
Beachvolleyball
Partneri 2008–2015 Nicole Eiholzer
syt 2016 Tanja Hüberli
Wältranglischt Position 4[1]
Erfolg
2008–2012 fimf Mool Schwyzer Noowugs-Maischteri
(U15 bis U21)
2011 – U18-Vizeeuropamaischteri
2011 – U21-Wältmaischteri
2012 – U18-EM-Dritti
2012 – U21-Wältmaischteri
2013 – U20-Europamaischteri
2013 – U22-Europamaischteri
2014 – U20-Europamaischteri
2015 – Gold Europaspiil
2015 – U22-Europamaischteri
2016 – Siigeri CEV Satellite Baden
2016 – Dritti FIVB Major Klagenfurt
2017 – Dritti FIVB 5-Stäärn Poreč
2017 – Fimfti FIVB WTF Hamburg
2018 – Dritti FIVB 4-Stäärn Den Haag
2018 – Vizeeuropamaischteri
2018 – Dritti FIVB 4-Stäärn Moskau
2018 – Schwyzermaischteri
2019 – WM-Vierti
2019 – Vierti FIVB 5-Stäärn Gstaad
2019 – Fimfti FIVB 5-Stäärn Wien
2019 – Schwyzermaistcheri
2021 – Zwooti FIVB 4-Stäärn Sotschi
2021 – Olympia-Nyynti
2021 – Europamaischteri
Stand: 16. Augschte 2021

D Nina Betschart (* 14. Oktober 1995 z Stäihuuse ZG) isch e Schwyzer Volleyball- un Beachvolleyballspiileri.

Karriere[ändere | Quälltäxt bearbeite]

D Betschart het iri Karriere aagfange in dr Halle zäme mit ire Fryndi Nicole Eiholzer bim VBC Stäihuuse. Mit em Verain het si dr Ufstiig in d Nazionaalliiga B gschafft. Speeter hän d Betschart/Eiholzer e Beachvolleyball-Duo bildet. In dr Joor 2008 bis 2012 hän si d Schwyzer Noowugsmaischterschafte in dr Kategorie U15, U18 un U21 gwunne. Anne 2011 sin si Fimfti vu dr Juuged-WM z Umag woore un sin bi dr U18-Europamaischterschaft z Vilnius in s Finaal chuu. Mit dr Joana Heidrich isch d Betschart derno im kanaadische Halifax U21-Wältmaischteri woore. Im Joor druf sin Betschart/Eiholzer Dritti vu dr U18-EM z Brünn woore. Bi dr Juuged-WM z Larnaka un dr U20-EM z Hartberg sin si baidi Mool uf dr fimfte Rang chuu. Zäme mit dr Anouk Vergé-Dépré isch d Betschart im kanaadische Halifax wiider U21-Wältmaischteri woore. 2013 hän Betschart/Eiholzer e Turnier vu dr Schwyzer Tour z Locarno gwunne. Bi dr Wältmaischterschafte vu dr U21 z Umag un vu d U19 z Porto sin si baidi Mool wider uf dr fimfte Blatz chuu. Z Vilnius hän si d U20-Europamaischterschaft gwunne. Derno isch d Betschart mit dr Anouk Vergé-Dépré z Warna au U22-Europamaischteri woore. 2014 hän Betschart/Eiholzer z Cesenatico ire U20-Europamaischtertitel erfolgryych chenne verdaidige. Anne 2015 hän si d Goldmedaille bi dr Europaspiil z Baku gwunne un si derno im im portugiesischen Macedo de Cavaleiros U22-Europamaischterne woore. Syter anne 2016 spiilt d Betschart an dr Syte vu dr Tanja Hüberli. Betschart/Hüberli hän 2016 s CEV Satellite Turnier z Baden gwunne un sin Dritte bim FIVB Major Turnier z Klagenfurt woore. 2017 sin si bim FIVB 5-Stäärn Turnier z Poreč Dritti woore.

Anne 2021 sin d Nina Betschart un d Tanja Hüberli i dr Olympische Spiil z Tokio derbyy gsii un sin gege iri Landsfraue Joana Heidrich un Anouk Vergé-Dépré im Achtelfinaal uusgschiide. Derni sin si z Wien Europamaischterne woore.

Weblink[ändere | Quälltäxt bearbeite]

 Commons: Nina Betschart – Sammlig vo Multimediadateie

Fueßnote[ändere | Quälltäxt bearbeite]

  1. FIVB-Wältranglischt (Stand: 16. Augschte 2021)
Information icon.svg Dä Artikel basiert uff ere fräie Übersetzig vu dere Version vum Artikel „Nina_Betschart“ vu de dütsche Wikipedia. E Liste vu de Autore un Versione isch do z finde.