D Nathalie Armbruster (* 2. Jänner 2006 uf em Kniebis, Fraiestadt[1]) isch e dytschi Noordischi Kumbiniereri. Si het as eerschti Dytschi en Wettbewäärb im Wältcup vu dr Noordische Kumbinazioon gwunne.
D Armbruster, wu in ire Juugend au aktiiv gschwumme[2] un grännt isch,[3] het im Alter vu vier Joor mit em Langlaufen aagfange un goot styerhäär fir dr SV-SZ Kniebis 1928 an Staart. As Aachtjeerigi isch si zum eerschte Mool vun ere Schyygumpschanze gumpt.[4][5] D Joor druf het si am Stitzpunkt z Baiersbronn treniert. Si het am 22. Februar 2020 im Rame vu de Noordische Schyyspiil vu dr OPA z Villach, Kärnte ire internazionaal Debüt gee un het doo s Silbermedaille im Ainzel un zäme mit dr Marie Naehring un dr Emilia Görlich Gold im Team gwunne. Au im Summer het si im Schueler Ainzel Gold bi de OPA-Spiil z Hinterzarte gwunne. In de Joor druf het si reegelmääßig bi Noowugswettbewäärb im Schyygumpe un dr Noordische Kumbinazioon wie em Alpecup oder em FIS Youth Cup mitgmacht. D Armbruster isch doo reegelmääßig uf s Podescht glofe un het e baar Siig gfyyrt. Unter anderem het si viermool hinterenander d Gsamtwäärtig vum Dytsche Schuelercup gwunne.
Wu si aafangs Februar 2022 bi de Noordische Schyyspiil vu dr OPA z Predazzo im Ainzel un au im Team Gold gwunne ghaa het, isch si zwoo Wuche speeter z Eisenerz (Steiermark)zum eerschte Mool im Continental Cup an Staart gange. D Armbruster isch am eerschte Wettkampfdaag uf dr zwelft Rang chuu, am Daag druf isch sin Aachti woore un het si doodermit di teamintäärn Qualifikazioon fir di Noordische Junioore-Schyywältmaischterschafte 2022 z Zakopane gsiicheret. Deert isch si mit dr beschte Lauflaischtig noch em Gump uf s Podescht chuu un het hinter dr Annika Sieff un dr Haruka Kasai Bronze im Ainzel ghoolt. Zwee Dääg speeter isch si mit em Simon Mach, dr Jenny Nowak un em Tristan Sommerfeldt Junioore-Wältmaischteri im Mixed Team woore. Zum Saisonabschluss isch si zun eerschte Mool im dytsche Wältcup]]-Ufgebot gstande. Am 12. Meerz het si bim Haim-Wältcup z Schonach ire Debüt uf hegschter Eebeni gee un isch doo uf dr 15. Blatz chuu. Noch eme vierzeete Rang am zweete Wettkampfdaag het si dr Winter uf em 30. Rang vu dr Gsamtwältcupwäärtig abgschlosse. Im Grand Prix 2022, dr hegschteWettkampfseerie im Summer, het si am 3. Septämber s Ränne z Tschagguns gwunne. In dr Gsamtwäärtig isch si Zwooti woore. Am 15. Oktoober icsh d Armbruster zum eerschte Mool dytschi Maischteri woore.[6]
- Silbermedaille bi de Wältmaischterschafte 2023
Bim Uftakt in d Wältcup-Saison 2022/23 z Lillehammer isch d Armbruster as Dritti zum eerschte Mool in ire Karriere uf s Wältcup-Podescht chuu un isch doodermt glyychzytig di eerscht dytsch Atleeti, wu des gschafft ghaa het. In de Wuche druf het si där Erfolg bsteetigt un isch no sges Mool uf s Podescht chuu. Bi de Noordische Junioore-Schyywältmaischterschafte 2023 z Whistler, Kanada isch si Zwooti hinter dr Annika Sieff woore. Au im Mixed-Team het si zäme mit em Benedikt Gräbert, dr Cindy Haasch un em Tristan Sommerfeldt d Silbermedaille gwunne. Weenig Wuche speeter isch si im Ufgebot fir di Noordische Schyywältmaischterschafte 2023 z Planica gstande. Bi dr Ereffnigsfyyr het si zäme mit em Vinzenz Geiger dr dyytsch Faane drait.[7] Mit dr zwootbeschte Gumplaischtig isch d Armbruster im Ainzelwettbewäärb 20 Sekunde hinter dr Gyda Westvold Hansen glääge. Uf dr Loipe isch si an d Noorweegeri nimi draachuu, het si aber gege d Japaaneri Haruka Kasai un d Noorweegeri Ida Marie Hagen bhauptet un doodermit d Silbermedaille gwunne. Si ishc di eerscht Dytsch, wu bi me Kumbinazioonswettkampf vu dr Fraue bi Wältmaischterschafte uf s Podescht glofen isch. Zwee Dääg speeter isch si au im Mixed-Team zäme mit em Vinzenz Geiger, dr Jenny Nowak un em Julian Schmid uf dr zweet Rang chuu. In dr Gsamtwältcupwäärtig isch si au Zwooti woore.
D Saison druf het im Summer im Grand Prix aagfange. Bi drei vu vier Ainzel-Ränne isch d Armbruster uf em Podescht gstande, au im Mixed-Teamsprint zäme mit em Julian Schmid isch si Zwooti woore. Bi de dytsche Maishterschafte z Klingenthal het d Armbruster ire Maischtertitel im Ainzel verdaidigt. Im Wältcup het si wiider zue dr Wältspitz gheert, wänn au mit em fimfte Rang in dr Gsamtwäärtig e bitzeli schwecher wie in dr Vorsaison.
- Eerschte Wältcupsiig bim Nordic Combined Triple
In dr Wältcup-Saison 2024/25 isch d Armbruster reegelmääßig uf s Podescht glofe. Vum 31. Jänner bis 2. Februar 2025 het s zum eerschte Mool s Nordic Combined Triple fir Fraue z Seefeld, Tirol gee. Bim Massestaart am eerschte Wettkampfdaag isch d Armbruster uf Rang drei chuu. A Daag druf isch d Ida Marie Hagen, wu vorhäär alli Wältcup-Ränne gwunne ghaa het, disqualifiziert woore. Die Schangse het d Armbruster uusgnutzt un het s Compact-Ränne mit dr beschte Gump- un Lauflaischtig vuim Daag gwunne. Doodermit isch si zur eerschte dytsche Kumbiniereri woore, wu ne Wettbewäärb im Wältcup het chenne gwinne. D Armbruster het au s Gundersen-Ainzel am dritte Wettkampfdaag gwunne un si doodermit dr Triple-Gsamtsiig gsiicheret. Derzue het si zum eerschte Mool in ire Karriere s geel Trikot vu dr Wältcupgsamtfierende ibernuu.
Bi de Noordische Schyywältmaischterschafte 2025 z Trondheim isch d Armbruster im Massestaart duf dr segst Rang chuu.
Im Meerz 2025 het si zum eeschte Mool dr Gsamtwältcup vu dr Noordische Kombination 2024/25 gwunne.
| Nr. |
Daatum |
Oort |
Diszipliin
|
| 1. |
1. Februar 2025 |
Osterreich Seefeld |
Compact Normaalschanze1
|
| 2. |
2. Februar 2025 |
Osterreich Seefeld |
Gundersen Normaalschanze2
|
| 3. |
9. Februar 2025 |
Eschtland Otepää |
Compact Normaalschanze
|
1 Etappesiig bim Nordic Combined Triple.
2 Glyychzytig Gsamtsiig bim Nordic Combined Triple.
| Nr. |
Daatum |
Oort |
Diszipliin
|
| 1. |
3. Septämber 2022 |
Osterreich Tschagguns |
Gundersen Normaalschanze
|
| 2. |
1. Septämber 2024 |
Frankreich Chaux-Neuve |
Ainzel Compact
|
| Nr. |
Daatum |
Oort |
Diszipliin
|
| 1. |
27. Augschte 2022 |
Deutschland Oberwiesenthal |
Mixed-Team1
|
1 Zäme mit Julian Schmid, Jenny Nowak un Johannes Rydzek.
| Nr. |
Daatum |
Oort |
Diszipliin
|
| 1. |
25. Januar 2025 |
Deutschland Schonach |
Compact Normaalschanze
|
| Saison |
Blatz |
Pinkt
|
| 2021/22 |
30. |
034
|
| 2022/23 |
02. |
0589
|
| 2023/24 |
05. |
0928
|
| 2024/25 |
01. |
1130
|
| Saison |
Blatz |
Pinkt
|
| 2022 |
02. |
0260
|
| 2023 |
02. |
0320
|
| 2024 |
03. |
0320
|
| Saison |
Blatz |
Pinkt
|
| 2021/22 |
17. |
054
|
| 2024/25 |
23. |
0100
|
- 2023: FIS Noordischi Kumbinazioon Rookie vum Joor [8]
- 2023: Newcomeri vum Joor bi dr Gala fir d Spoortler*ne vum Joor[9]
- 2024: Guldine Schyy vum Dytsche Schyyverband[10]
D Armbruster isch uf s Kepler-Gimnaasium z Fraidestadt gange.[11]
D Nathalie Armbruster isch Bootschafteri vu dr Gaarteschau 2025 z Fraidestadt un Baierschbronn.[12]
- ↑ Stadtwerke Freudenstadt unterstützen Nathalie Armbruster. Stadtverwaltung Freudenstadt, 26.11.2024
- ↑ Stiftungsathletin Nathalie Armbruster im Porträt. In: issuu.com. Abgruefen am 2. Februar 2025.
- ↑ Nathalie Armbruster überrascht. In: Schwarzwälder Bote. 26. Mai 2019, abgruefen am 3. März 2025.
- ↑ Nathalie Armbruster – Zwischen Weltcup und Schulalltag. In: sportschau.de. 21. Februar 2023, abgruefen am 23. Februar 2023.
- ↑ Nordische Kombination: Nathalie Armbruster erfüllt sich WM-Traum mit 17. In: swr.de. 23. Februar 2023, abgruefen am 23. Februar 2023.
- ↑ Sandra Volk: Nordische Kombination: Armbruster und Rießle sind Deutsche Meister. In: xc-ski.de. 15. Oktober 2022, abgruefen am 26. Februar 2023.
- ↑ Mit 17: Armbruster trägt deutsche Fahne bei WM. In: stimme.de. 21. Februar 2023, abgruefen am 23. Februar 2023.
- ↑ FIS Nordic Combined Awards 2023. In: fis-ski.com, 31. Meerz 2023.
- ↑ Nathalie Armbruster ist „Newcomerin des Jahres“. In: swp.de., 22. Dezämber 2023.
- ↑ Gunter Wiedemann: Gleich fünf Schwarzwald-Asse bekommen die höchste Auszeichnung. In: schwarzwaelder-bote.de., 23. Oktoober 2024.
- ↑ Claudius Schmiederer: Nathalie Armbruster für Junioren-WM qualifiziert. In: bo.de, 23. Februar 2022.
- ↑ Nathalie Armbruster wird Gartenschau-Botschafterin. In: schwarzwaelder-bote.de., 19. Februar 2024.
|
Dä Artikel basiert uff ere fräie Übersetzig vu dere Version vum Artikel „Nathalie_Armbruster“ vu de dütsche Wikipedia. E Liste vu de Autore un Versione isch do z finde.
|
Dytschland
Seefeld
Otepää
Chaux-Neuve
2023 Planica
2025 Trondheim
2021 Oberhof/Zella-Mehlis
2022 Hinterzarten
2023 Klingenthal
Commons: Nathalie Armbruster – Sammlig vo Multimediadateie