Natalia Wörner

D Natalia Wörner (* 7. Septämber 1967 z Stuagert-Bad Cannstatt) isch e dytschi Schauspiileri.

Ire Duurbruch het si anne 1994 im Actionthriller Die Sieger vum Dominik Graf ghaa. Me chännt si au as Kummissaari Jana Winter in dr Hauptroll vu dr ZDF-Krimiraie Unter anderen Umständen un as Karla Lorenz in dr Titelroll vu dr ARD-Fäärnseeraie 'Die Diplomatin.

Lääbe

Häärchumft un Uusbildig

D Natalia Wörner isch zäme mit ere eltere Schweschter bi ire Mueter ufgwagse, wu as Leereri gschafft het. Mit irem Vater het si Wuchenände un Feerie verbroocht.^[1] Scho in ire Schuelzyt, wu si viermool uf aigene Wunsch d Schuel gwägslet het, het d Wörner aafange as Model schaffe. Noch em Abituur z Stuagert un eme chuurze Studium generale an ere antroposoofische Schuel (1986) het si unter anderem z Paris, z Mailand un z Wien as Model gschafft.

1987/1988 het d Wörner anderthalb Joor lang Schauspiil bim Lee Strasberg am Actors Studio z New York studiert un het druf in dr deertige Off-Off-Theater gspiilt.^[2] Si isch derno retuurchuu uf Dytschland.

Privaatlääbe

D Wörner isch zwische 1993 un 2001 mit irem Schauspiilkolleeg Herbert Knaup liiert gsii, wu si bi de Draiaarbete zue Die Sieger chännegleert ghaa het.

Ab de Draiaarbete zue Miss Texas im Joor bis aafangs 2008 het d Wörner mit em Kanaadier Robert Seeliger zämegläbt. Zäme mit iim het si an de Wynäächte 2004 z Khao Lak d Fluetkataschtroof iberläb,t wu dur Äärdbeebe im Indische Ozean uusgleest wooren isch. D Wörner un dr Seeliger hän im Jänner 2006 ghyroote. Si hän zäme ne Suun, dr Jacob Lee. D Ee isch anne 2008 gschiide woore.^[3]

Im Früiejoor 2016 hän si d Schauspiilri un dr Heiko Maas (sällemool Bundesminischter vu dr Juschtiz un fir Verbruucherschutz im Kabinett Merkel III) zum eerschte Mool as Baar zaigt. Mitti Augschte 2023 hän d Wörner un dr Maas verchindet, ass si si scho vor lengerer Zyt drännt heebe.^[4]^[5]

Karriere

Zum eerschte Mool im dytsche Fäärnsee isch d Natalia Wörner 1992 in Thea und Nat vu dr Nina Grosse z sää gsii. 1992/93 het si bi re Casting-Show uf Sat.1 zur Uuswaal vu dr Hauptdaarstelleri fir d Verfilmig vu dr Romaanfuurtsetzig vu Vom Winde verweht, dr Miniseerie Scarlett mitgmacht.^[6]^[7] Ire Kinodebüt het si mit Nääberolle in Frauen sind was Wunderbares vu dr Sherry Hormann un De Sieger vum Dominik Graf (baidi 1994) gee. Unter dr Hormann het si au in dr Filmkumeedi Irren ist männlich in dr Nääberoll vu dr Susanne Sochaki gspiilt. Fir iri Daarstellig vun eme psiichisch gsteerte Säktenopfer im Tatort (Folg: Perfect Mind – Im Labyrinth, 1996) het si anne 1997 dr Guldene Gong gwunne.

Anne 2000 isch d Wörner fir iri Laischtig in Bella Block mit em Dytsche Fäärnseebryys in dr Kategory Beschti Schauspiileri in ere Hauptroll – Fäärnseefilm/Meedailer uuszaichnet woore. In dr Folg Blinde Liebe vu dr ZDF-Krimiraie isch si as schlichti un dailwyys vulgeeri Chrankeschweschter z sää gsii, wu si in e voorbstroofte Taxifaarer verliebt un iri behinderet Schweschter in d Brostituzioon drängt. 2002 isch si fir d ARD-Zweedailer Der Seerosenteich, wu uf em glyychnamige Romaan vum Christian Pfannenschmidt basiert, an Schaublätz z Schleeswig-Holschtain, Hamburg, Paris un New York in dr Hauptroll vu dr Moodischepferi Isabelle Corthen näb em Tim Bergmann, dr Anja Kling un dr Hannelore Elsner voor dr Kamera gstande.

Syt 2006 isch d Wörner ai- bis zwaimool im Joo ras Kummissaari Jana Winter in dr Hauptroll vu dr ZDF-Krimiraie Unter anderen Umständen^[8] z sää. Syt 2016 spiilt si derzue in dr ARD-Raie Die Diplomatin d Titelroll vu dr Diplomaati Karla Lorenz.^[9] Im Friejoor 2021 isch si fir dr ZDF-Fäärnseefilm Die Welt steht still voor dr Kamera gstande, wu si d Dokteri Carolin Mellau spiilt, wu mit dr Covid-19-Pandemy z Dytschland z kämpfe het un si em Änd sälber mit em Virus infiziert.

Im Meerz 2011 isch in dr dytsche Uusgaab vum Playboy-Magaziin zäme mit eme Interview e Fotoseerie mit dr Natalia Wörner uusechuu, fotografiert vum Karl Lagerfeld.^[10]

Filmografy

Kinofilm

1992: Glück 1
1992: Thea und Nat
1994: Leni
1994: Die Maschine (La machine)
1994: Frauen sind was Wunderbares
1994: Die Sieger
1995: Der Elefant vergisst nie (Kurzfilm)
1996: Irren ist männlich
1999: Das Tal der Schatten
2001: Suck My Dick
2003: Liebe und Verlangen
2006: 20 Nächte und ein Regentag
2012: Die Kirche bleibt im Dorf
2015: Täterätää! – Die Kirche bleibt im Dorf 2

Fäärseefilm

1995: Unter Druck
1995: Kinder der Nacht
1997: Spiel um dein Leben
1998: Der Rosenmörder
1998: Zur Zeit zu zweit
1998: Der Laden (Dreidailer)
1998: Mammamia
1998: Der Handymörder
1999: Zum Sterben schön
1999: Der Feuerteufel – Flammen des Todes
2000: Frauen lügen besser
2001: Klassentreffen – Mordfall unter Freunden
2001: Verbotene Küsse
2002: Liebe unter Verdacht
2003: Der Seerosenteich (Zweedailer)
2003: Wenn Weihnachten wahr wird
2004: Experiment Bootcamp
2004: Für immer im Herzen
2005: Miss Texas
2005: Das Geheimnis des Roten Hauses
2006: Die Sturmflut
2006: Der beste Lehrer der Welt
2007: Durch Himmel und Hölle
2008: Die Lüge
2009: Mein Mann, seine Geliebte und ich
2010: Die Säulen der Erde (The Pillars of the Earth, Vierdailer)
2011: Cinderella – Ein Liebesmärchen in Rom (Cenerentola)
2014: Kückückskind
2014: Götz von Berlichingen
2015: Tannbach – Schicksal eines Dorfes (Dreidailer, 1. Dail)
2016: Der gute Göring (Dokumäntazioon)
2017: Mata Hari – Tanz mit dem Tod
2018: Vermisst in Berlin
2019: So einfach stirbt man nicht
2020: Das Mädchen am Strand (Zweedailer)
2020: Wahrheit oder Lüge
2021: Um die 50
2021: Die Welt steht still
2022: Die Macht der Frauen
2024: Disko 76 (Streaming-Seerie)

Fäärseeseerie un -raie

1995: Um die 30 (7 Folge)
1996: Tatort: Perfect Mind – Im Labyrinth
1999: Tatort: Martinsfeuer
2000: Bella Block: Blinde Liebe
2004: Der letzte Zeuge – Ich hasse meine Mutter
syt 2006: Unter anderen Umständen
- 2006: Unter anderen Umständen
- 2007: Bis dass der Tod euch scheidet
- 2008: Böse Mädchen
- 2009: Auf Liebe und Tod
- 2010: Tod im Kloster
- 2011: Mord im Watt
- 2012: Spiel mit dem Feuer
- 2013: Der Mörder unter uns
- 2014: Falsche Liebe
- 2015: Das verschwundene Kind
- 2016: Das Versprechen
- 2016: Tod eines Stalkers
- 2017: Liebesrausch
- 2018: Das Geheimnis der Schwestern
- 2019: Im finsteren Tal
- 2020: Über den Tod hinaus
- 2020: Lügen und Geheimnisse
- 2021: Für immer und ewig
- 2022: Mutterseelenallein
- 2023: Dämonen
- 2023: Mütter und Söhne
2007: Der letzte Zeuge – Toedliche Schoenheit
2009: Rosamunde Pilcher – Vier Jahreszeiten
2012: Rosamunde Pilcher – Die andere Frau (Zweedailer)
2012: Joachim Vernau – Das Kindermädchen
2012: Tatort: Tote Erde
2016: Böser Wolf – Ein Taunuskrimi (Zweedailer)
syt 2016: Die Diplomatin
- 2016: Das Botschaftsattentat
- 2016: Entführung in Manila
- 2018: Jagd durch Prag
- 2019: Böses Spiel
- 2020: Tödliches Alibi
- 2021: Mord in St. Petersburg
- 2023: Vermisst in Rom
2017: Berlin Station
2018: Nachtschicht – Es lebe der Tod

Uuszaichnige

1996: Guldene Gong
2000: Dytsche Fäärnseebryys
2011: Askania Award
2011: Romy fir Die Säulen der Erde
2016: Bundesverdienschtchryz am Band^[11]
2017: St. Georgs Oorde vum Semperopernball
2020: Verdienschtoorde vum Land Baade-Wiirtbäärg

Literatuur

Manfred Hobsch, Ralf Krämer, Klaus Rathje: Filmszene D. Die 250 wichtigsten jungen deutschen Stars aus Kino und TV. Schwarzkopf & Schwarzkopf, Berlin 2004, ISBN 3-89602-511-2, S. 481 f.

Weblink

Commons: Natalia Wörner – Sammlig vo Multimediadateie

Literatur vu un iber Natalia Wörner im Katalog vu dr Dütsche Nazionalbibliothek
Natalia Wörner im Munzinger-Archiv, abgruefen am 28. Juli 2020
Natalia Wörner in dr Internet Movie Database
Natalia Wörner bi crew united
Natalia Wörner bi filmportal.de
Natalia Wörner bi filmmakers.de
Natalia Wörner bi schauspielervideos.de

Fueßnote

↑ „Ich bin mit mir am allerwenigsten geduldig“. In: stern.de. 4. April 2022, abgruefen am 28. März 2024.
↑ Natalia Wörner. In: Internationales Biographisches Archiv 06/2011 vum 8. Februar 2011 via Munzinger Online).
↑ Natalia Wörner lässt sich scheiden. In: Die Welt, 4. Jänner 2008
↑ Heiko Maas und Natalia Wörner geben Trennung bekannt. In: rnd.de. 23. August 2023, abgruefen am 23. August 2023.
↑ dpa 23. August 2023: Politik und Glamour - Wörner und Maas haben sich getrennt
↑ Biography for Natalia Wörner. imdb.com, abgruefen am 22. März 2013.
↑ Christian Richter: Der Fernsehfriedhof: Die große Casting-Schummelei. Quotenmeter.de, 21. März 2013, abgruefen am 22. März 2013.
↑ Unter anderen Umständen. Fernsehserien.de, abgruefen am 1. April 2018.
↑ Die Diplomatin. Das Erste, abgruefen am 1. April 2018.
↑ Eine Frau wie gemalt – in allen Farben der Verführung. Playboy, abgruefen am 18. September 2021 (Mit Interview, geführt von Florian Boitin).
↑ dpa 7. März 2016.

Dä Artikel basiert uff ere fräie Übersetzig vu dere Version vum Artikel „Natalia_Wörner“ vu de dütsche Wikipedia. E Liste vu de Autore un Versione isch do z finde.

[1] „Ich bin mit mir am allerwenigsten geduldig“. In: stern.de. 4. April 2022, abgruefen am 28. März 2024.

[2] Natalia Wörner. In: Internationales Biographisches Archiv 06/2011 vum 8. Februar 2011 via Munzinger Online).

[3] Natalia Wörner lässt sich scheiden. In: Die Welt, 4. Jänner 2008

[4] Heiko Maas und Natalia Wörner geben Trennung bekannt. In: rnd.de. 23. August 2023, abgruefen am 23. August 2023.

[dpa-5] 23. August 2023: Politik und Glamour - Wörner und Maas haben sich getrennt

[6] Biography for Natalia Wörner. imdb.com, abgruefen am 22. März 2013.

[7] Christian Richter: Der Fernsehfriedhof: Die große Casting-Schummelei. Quotenmeter.de, 21. März 2013, abgruefen am 22. März 2013.

[8] Unter anderen Umständen. Fernsehserien.de, abgruefen am 1. April 2018.

[9] Die Diplomatin. Das Erste, abgruefen am 1. April 2018.

[10] Eine Frau wie gemalt – in allen Farben der Verführung. Playboy, abgruefen am 18. September 2021 (Mit Interview, geführt von Florian Boitin).

[11] 7. März 2016.

[1]

[2]

[3]

[4]

[5]

[6]

[7]

[8]

[9]

[10]

[11]