Merian Iiseli Kliinik
| Merian Iselin Klinik | |
|---|---|
| Unternähmensform | Stifdig |
| Gründig | 1916/1918 |
| Sitz | Basel, Schwiz |
| Leitig |
|
| Branche | Gsundhäitswääse |
| Uffdritt im Netz | www.merianiselin.ch/ |
| Dialäkt: Baseldütsch |
D Merian Iiseli Kliinik, uf Hoochdütsch Merian Iselin Klinik, isch e brivaati Kliinik an dr Föörestrooss 2 in dr Stadt Basel. D Kliinik isch uf Ortopädii, Chirurgii und Urologii spezialisiert. Si wird vo dr Merian Iiseli Stifdig dräit.
Gschicht
[ändere | Quälltäxt bearbeite]Im Joor 1898 het d Adele Merian-Iselin dr Basler Gsellschaft für s Guete und Gmäinnützige Land und 700'000 Franke vermacht, zum z Basel e homöopathischi Kliinik mit mindestens fuffzää Better baue.[1] 1916 isch di gmäinnützig Merian Iseli Stifdig iigrichtet worde, und 1918 het me d Kliinik an dr Föörestrooss iigweit. Früecher het si e klassischi homöopatischi Richdig ghaa, het die denn aber ufgee und bedribt hüte konvenzionelli Medizin.[2]
Kennzaale
[ändere | Quälltäxt bearbeite]2025 het d Kliinik über 8'000 Baziänte versorgt, drvo 6'090 in dr Ortopädii, 752 in dr Urologii un 826 in dr Chirurgii. Fascht 3'000 sin us em Kanton Basel-Stadt choo und fascht gliich vill us em Baselbiet. Stelle an dr Kliinik het s fascht 570.[3]
Fuessnoote
[ändere | Quälltäxt bearbeite]- ↑ Emil Schlegel: Reform der Heilkunde durch die Homöopathie Hahnemanns. 1903, S. 87.
- ↑ Gudrun Bornhöft, Peter Matthiessen: Homeopathy in Healthcare: Effectiveness, Appropriateness, Safety, Costs. Springer, 2011, S.93.
- ↑ Jahresbericht 2025. Uf: merianiselin.ch.