MediaWiki:Captchahelp-text

Wichtige Hiwys zum Voruus: Das Bild cha nume denn aazeigt wärde, we Cookies erloubt sy!

Internetuftritte, wo wi uf der Wikipedia potenziell alli öppis chöi ändere, sy hüüffig ds Zil vo Spammer, wo mit Hilff vo spezielle Programm outomatisch massehaft Links uf anderi Internetsytene lö la yboue. Das stört d Arbeit ar Wikipedia enorm, wil jede söttig Spamlink vo Hand einzel mues glösche wärde.

Mängisch, u bsunders denn, we du e nöie Weblink ybousch, wird dir drum es Bild mit farbiger oder verzerrter Schrift zeigt, u du wirsch ufgforderet, abzschrybe, was dört steit. Das isch e würksame Schutz vor outomatisierte Spamprogramm, wil die Ufgab für nes Computerprogramm fasch unlösbar isch, für Mönschen dergäge relativ eifach.

Leider chöi daderdür Problem entstah, bsunders für Benutzer mit ygschränktem Sehvermöge oder mit sprachgstüürete Browser, aber ou für Benutzer mit tekschtbasierte Browser oder mit abgschaltete Cookies. Falls du wäge somne Bild en Änderig nid chasch la spychere, de reklamier am beschten uf Wikipedia:I bruuche Hilff, dört versueche si de, dir z hälffe.

Drück der «Zrügg»-Chnopf vo dym Browser, für wider zrügg z cho.