Marie Besse
| Dialäkt: Mìlhüüserdiitsch |
Marie Besse 
[maʁi bɛs](info) (* 6. Hornung 1964 z’ Gämf) ìsch a frànzeesch-schwiizerischa Àltertummsforschera un Hoochschüallehrera. Sa ìsch d’ Laitera vum Làboor fìr Voorg’schìchtliga-n-Àltertummsforschung un Mänschaschtüdia àn dr Üniwärsiteet Gämf.
ìhr Laawa un Kàrriar
[ändere | Quälltäxt bearbeite]D’ Besse hàt àn dr Üniwärsiteet Gämf g’schtüdiart un hàt doo ànna 2001 a Dokterwìrda b’schtànda. Sa ìsch ordentliga Profassera àn dr Üniwärsiteet Gämf un ìsch doo zitter 2011 Mìtglììd ìn dr Delegàzioon fìr Gliichb’raachtigung.[1] Sa ìsch àui doo iig’lààda Mìtglììd vum Gliichhaitsüssschuss.[2]
D’ Besse wìrd schuu ìn da Wälschschwiizer Meedia — wia bii dr RTS un dr Zittung Le Temps — iig’lààda worra, fìr àls G’leehrta ìwwer Grààwunga un Mänschaschtüdia reeda.[3][3][4][5]
D’ Besse düat vor àllem ìwwers Laawa vu da Litt vu dr Jungschtaizitt ìn Öiropà forscha, b’sunderscht ìwwer d’ G’sällschàfta vum 3. Joohrtoisig v. Chr. ìn Öiropà un d’ Glockabecherkültüür. Sa gìlt àui àls Schpeziàlìschta vu dr Voorg’schìcht ìn da Àlpa. Sa hàt vor àllem um d’ Siidlung Petit-Chasseur z’ Sitta ìm Wàllis g’forscht un wìll verschteeh, wia s’ politischa un wìrtschàftliga Laawa ìn daara G’sällschàfta orgànisiart gsìì ìsch. Fìr dàs verschteehn b’nutzt sa d’ Schtüdia-n-ìwwer Keràmik- un Kupfergeegaschtand un Làndwìrtschàftsprodukta, so wia d’ B’rìchta vu dr Paläo-Mänschaschtüdia.
Üsserdam hàt d’ Besse mehrera Grààwunga g’laita, wia dia àn dr Eremita-Heehla z’ Borgosesia ìm Piemont àb 2012 un dia àm Ortsnàmma Pré-au-Stand z’ Le Grand-Saconnex ìm Kàntoon Gämf ànna 2015.[6][7]
Naawadràà hàt d’ Besse dr Verain „Archéologie et Gobelet“ grìnda, fìr s’ Wìssa un d’ Forschung um d’ Glockabecherkültüür b’fäärdra.[8]
Ànna 2013 ìsch d’ Besse vum frànzeescha Premiarminìschter Jean-Marc Ayrault mìt’m Oorda vu da Àkàdeemischa Pàlma üsszaichnet worra.[9][10]
ìhra Veräffentligunga
[ändere | Quälltäxt bearbeite]- Zittschrìftsàrtìkel
- Il y a 5000 ans, une mystérieuse unité européenne. In: Recherche. 2014, S. 42–46 (französisch, unige.ch).
- Prehistory of the Upper Rhône Valley: from Neanderthals to Modern Humans. In: Archives des Sciences. Band 65, 2012, S. 229–236 (englisch, unige.ch).
- Découvertes néolithiques. In: Archäologie der Schweiz. 2010, S. 22–29 (unige.ch).
- Des campaniformes européens au campaniforme méditerranéen. In: Bulletin de la Société préhistorique française. Band 101, Nr. 2, 2004, S. 215–222 (unige.ch).
- Biacher
- Around the Petit-Chasseur Site in Sion (Valais, Switzerland) and New Approaches to the Bell Beaker Culture. Archaeopress Archaeology, Oxford 2014 (englisch, unige.ch).
- zamma mìt dr Martine Piguet: Le site préhistorique du Petit-Chasseur (Sion, Valais) 10. Un hameau du Néolithique moyen. Cahiers d’archéologie romande, Lausanne 2011 (französisch, unige.ch).
- Graves and Funerary Rituals during the late Neolithic and the Early Bronze Age in Europe (2700 - 2000 BC). Archaeopress, Oxford 2004 (englisch, unige.ch).
- zamma mìt dr Laurence-Isaline Stahl-Gretsch un em Philippe Curdy: ConstellaSion. Hommage à Alain Gallay. Cahiers d’archéologie romande, Lausanne 2003 (französisch, unige.ch).
Weblìnks
[ändere | Quälltäxt bearbeite]
Commons: Marie Besse – Sammlig vo Multimediadateie- d’ Marie Besse bii dr Üniwärsiteet Gämf (frànzeesch)
Ainzelnoohwiisa
[ändere | Quälltäxt bearbeite]- ↑ Délégation égalité. Üniwärsiteet Gämf, abgruefen am 10. Oktober 2016 (französisch).
- ↑ Commission de l'égalité. Üniwärsiteet Gämf, abgruefen am 10. Oktober 2016 (französisch).
- ↑ 3,0 3,1 Audio: Les lointaines origines du peuple San. RTS, archiviert vom Original am 29. Mai 2025; abgruefen am 29. Mai 2025 (französisch).
- ↑ L’histoire de la peinture prend 10’000 ans. Archiviert vom Original am 15. September 2016; abgruefen am 29. Mai 2025 (französisch).
- ↑ L’archéologue cantonal provoque la grogne des chercheurs. Archiviert vom Original am 15. September 2016; abgruefen am 29. Mai 2025 (französisch).
- ↑ Campus - Service de communication - UNIGE. Üniwärsiteet Gämf, abgruefen am 19. Juli 2016 (französisch).
- ↑ À vue d'esprit du 28.08.2015. RTS, abgruefen am 26. September 2016 (französisch).
- ↑ Archéologie et gobelets. Association pour la diffusion des connaissances et la promotion de la recherche sur le Campaniforme. In: Bulletin de la Société préhistorique française. Band 95, 1998 (französisch, persee.fr [abgerufen am 19. Juli 2016]).
- ↑ Marie Besse chevalier dans l'Ordre des Palmes académiques. Üniwärsiteet Gämf, 18. November 2023, archiviert vom Original am 29. Mai 2025; abgruefen am 29. Mai 2025 (französisch).
- ↑ Laboratoire d'archéologie préhistorique et anthropologie. (PDF) In: ambra-suisse.ch. 20. November 2013, abgruefen am 29. Mai 2025 (französisch).
|
Dä Artikel basiert uff ere fräie Übersetzig vu dere Version vum Artikel „Marie_Besse“ vu de französische Wikipedia. E Liste vu de Autore un Versione isch do z finde. |