Margot Queitsch
D Margot Queitsch (* 12. Juuni 1946 z Lindou; † 18. Februar 2026 z Fryburg) isch e dytschi Bolitikeriin (SPD) gsii.[1] Si isch vu 2001 bis 2011 Mitgliid vum Landdaag vu Baade-Wiirtebäärg gsii.
Familie, Uusbildig un Beruef
[ändere | Quälltäxt bearbeite]D Margot Queitsch isch mit zwai Gschwischtrig z Niiderbayern un im schweebische Ebingen ufgwagse. Si het anne 1966 dr Fryburger Karl-Heinz Queitsch ghyroote un het ab 1967 z Fryburg im Brysgau gläbt. Si hän zäme drei Chinder ghaa.[2]
D Margot Queitsch het vu 1961 bis 1964 Ainzelhandelschauffrau gleert. Si het in däm Beruef bis zue dr Gebuurt vu irem Eerschte Chind ann 1967 gschafft.
Si isch Mitgliid in Kuratoorium vu dr Staatlige Toto-Lotto GmbH un im Ufsichtsroot vu dr Fryburger Stadtbau GmbH. Im Abgoornetebuech isch si as Huusfrau gfiert woore.
Bartei
[ändere | Quälltäxt bearbeite]Anne 1972 isch si in d SPD yydrätte. Vu 1976 bis 1986 isch si Voorsitzeri vum SPD-Oortsverain Fryburg-Santjeerge un stellverdrättendi Voorsitzeri vun SPD-Chraisverband Fryburg gsii. Derno isch si bis 1989 Voorsitzeri vun SPD-Chraisverband gsii.
Syter 1998 isch d Queitsch Mitgliid vum Voorstand vum SPD-Oortsverain Fryburg-Haasle/Wiigaarte/Riiselfäld gsii.
Mandaat
[ändere | Quälltäxt bearbeite]D Margot Queitsch isch vu 1980 bis 2019 Mitgliid vum Gmairoot vu dr Stadt Fryburg gsii.[3] Vu 1989 bis 1999 isch si Frakzioonsvoorsitzeri gsii.
Bi dr Landdaagswaal 2001 het d Queitsch im Waalchrais 47 Fryburg II kandidiert. Deert isch si diräökt iun Landdag vu Baade-Wiirtebäärg gweelt woore. Bi ire Wiiderwaal 2006 isch si iber e Zwaitmandaat in Landdaag yyzooge. Bi dr Landdaagswaal 2011 isch si nimi aadrätte. Si isch spoortbolitischi Sprächeri vu dr SPD-Landdaagsfrakzioon gsii. Si het em Finanzuusschuss un em Uusschuss fir Schuel, Juuged un Spoort aagheert un isch stellverdrättend Mitgliid im Uusschuss fir Wisseschaft, Foorschig un Chunscht gsii.[4]
Eerenamtligi Aarbet
[ändere | Quälltäxt bearbeite]D Queitsch isch bis 2019 im Voorstand vum Dreegerverain Jugendbegegnungsstätte Freiburg-Haslach e. V. gsii.[5] Derzue isch si Byyrootsvoorsitzeri vu dr USC Eisvögel (USC Freiburg - Basketball-Eerschtligischt vu de Fraue) un 2. Voorsitzeri vun SV Blau Weiß Wiehre gsii. Si het si au as Mitgliid im Voorstand vum Jugendhilfswerk Freiburg e.V un im Voorstand vum Freundes- und Förderkreises des Kinder- und Jugendzentrums Weingarten e. V.[2] engaschiert.
Literatuur
[ändere | Quälltäxt bearbeite]- Ina Hochreuther: Frauen im Parlament. Südwestdeutsche Parlamentarierinnen von 1919 bis heute, Stuttgart 2002, S. 199f, ISBN 3-923476-15-9.
Weblink
[ändere | Quälltäxt bearbeite]
- Margot Queitsch. (Nicht mehr online verfügbar.) In: www.spdfraktionfreiburg.de. SPD-Fraktion Freiburg, archiviert vom Original am 27. September 2023.
- Kurzportrait im Landtagshandbuch (Memento vom 21. Oktober 2007 im Internet Archive)
Fueßnote
[ändere | Quälltäxt bearbeite]- ↑ Joachim Röderer: Trauer um Margot Queitsch: Sie prägte die SPD in Freiburg über Jahrzehnte. In: Badische Zeitung. 20. Februar 2026, abgruefen am 20. Februar 2026.
- 1 2 Margot Queitsch. SPD Freiburg (#5). In: www.badische-zeitung.de. BZ Medien, abgruefen am 14. April 2024.
- ↑ Verabschiedung von Margot Queitsch, Hans Essmann und Ernst Lavori. SPD Freiburg, 5. Juli 2019, abgruefen am 21. Februar 2026.
- ↑ Margot Queitsch. (Nicht mehr online verfügbar.) In: www.spdfraktionfreiburg.de. SPD-Fraktion Freiburg, archiviert vom Original am 27. September 2023; abgruefen am 14. April 2024.
- ↑ Willi Kremer-Mosbach: Jahresbericht 2019 Teil 1. (PDF; 1,13 MB) Aus dem Trägerverein. In: www.jugendtreff-haslach.de. Kinder- und Jugendtreff Haslach, abgruefen am 14. April 2024.