Manuel Hagel
Dr Manuel Hagel (* 1. Mai 1988 z Eegna) isch en dytsche Bolitiker (CDU). Syt 2021 isch er Fraktionsvorsitzer vu dr CDU im Landdag vu Bade-Wirttebärg, wun er syt 2016 aaghert. Vu 2016 bis 2021 isch er Generalsekretär der CDU Bade-Wirttebärg gsii, syt 2023 isch er Landesvorsitzer vun ere. Är isch Spitzekandidat vu syre Bartei fir Landdagswahl z Bade-Wirttebärg 2026 gsii.
Familie, Uusbildig un Beruef
[ändere | Quälltäxt bearbeite]Dr Hagel isch in syre Geburtsstadt Eegna uf d Realschuel gange un het 2005 di Mittler Ryfi gmacht. Vu 2005 bis 2008 het er bi dr Sparkasse Ulm Bankchaufmann gleert, derno het er bis 2009 as Privatchundeberoter z Blaubeira gschafft. Zwische 2009 un 2014 isch er Gschäftsstellelaiter bi dr Sparkasse Ulm z Gerhousa un ab 2011 zuesätzli stellverdrättende Filialdiräkter z Blaubeira gsii. Vu 2014 bis zue sym Yyzug in Lanbddag vu Bade-Wirttebärg anne 2016 isch er Filialdiräkter z Eegna gsii.
Parallel derzue het dr Hagel anne 2009 e Wyterbildig zum Bankfachwirt un vu 2010 bis 2011 zum Bankbedribswirt an dr Sparkasseakademi Bade-Wirttebärg z Nuihouse abgschlosse. Im Johr 2014 het er dr Abschluss as diplomierte Bankbedribswirt an dr Frankfurt School of Finance & Management gmacht.[1]
Dr Hagel isch remisch-kadolisch un isch in syre Bfaargmai Minischtrant gsii.[2] Är isch ghyrote un het drei Sihn. Z eegna engaschiert er si in de Stiftigsret vu dr Burgerstiftig Eegna un vu dr Ernst-un-Anna-Rumler-Stiftig Eegna. Är isch Mitglid vu dr Naarezumft Spritzemuck, vu dr hischtorische Burgerwach un vu dr Jegerverainigung. Dr Hagel isch Mitglid vu dr iberbarteilige Europa-Union Bade-Wirttebärg.[3]
Bolitik
[ändere | Quälltäxt bearbeite]Bartei
[ändere | Quälltäxt bearbeite]Dr Hagel isch anne 2006 in d CDU yydrätte. Syt 2010 isch er Mitglid im Chraisvorstand vu dr CDU Alb-Donau-Ulm, vu Oktober 2019 bis Dezämber 2023 isch er Vorsitzer vu däm CDU-Chraisverband gsii. Dr Chraisverband Alb-Donau-Ulm zellt mit 1.800 Mitglider zue aim vu dr greschte Chraisverbänd vu dr CDU z Bade-Wirttebärg.
Vu 2010 bis 2013 isch er Chraisvorsitzer vu dr Junge Union (JU) Alb-Donau-Ulm gsii un vu 2013 bis 2014 Bezirksvorsitzer vu dr JU Wirttebärg-Hauezollre. Ab 2014 bis zue syre Ernännig zum Generalsekretär vu dr CDU Bade-Wirttebärg isch er stellverdrättende Landesvorsitzer vu dr JU Bade-Wirttebärg gsii.
Bim Landesbarteidag 2015 z Ruascht isch dr Hagel zum erschte Mol in CDU-Landesvorstand gwehlt wore, am 13. Juni 2016 isch er zum Generalsekretär vu dr Sidwescht-Union gwehlt wore. Wun er 2021 zum CDU-Fraktionsvorsitzer im Landdag gwehlt woren isch, het er sy Amt as Generalsekretär vu dr Landes-CDU niderglait. Sy Noofolger isch d Isabell Huber wore.[4]
Bim Landesbarteidag am 18. Novämber 2023 z Reidlenga isch dr Hagel mit 91,5 % vu dr Stimme as Noofolger vum Thomas Strobl zum Landesvorsitzer gwehlt wore.[5]
Kommunalbolitik
[ändere | Quälltäxt bearbeite]Dr Hagel ghert syt dr Kommunalwahl 2009 em Gmaitrot vu Eegna aa. Dert isch er vu 2014 bis 2020 Fraktionsvorsitzer vu dr CDU gsii, wu s absolut Meh ghaa het. Unter em Hagel as Fraktionsvorsitzer het d CDU 2019 s absolut Meh chenne verdaidige. Bi dr konschtituierende Sitzig vum Gmairot 2019 isch er iber d Barteigränzen ewäg aistimmig zum stellverdrättende Oberburgermaischter vu dr Große Chraisstadt Eegna gwehtlw wore. Derzue isch er syt 2014 Mitglid vum Chraisdag vum Alb-Donau-Chrais.[6] Bi dr Kommunalwahl 2024 isch dr Hagel wider in Gmairot vu Eegna un in Chraisdag gwehlt wore.
Im Landdag
[ändere | Quälltäxt bearbeite]Bi dr Landdagswahl 2016 isch er mit 36,3 % vu de Stimme im Wahlchrais Eegna as diräkt gwehlte Abgornete in Landdag vu Bade-Wirttebärg yyzoge ein. Är het do s bescht Ergebnis vun eme diräkt gwehlte Abgornete vu dr CDU z Bade-Wirttebärg bi däre Wahl ghaa. Dr Hagel isch Mitglid in dr Uusschuss Inneres, Digitalisierig un Migration un Ländlige Ruum un Verbruucherschutz gsii.
Bi dr Landdagswahl 2021 het dr Hagel wider dr hegscht Stimmenaadail unter allne CDU-Wahlchraiskandidate*ne ghaa un isch mit 35,9 % vu de Stimme wider in Landdag yyzoge.[7]
Im Mai 2021 isch dr Manuel Hagel zum Fraktionsvorsitzer vu dr CDU-Landtagsfraktion gwehlt wore.
Im Mai 2025 isch dr Hagel zum Spitzekandidat vu dr CDU fir d Landdagswahl 2026 gwehlt wore.[8]
Weblink
[ändere | Quälltäxt bearbeite]
- Websyte vum Manuel Hagel
- Abgordneteprofil bim Landdag Bade-Wirttebärg in dr 16. Wahlperiod
- dr Manuel Hagel bi dr CDU-Landdagsfraktion Bade-Wirttebärg
Fueßnote
[ändere | Quälltäxt bearbeite]- ↑ CDU-Landtagsfraktion Baden-Württemberg: Manuel Hagel MdL – Landtagsabgeordneter für Ehingen. Abgruefen am 7. Dezember 2025.
- ↑ Manuel Hagel: „Der Glaube ist Quelle und Grenze für mein Handeln“. Abgruefen am 29. Oktober 2025.
- ↑ EUROPA-UNION Baden-Württemberg: Unsere Abgeordnete. Abgruefen am 6. Dezember 2025.
- ↑ Stuttgarter Zeitung: „Im Herzen weiter Jungunionist“: CDU-Jungstar Hagel und die Sache mit dem Alter. Abgruefen am 13. August 2025.
- ↑ Landesparteitag in Reutlingen: Manuel Hagel zum neuen Chef der CDU Baden-Württemberg gewählt. 18. November 2023, abgruefen am 18. November 2023.
- ↑ Vorläufiges Endergebnis der Kreistagswahl 2019. Abgruefen am 24. Oktober 2024.
- ↑ SWR Aktuell: Wahlkreis Ehingen: CDU-Kandidat Manuel Hagel wieder im Landtag vertreten. Abgruefen am 22. März 2021.
- ↑ Landesparteitag: Hagel wird CDU-Spitzenkandidat für Landtagswahl in Baden-Württemberg. In: zeit.de. 17. Mai 2025, abgruefen am 17. Mai 2025.
 |
Dä Artikel basiert uff ere fräie Übersetzig vu dere Version vum Artikel „Manuel_Hagel“ vu de dütsche Wikipedia. E Liste vu de Autore un Versione isch do z finde. |