Manon Meunier

d’ Manon Meunier ànna 2025

Dialäkt: Mìlhüüserdiitsch

D’ Manon Meunier [manɔ̃ mønje] (* 30. März 1996 z’ Limoges, Limousin) ìsch a frànzeescha Politikera vu dr Lìnkspàrtäi La France insoumise (LFI). Sa ìsch zitter 2022 Àbg’oordneta üss’m Département Haute-Vienne ìn dr Nàzionààlaversàmmlung. Doo düat sa sìch vor àllem um d’ Theema Làndwìrtschàft un làndliger Ràuim b’schaftiga.

ìhra Kìndhait un Juugendsjoohra

D’ Manon Meunier schtàmmt üss’m Département Haute-Vienne un ìsch ìn dr Schtàdt Limoges uff d’ Walt kumma. Sa ìsch d’ Tochter vu’ma Sàniteetler un vun’ra Hìlfsschwäschter. Sa ìsch ìn d’ Sekundààrschüal z’ Nexon un schpeeter ìns Gümnààsium z’ Saint-Yrieix-la-Perche gànga. Naawadràà hàt sa sìch fräiwìllig ema Umwaltschutzverain ààg’schlossa.

D’ Meunier ìsch Diploomlàndwìrta un hàt d’rfìr a Maischterpriafung àn dr Nàzionààla Hoochschüal fìr Làndwìrtschàftswìssaschàft un -ìndüschtrii (ENSAIA) z’ Vandœuvre-lès-Nancy b’schtànda. Ànna 2022 hàt sa ìm B’raich Noochhàltiga Äntwìcklung fìr mehrera frànzeescha Gebiatskäärwerschàfta g’schàfft, vor àllem ìm Département Charente. Sa hàt àui g’schàfft, fìr kurza Laawesmìttel-Liaferkätta iifiahra un fìr d’ Àbfàllwìrtschàft verbässera. Üsserdam ìsch sa waahrend dr COVID-19-Pàndemii ain Joohr làng Hìlfsschwäschter gsìì.

ìhra Kàrriar ìn Politik

Ànna 2022 hàt sìch d’ Manon Meunier waahrend dr Kàmpàània fìr d’ Presidantschàftswààhl dr Lìnkspàrtäi La France insoumise ààg’schlossa.

Bii dr Pàrlàmantswààhl ànna 2022 ìsch d’ Meunier d’ Kàndidààtin vum Lìnksbìndniss ìm 3. Wààhlkrais vum Département Haute-Vienne gsìì. Sa hàt àn dr äärschta Wààhlrunda 31,68 Prozant vu da Schtìmma bikumma un hàt àn dr zwaita Wààhlrunda dr LREM-Kàndidààt Geoffroy Sardin mìt 52,10 vu da Schtìmma g’schlààga. Ìn dr Nàzionààlversàmmlung ìsch d’ Meunier Mìtglììd gsìì ìm Üssschuss fìr Noochhàltiga Äntwìcklung un Ràuimordnung worra. Sa hàt sìch doo vor àllem mìt da Theema landliger Ràuim, bioloogischa Vììlfàlt, Lànd- un Forschtwìrtschàft b’schaftigt. Sa gìlt sogààr àls „Sàchverschtandigera“ ìwwer dia Theema ìnnerhàlb vu dr LFI-Fràkzioon. Ànna 2022 ìsch sa uff d’ COP 15 z’ Montreal gànga, fìr doo s’ frànzeescha Üssschuss fìr Noochhàltiga Äntwìcklung vertratta.

Wu dr Schtààtspresidant Emmanuel Macron àm 9. Jüüni 2024 d’ Nàzionààlversàmmlung uffg’leest hàt, ìsch d’ Meunier nochamol Kàndidààtin ìm saalwa Wààhlkrais gsìì, dàsmol fìrs’ näija Lìnksbìndniss Nouveau Front populaire. Sa hàt doo àn dr äärschta Wààhlrunda 35,18 Prozant vu da Schtìmma bikumma un hàt àn dr zwaita Wààhlrunda d’ zwai àndra Kàndidààta — naamlig dr RN-Kàndidààt Albin Freychet un dr LR-Kàndidààt Gilles Toulza — mìt 40,76 Prozant vu da Schtìmma g’schlààga. Waahrend dr politischa Kriisa nooh dr Uffleesung vu dr Nàzionààlversàmmlung hàt sa mehrmols dr Emmanuel Macron uffg’rüafa, üss dr Schtààtspresidantschàft z’ruckz’tratta.

Ìm Oktoower 2022 hàt sa a G’sätzäntwurf vorg’schlààga, fìr àss weeniga Schüala ìm làndliga Ràuim g’schlossa waara. Üsserdam hàt sa sìch geega dr Bàui vu da „Mega-Wàsserbäcka“ ìm Département Deux-Sèvres iig’schtällt. Ìm Janner 2024 hàt sa vor dr Nàzionààlversàmmlung mìt ìhrem B’rìcht meehrera Mààsnààhma vorg’schtällt, fìr àss d’ Làndwìrta bass’r laawa känna un fìr àss d’ bioloogischa Vììlfàlt ärhàlta wìrd. Sa hàt àui schpeeter ìhra Mainung geega s’ Duplomb-G’sätz um d’ Làndwìrtschàft üssgedruckt. Wumm’r ìn dr Nàzionààlversàmmlung ànna 2025 s’ Àgrààrschtrüktüürg’sätz biig’schtìmmt hàt, hàt d’ Meunier d’ „Umwaltruckschrìtta“ vu da näija Mààsnààhma kritisiart, wo numma „d’ Ìnträssa vu da Groossa Laawesmìttelkonzärna“ soll begìnschtiga. Üsserdam hàt sa geega Fràuijafììndligkait ìm frànzeescha làndliga Ràuim wälla kampfa — ìn ìhra Àuiga solla d’rìnn d’ geogrààfischa-n-Àbg’schììdahait so wia dr Màngel àn äffentliga Dianschtlaischtunga a zäntrààla Rolla schpììla.

Àm Andsjoohr 2023 hàt sa zamma mìt’m LFI-Àbg’oordnet Damien Maudet z’ Limoges àn’ma Demonschtràzioon fìr d’ Pàläschtinänser unterschtìtza. Doo hàt sa äffentlig g’sajt, àss m’r a salbschtandig pàläschtinensischa Schtààt grìnda soll. Ànna 2025 hàt sa ìn dr Nàzionààlversàmmlung a Vorsàtzäntwurf vorg’schlààga, fìr dr làndwìrtschàftliga Fräihàndelsàbkumma zwìscha dr EU un em Mercosur àbwiisa — daa Vorsàtz hann d’ Àbg’oordneta biig’schtìmmt. Ìm März 2024 ìsch sa dräi Taaga làng àn dr Ìnternàzionààla Làndwìrtschàftsüssschtällung z’ Pàriis d’rbii gsìì, fìr d’ Làndwìrta traffa.

Lìteràtüür ìwwer sììe

• Stéphanie Barrat, Sébastien Dubois: Ses études, ses passions, son engagement : qui est Manon Meunier, la députée de la 3e circonscription de Haute-Vienne ? In: Le Populaire du Centre. 3. Juli 2022 (französisch, lepopulaire.fr [abgerufen am 4. März 2026]). 
• Maëllya Berti: Profil. Manon Meunier, la députée insoumise anti-abattage. In: Libération. 26. Dezember 2025 (französisch, liberation.fr [abgerufen am 4. März 2026]). 

Weblìnks

 Commons: Manon Meunier – Sammlig vo Multimediadateie

• d’ Manon Meunier ìn dr Àbg’oordneta-Dààtabànk vu dr Nàzionààlversàmmlung (frànzeesch)
• d’ Manon Meunier bii NosDéputés.fr (frànzeesch)
• d’ Manon Meunier bii Datan.fr (frànzeesch)
• d’ Manon Meunier ìn dr Base Sycomore vu dr Nàzionààlversàmmlung (frànzeesch)
• d’ Manon Meunier ìn dr Dààtabànk vu dr Haute Autorité pour la Transparence de la Vie Publique (frànzeesch)
• d’ Manon Meunier bii Politique & Animaux (frànzeesch)
• d’ Manon Meunier biim Institut La Boétie (frànzeesch)