Magdalena Martullo-Blocher
| Dialäkt: Schwiizerdüütsch |
D’Magdalena Martullo-Blocher, amtlich Magdalena Martullo[1] (* 13. Auguscht 1969 z’Männedorf; heimatberechtigt z’Schattehalb, z’Meile und z’Züri), isch e Schwiizer Undernehmerin und Politikerin (SVP). Sie isch d’Merheitsaktsionärin und exekutivi Vizepräsidentin, wie au Delegierti vom Verwaltigsrot vo dr Ems-Chemie. Siit 2015 isch sie au Nationalrötin für de Kanton Graubünde. Sie ghört zu de riichste Schwiizer.
Karriere
Wirtschaft
D’Martullo het a de Hochschuel z'St. Galle (HSG) Betriebswirtschaft studiert und het ds Studium mit em Lizenziat abgschlosse. Vo 1994 bis 1996 isch sie denn Product Manager bii Johnson & Johnson gsii. Ab 1996 bis 2000 isch sie Marketingleiter fürd Schwiiz bi Rivella AG gsii. Dette het sie au zu dr erwiiterete Gschäftsleitig ghört. Im Januar 2001 isch sie de zur Ems-Gruppe cho und im Auguscht vom gliiche Johr isch sie no Mitglied vom Verwatligsrot worde. S’Johr druff im Auguscht 2002 isch sie sogar Vizepräsidentin worde vom Verwatigsrot und das isch sie au hüt no.
Wo de ihre Vatter Christoph Blocher in Bundesrot choo isch nach de Bundesrotswahle im 2003, hetter sini Ahteil vo dr Ems-Chemie sinne Gööfer geh, die hochschwangeri Martullo hett entsprechend im Januar 2004 d’Leitig vom Undernähme übernoo.[2] Über ihri Ahteil ah dr Emesta Holding AG isch sie hüt, zäme mit ihrerer Schwöschter Rahel Blocher, d’Mehrheitsaktionärin vo dr Ems-Chemie.[3]
Zudem isch sie siit em Juni 2004 Mitglied im Vorstand vo de Scienceindustries und leitet dette de Uusschuss Wirtschaftspolitik. Siit 2017 isch d'Martullo au no im Vorstand vom Wirtschaftsverband Economiesuisse.[3]
Politik
D’Martullo isch bi de Schwiizer Parlamentswahle im 2015 uf dr Liiste vo dr SVP Graubünde als Queriistiigerin[4] in Nationalrot gwählt worde und isch dette i de Kommission für Wirtschaft und Abgobe (WAK). Näbst dem isch sie au im Wahlchreis Graubünde politisch aktiv.[5]
Litratuur
- Karl Lüönd: Das Martullo-Prinzip. In: Der Sonntag. 23. Juli 2011
Weblinks
Commons: Magdalena Martullo-Blocher – Sammlig vo Multimediadateie- Magdalena Martullo-Blocher uf dr Websyte vo dr Bundesversammlig
- d Website vo dr Magdalena Martullo-Blocher
Äinzelnaawiis
- ↑ «100 Millionen Chinesen sahen meinen Rauswurf aus dem Bundeshaus». In: 20 Minuten. 31. Oktober 2022, abgruefen am 7. November 2022 (Video).
- ↑ Stefan Lüscher: Karriere: Magdalena Martullo. In: Bilanz. 5. Juni 2009.
- ↑ 3,0 3,1 Curriculum Vitae. Website der Ems-Gruppe, abgerufen am 25. September 2020.
- ↑ Davide Scruzzi: Martullo-Blocher bleibt Zürcherin und gibt sich bündnerisch. In: Züri-Ziitig. 20. April 2015.
- ↑ Matthias Daum, Sarah Jäggi: Die Millionen-Frage. In: Die Zeit. Nr. 36/2018 (Schweizer Ausgabe).