Magdalena Götz

D Magdalena Götz (* 17. Jänner 1962) isch e dytschi Neirobieloogi. Si isch Diräkteri vum Inschtitut fir Stammzällefoorschig am Helmholtz Zäntrum Minche un het dr Leerstuel fir Fisieloogischi Genoomik an dr LMU Minche. Si isch vyylmool uuszaichnet woore, unter anderem mit em Gottfried-Wilhelm-Leibniz-Bryys un isch Mitgliid vu verschiidene europäische Wisseschaftsakademie. Iri Foorschigsschwäärpinkt liigen in dr Zäll- un Molekelaarbielogy un in dr Stammzällefoorschig.

Lääbe

D Magdalena Götz isch ais vu siibe Chinder vum Charlsruer Architäkt un Hoochschuelleerer Lothar Götz un säm syre Frau Hannelore, geb. Grab.^[1] Vu 1968 bis 1981 isch si z Haidelberch uf d Grundschuel un druf uf s Gimnaasium gange. Im Juuni 1980 het si am Haidelbercher Bunsen-Gimnaasium ire Abituur gmacht.

Si het zeerscht Filesefy an dr Uniwersiteet Haidelberch studiert un derno vu 1982 bis 1989 as Stipändiaati vu dr Stuudiestiftig vum dytsche Volk^[2] Bielogy z Züri un z Dibenga. Im Novämber 1989 het si s Stuudium z Dibenga mit dem Diploom abgschlosse.

Vu 1989 bis 1992 het si in dr Aarbetsgruppe vum Jürgen Bolz^[3] am Friedrich-Miescher-Laboratorium vu dr Max-Planck-Gsellschaft z Dibenga an ire Dokteraarbet gfoorscht. Im Juuli 1992 het si bromewiert (summa cum laude), fir iri Dissertazioon isch si mit dr Otto-Hahn-Medaille vu dr Max-Planck-Gsellschaft uuszaichnet woore.

1992/93 het d Götz as Postdoc am Friedrich-Miescher-Laboratorium gschafft, 1993/94 am National Institute for Medical Research z London un 1994 bis 19956 am SmithKline Beecham Harlow.

Im Joor 1997 het si zeerscht as Wisseschaftleri am Max-Planck Inschtitut fir Biofikikaalischi Chemy z Göttingen gfoorscht un ab Juuli 1997 as Foorschigsgruppelaiteri am Max-Planck Inschtitut fir Neirobiology z München-Martinsried. Im Juuli 2000 het si si in Zoology habilitiert

Zum Jänner 2004 isch d Götz Diräkteri am Inschtitut fir Stammzällefoorschig vu dr GSF (syt 2008: Helmholtz Zentrum München) z Neuherberg woore un glyychzytig uf dr Leerstuel fir Fisieloogischi Genoomik vu dr LMU Minche gruefe woore.

Eerige un Uuszaichnige

Oktoober 2024: Bayerische Verdienschtoorde
2023: Hector Wisseschaftsbryys
Dezämber 2022: Bayerische Vergassigsoorde
2019: Gregor-Mendel-Medaille vu dr Leopoldina.
2018: Schellenberg-Foorschigsbryys vu dr Internazionaale Stiftig fir Foorschig in Paraplegy
2017: Mitgliid vu dr Bayerische Akademy vu dr Wisseschafte
2016: Prix Roger de Spoelberch
September 2014: Ernst Schering Bryys vu dr Schering-Stiftig
October 2013: External Member of the Max-Planck Society
June 2013: Remedios Caro Almela Prize on Developmental Neurobiology
Juuni 2010: Bundesverdienschtchryz am Band
October 2008: Hans un Ilse Breuer Bryys
Oktoober 2008: Mitgliid vu dr Leopoldina
Meerz 2007: Gottfried-Wilhelm-Leibniz-Bryys
Jänner 2007: Hansen-Bryys
Juuni 2006: Mitgliid vu dr European Molecular Biology Organization (EMBO)
Mai 2006: Mitgliid vu dr Academia Europaea
Jänner 1998 bis Dezämber 2003: Max-Planck C3-Professorship Award fir usseroordeligi Frauen in dr Wisseschaft
Juuni 1993: Otto-Hahn-Medaille vu dr Max-Planck-Gsellschaft fir d Dissertazioon

Weblink

Götz Group uf dr Websyte vu dr Uniwersiteet München
- Curriculum Vitae
- Publikazioonslischt

Fueßnote

↑ Götz, Lothar. In: Wer ist Wer?: Das deutsche Who’s Who. Band 15, Arani, 1967, S. 569.
↑ Studienstiftung des deutschen Volkes: Jahresbericht 2017, S. 79.
↑ Arbeitsgruppe von Jürgen Bolz

[wer_ist_wer-1] Götz, Lothar. In: Wer ist Wer?: Das deutsche Who’s Who. Band 15, Arani, 1967, S. 569.

[2] Studienstiftung des deutschen Volkes: Jahresbericht 2017, S. 79.

[3] Arbeitsgruppe von Jürgen Bolz

[1]

[2]

[3]