Lustiges Taschenbuch
| ||||||||||||||||||||||||||
Lustigschs Taschäbuäch churz u umgansprachläch o LTB si dütschsprachigi Comics, wo sit 1967 vom Egmont Ehapa Media Verlag usäbracht wärdä. 2025 isch dr 600. Band usächo, näb dr Houptreihä gits zuäsätzlech no viu Näbäreihä u Neuuflagä. Di einzelnä LTB's bestöh fasch immer usärä Sammlig vo Comics, diä Comics stammä gröschtäteils us Italiä, aber zum Teil o us Skandinaviä. Comics us andernä Länder gits numä säutä.
Gschicht
[ändere | Quälltäxt bearbeite]| Band | DE | AT | CH & LI |
|---|---|---|---|
| Nr. 1 (1967) | 2,50 DM | 18,50 S | 2.80 Fr. |
| Nr. 28 (1974) | 3,80 DM | 30 S | 5.00 Fr. |
| Nr. 47 (1977) | 4,50 DM | 35 S | 4.90 Fr. |
| Nr. 100 (1984) | 5,90 DM | 47 S | 5.90 Fr. |
| Nr. 204 (1995) | 6,80 DM | 52 S | 7.50 Fr. |
| Nr. 333 (2005) | 4,20 € | 4,30 € | 7.80 Fr. |
| Nr. 424 (2012) | 5,50 € | 5,70 € | 10.50 Fr. |
| Nr. 593 (2025) | 8,99 € | 9,50 € | 14.90 Fr. |
D'Gschichtä überä Donald Duck si idä dütschsprachigä Länder zersch i einzelnä Comicheft u em Micky Maus Magazin, wo scho sit 1951 git usäbracht wordä. 1967 isch mitem Band Der Kolumbusfalter und andere Abenteuer ds erschtä LTB usächo. Im Gägäsatz zum Micky Maus Magazin hei d'LTB houptsächlech Donald Duck Gschichtä gha.
Dr Ehapa Verlag het mit dä LTB versuächt a Erfoug ds Italiä azchnüpfä, wo Disney-Comics scho sehr beliäbt si gsi u säch ä grossi Produktion vo Comics entwicklet hei. Bis hüt si di meischtä Comics idä LTB's übersetzti italiänischi Comics.
D'Comics si fach immer i Drüer-Reihä verfasst Sit 1987 mitem Band 119 si aui Bänd koloriert wordä. Sitem 1992i mitem Band 167 wärdä d'LTB's nümä z Italiä, sonder vo GGP Media im thüringischä Pössneck druckt.
Inhalte
[ändere | Quälltäxt bearbeite]D'LTB-Comics spielä ir fiktivä Stadt Äntähuusä. D'Protagonischtä wächslä vo Comic zu Comics. Di wichtigschtä si dr Donald Duck u dr Micky Maus. Wiiteri Charaktär, wo vorchömmä, si am Donald Duck sini Neffä, Tick, Trick u Track, dr Onku Dagobert, Daisy Duck, Gustav Gans, Dussel Duck. D'Antagonischtä si unger anderem d'Panzerknacker, d'Gundel Gaukeley, dr Klaas Klever u dr Mac Moneysac.[2]
Einzelnachweise
[ändere | Quälltäxt bearbeite]- ↑ Kinder Medien Monitor – Die Studie zum Mediennutzungs- und Kommunikationsverhalten von Kindern. In: Pressemitteilung. EGMONT MediaSolutions, 28. Juli 2020, abgruefen am 6. Februar 2021: „Der Kinder Medien Monitor 2020 (KiMMo) ist eine neue Markt-Media-Studie, mit der die Verlage Egmont Ehapa Media GmbH, Gruner + Jahr, Panini Verlags GmbH, SPIEGEL-Verlag und ZEIT Verlag ihr Engagement für die Erforschung der Mediennutzung von Kindern – über alle Kanäle hinweg – fortsetzen. Die Untersuchung repräsentiert 7,38 Mio. Kinder in Deutschland im Alter von vier bis 13 Jahren.“
- ↑ https://www.lustiges-taschenbuch.de/entenhausen/charaktere/die-ducks