Lucia Winterhalter

D Lucia Winterhalter (* 31. Augschte 1998) isch e dytschi Räbbyyri. Si isch di Baadisch Wyychenigi in dr Joor 2024/2025 gsii.

Lääbe

D Winterhalter isch im Chroziger Oortsdail Schlatt ufgwagse. Iri Eltere sin dr Gäärtnermaischter Peter un d Monika Winterhalter, e Diploom-Soziaalarbaiteri, wu as Florischti un Gäärtneri schafft. S het drei Gschwischtrig, zwoo Schweschtere, Elena un Patrica, un e Brueder, Marius.

No dr Mittlere Ryyfi het d Winterhalter s Fachabituur gmacht. E Stuudium in Theology un Germanischtik het si wider abbroche un statt däm bim Räbguet Briem z Ihringe-Wasewyler Räbbyyri gleert. No dr Uusbildig het si zeerscht bim Räbguet Martin Wassmer z Schlatt gschafft, un druf bim Räbguet Wolfgang un Andreas Löffler z Wettelbrunn. Mittlerwyyli schafft si bi dr Markgräfler Winzer eG z Efrige-Chilche as Aasprächpaartneri fir Gachstronomy-Chunde*ne in dr Regioon.

2023/2024 isch si Markgreefler Beraichswyybrinzässi gsii. Am 4. Juuli 2024 isch si zur 74. 74. Baadische Wyycheenigi gweelt woore.

Si läbt im Neiburger Stadtdail Grisse.

In ire Freizyt spiilt d Winterhalter Drumpeete bim Musikverain Schlatt, bim Musikverain Grißheim un in ere Guggemusik.

Weblink

Kandidaten/Kandidatinnen im Überblick: Baden – Lucia Winterhalter uf deutscheweinmajestaet.de
Irene Matzarakis: Schlatter Weinhoheit gibt sich die Ehre, Badische Zeitung, 21. Augschte 2023
Dominik Bloedner: Die neue Badische Weinkönigin kommt wieder aus dem Markgräfler Land, Badische Zeitung, 4. Juuli 2024
Sonja Zellmann: Von oben in die Landschaft schauen, Badische Zeitung, 11. Oktoober 2024
Sophia Hesser: Lucia Winterhalter ist Finalistin bei der Wahl zur Deutschen Weinhoheit, Badische Zeitung, 22. Septämber 2025