Zum Inhalt springen

Loretta Verna

Us der alemannische Wikipedia, der freie Dialäkt-Enzyklopedy

D Loretta Verna (* 14. Jänner 1943 z Locarno) isch e Schwyzer Filmmacheri, Autoori un bildendi Chinschtleri. Si zellt zue de Pionierne vum Schwyzer Film vu dr 1970er Joor un het langi Joor an dr Chunschthoochschuel Gämf gleert. Si läbt z Carouge.[1]

Lääbe

[ändere | Quälltäxt bearbeite]

D Verna isch im Alter vu 15 Joor us em Tessin uf Gämf chuu, go Bildhauerei studiere. Näb ire Aarbet as bildendi Chinschtleri un Schriftstelleri het si iiber zwanzg Joor an dr École supérieure des beaux-arts Genève (speeter HEAD) unterriichte, vor allem im Beraich Film, un an dr Ecole supérieur d'art visuel (ESAV), wuu si vu 1981 bis 2001 unterriichtet het.[2] Ire Hauptschwäärpunkt isch uf experimentälle Video- un Animazioonsaarbete glääge un uf dr Feerderig vu wyyblige Filmschaffende in dr Schwyz.[3] Anne 2009 het d Loretta Verna ein Literatuurstipändium vu Pro Helvetia fir iri schriftstellerisch Aarbet iiberchuu.[4]

Me chännt d Loretta Verna bsundersch firi iri subtiile Animazioonsfilm un dokumäntaarische Chuurzfilm. Iri Aarbete sin e baarmool in Speziaalbrogramm zue de «Pionierne vum Schwyzer Films» voorgstellt woore. Bsundersch gnännt wird iire Yysatz fir d Siichtbarkait vu Fraue im schwyzerische Filmschaffe.[5]

D Anne-Marie Miéville, dr Alain Tanner, d Loretta Verna un em Francis Reusser hän mit Super-8-mm-Film un Schmaalbandvideo alli vier e perseenli Wäärch fir d Sändig Ecoutez voir broduziert.[6][7] Im Rame vum Workshop Kino/Video isch des Gmainschaftsbrojäkt entstande, wu d Loretta Verna graad d ESAV abgschlosse het. S isch drum gange, mit aifache Mittel vier Film z broduziere, wu uf U-Matic iberdrait un in dääre Foorm im Weschtschwyzer Fäärnsee hän solle gsändet wääre. Des isch e bsunderi Akzioon gsii, wel doodmool U-Matic as semibrofessionäll gulte het un nit im Fäärnsee zuegloo gsii isch.[8] Dr Film vu dr Loretta Verna isch am 2. Dezämber 1977 unter em Titel Evidemment la vie s'écoule (Das Leben vergeht natürlich) uusgstraalt woore. S isch dr dritt Dail vu dr Seerie gsii. D Filmmacheri «möchte über das sprechen, was sie (mich) quält: die Macht des Alters über den Körper der Frau».[9]

Iri Film un chinschtlerische Aarbete sin im Zämehang mit dr feministische Filmgschiicht un bi temaatische Retroschpektiive zue Schwyzer Reschiseerne bi de Soledurner Filmdääg rezipiert woore.[5] D François Albera schrybt in Mes années «Sonimage» – Entretien avec François Bovier uf S. 201-223 wie di frontaale un feschte Yystellige vu dr Verna in Évidemment la vie s’écoule, wie die, wu d Anne-Marie Miéville mit em Maidli vu Papa comme maman im Graas hockt, en aigenaartigi Zytligkait schaffe dieje.[10] Scho 1978 het s Kino Action République z Paris vum 10. bis 16. Mai e «exklusive Videowoche» unter em Titel «Une bande de femmes présente des bandes de femmes» (E Gruppe vu Fraue bresäntiert Film vu Fraue) gmacht, wu me Papa comme maman un Évidemment la vie s’écoule[11] (uusgweelt vu dr Carole Roussopolus un dr Delphine Seyrig)[12][13] het chenne aaluege.[14] Anne 2025 isch si uf em Clermont-Ferrand International Short Film Festival im Brogramm From Loretta Verna to Elene Naveriani un au bim HEAD Cinema Festival zb Gämf.[15] zaigt woore.

Uusglääseni Filmografy

[ändere | Quälltäxt bearbeite]
  • Coup de foudre, 16 mm, 1:07 min, ESAV, 1973 (anne 1974 zaigt uf em Festival de Soleure un bim Festival de Nyon)
  • Temps de Cochon (Animazioon), 16 mm, 2:23 min, ESAV, 1974 (anne 1975 zaigt bim Animazioonsfeschtiwäl Annecy, uf de Soledurner Filmdääg un bim Festival de Nyon derzue 2025 bim HEAD Cinéma Festival)[16]
  • Ecoutez-voir : Evidemment la vie s'écoule, 31min, 1977

Publikazioone

[ändere | Quälltäxt bearbeite]
  • Mille traverses. Editions des Sauvages, 2008, ISBN 978-2-9700583-1-1.[17][18]
  • Marbrerie générale. Editions des Sauvages, 2023, ISBN 978-2-940514-16-8.
  • Titania et la tectonique. Editions des Sauvages, 2022, ISBN 978-2-940514-03-8.[19]
  • Le Fourbi. Éditions de l’Aire, 2016, EAN 2013699001294.
  • Carmen Perrin: L'écran, le seuil, la trouée. (Der Bildschirm, die Schwelle, die Lücke). Von Loretta Verna, Autorin; Hervé Laurent, Interviewer[20]
[ändere | Quälltäxt bearbeite]

Fue ßnote

[ändere | Quälltäxt bearbeite]
  1. ↑ Chemins de traverse de Loretta Verna. Le Temps, 14. Juuni 2008.
  2. ↑ Archiivaagoobe un ar-ad.ch
  3. ↑ Loretta Verna | Viceversa Literatur. Abgruefen am 26. September 2025.
  4. ↑ spectable.ch
  5. 1 2 Grenzgängerinnen. Abgruefen am 27. September 2025.
  6. ↑ Réflexion de Reusser. Abgruefen am 27. September 2025 (französisch).
  7. ↑ Papa comme maman. Abgruefen am 27. September 2025.
  8. ↑ François Bovier: Minor cinema: experimental film in Switzerland. les Presses du réel, Dijon 2020, ISBN 978-3-03764-550-5, S. 116.
  9. ↑ Carte blanche à Verna. Abgruefen am 27. September 2025 (französisch).
  10. ↑ Décadrages. OpenEdition, doi:10.4000/decadrages.
  11. ↑ François Albera: Mes années « Sonimage ». In: Décadrages. Cinéma, à travers champs. Nr. 48-50, 1. Februar 2023, ISSN 2235-7823, S. 201–223, doi:10.4000/decadrages.1965 (openedition.org [abgerufen am 27. September 2025]).
  12. ↑ monoskop.org
  13. ↑ Defiant muses: Delphine Seyrig and the feminist video collectives in France (1970s-1980s). Museo Reina Sofía, Madrid 2019, ISBN 978-84-8026-600-0.
  14. ↑ bibliotheques-specialisees.paris.fr
  15. ↑ HEAD at the Clermont-Ferrand International Short Film Festival | HEAD. Abgruefen am 27. September 2025.
  16. ↑ Le HEAD CINEMA FESTIVAL revient pour 4 soirées de cinéma sous les étoiles. 24. September 2025, abgruefen am 27. September 2025 (französisch).
  17. ↑ Loretta Verna – Editions des Sauvages. Abgruefen am 26. September 2025.
  18. ↑ Frédéric Burnand: Une voix sauvage dans l'édition en Suisse romande. In: SWI swissinfo.ch. 1. Mai 2008, abgruefen am 28. September 2025 (französisch).
  19. ↑ Rencontre avec Titania, la reine des fées - Le Temps. 31. Mai 2013, ISSN 1423-3967 (letemps.ch [abgerufen am 26. September 2025]).
  20. ↑ Carmen Perrin: édité à l'occasion des expositions: Carmen Perrin, sculptures; Musée des Beaux-Arts et de la Dentelle de Calais du 28 juin au 28 septembre 1997, Centre d'Art Contemporain de Vassiviere en Limousin du 18 octobre au 31 décembre 1997 (= L'écran, le seuil, la trouée). Musée des Beaux-Arts et de la Dentelle [u. a.], Calais 1997, ISBN 2-910850-08-0.
Dä Artikel basiert uff ere fräie Übersetzig vu dere Version vum Artikel „Loretta_Verna“ vu de dütsche Wikipedia. E Liste vu de Autore un Versione isch do z finde.
Vun "https://als.wikipedia.org/w/index.php?title=Loretta_Verna&oldid=1080689"