Lilith Kugler
D Lilith Kugler (* 1991 z Stuagert) isch e dytschi Filmmacheri.
Lääbe un Wäärch
[ändere | Quälltäxt bearbeite]D Kugler het ase Chind zytwyys z Burkina Faso un uf dr Filipiine gläbt. Anne 2009 het si an ere Musik-DVD us dr Sahelzoone mitgschafft.[1] In de Joor 2010/2011 isch si im Rame vun eme Freiwilligejoor uf Filipiine retuurgange un het fir di Dytsch Gsellschaft fir Internazionaali Zäemenaarbet (GIZ) gschafft. Nocherdani het si 2011 an dr Fachhoochschuel Stuagert aafange Audiowisuälli Meedie studiere. 2013/14 isch si paraleel as Gaschtstudänti an dr Foundation University, Dumaguete City, gsii un het Broadcast Communication studiert. Derzu het si uf de Filipiine Praktika gmacht. Anne 2017 het d Kugler s Stuudium an dr FH Stuagert mit em Bachelor abgschlosse.[2]
Z Burkina Faso het si mit Die Krankheit der Dämonen ire eerscht Film drilt. Är handlet vum Ufböu vun eme Bsichiatryzäntrum. Z Burkina Faso sin bsichisch Chranki vyylmool uusgschlosse, wel si noch eme Volksglaube vu Dämoone bsässe seie. 2019 isch ire Film bim Snowdance Independent Film Festival as Beschte Dokumäntaarfilm uuszaichnet woore.[2]
2020 het si dr Chuurzfilm Selfish iber s Verhältnis vu Fisch un Mänsche gmacht. Dr Film isch bim Foresight Film Festival z Halle/Saale uuzaichnet woore un isch uf internazionaale Filmfeschtiwält glofe.[2]
Anne 2020 het d Lilith Kugler e Masterstuudium fir Reschy an dr Filmuniwersiteet Babelsberg Konrad Wolf] z Berlin aagfange.[3] In dr Zyt vu dr Corona-Pandemy het si ab 2021 iiber zwai Joor lang e Film iber obdachloosi Droogenabhängigi z Berlin-Friedenau drillt. Dr Film Hausnummer Null isch bim Filmfestival Max Ophüls Bryys 2024 uurufgfiert[4] un as Chlai Fäärnseespiil bim ZDF zaigt woore.[5] Bim Internazionaale Dokumäntaarfilmfeschtiwält München isch dr Film as Beschte studäntische Dokumäntaarfilm 2024 mit em megaherz Student Award uuszaichnet woore.[2]
Filmografy
[ändere | Quälltäxt bearbeite]- 2018: Die Krankheit der Dämonen (La Maladie du Démon) (Reschy, Draibuech, Kamera, Schnitt, Brodukzioon)
- 2020: Selfish (Draibuech, Kamera, Brodukzioon)
- 2022: Die Vogelfrau (Draibuech)
- 2023: Hausnummer Null (Reschy, Draibuech)
- 2024: Silent War (AT) (Draibuech)
Uuszaichnige
[ändere | Quälltäxt bearbeite]- 2019: Beschte Dokumäntaarfilm bim Snowdance Independent Film Festival 2019 fir Die Krankheit der Dämonen [2]
- 2020: 3. Preis Foresight Film Festival fir Selfish[2]
- 2024: megaherz Student Award as Beschte studäntische Dokumäntaarfilm bim DOK.fest München fir Hausnummer Null [2]
- 2024: Bryys fir di Bescht Bildgstaltig un fir dr Bescht Dokumäntaarfilm bim Filmkunstfest Mecklenburg-Vorpommern fir Hausnummer Null [2]
- 2024: Bryys vu dr Ekumeenische Jury bim Festival achtung berlin fir Hausnummer Null [2]
- 2024: Bryys fir dr Bescht Dokumäntaarfilm beim FILMZ – Festival des deutschen Kinos] fir Hausnummer Null [6]
Weblink
[ändere | Quälltäxt bearbeite]- Lilith Kugler in dr Internet Movie Database
- Lilith Kugler bi filmportal.de
- Lilith Kugler bi crew united
- Lilith Kugler in der ZDF-Mediathek. Dokumentarfilm (91 Min.), abrufbar bis 18. Oktober 2026Vorlage:Zukunft/Ausgabe
Fueßnote
[ändere | Quälltäxt bearbeite]- ↑ Wir machen unsere eigenen Lieder: Portrait einer evangelischen Gemeinde in Sahel. 2009, abgruefen am 25. Mai 2025.
- ↑ 2,0 2,1 2,2 2,3 2,4 2,5 2,6 2,7 2,8 Lilith Kugler | filmportal.de. Abgruefen am 19. Mai 2025.
- ↑ DOK.fest München. Abgruefen am 19. Mai 2025.
- ↑ Regiestudierende Lilith Kugler im Wettbewerb Dokumentarfilm beim 45. Filmfestival Max Ophüls Preis. Abgruefen am 19. Mai 2025.
- ↑ Doreen Kaltenecker: Acht Fragen an Lilith Kugler. 2. April 2024, abgruefen am 19. Mai 2025.
- ↑ FILMZ 2024: DIE PREISTRÄGER:INNEN STEHEN FEST – FILMZ – Festival des deutschen Kinos. Abgruefen am 19. Mai 2025.
|
Dä Artikel basiert uff ere fräie Übersetzig vu dere Version vum Artikel „Lilith_Kugler“ vu de dütsche Wikipedia. E Liste vu de Autore un Versione isch do z finde. |