Lettisches Gymnasium Münster

Us der alemannische Wikipedia, der freie Dialäkt-Enzyklopedy
Dialäkt: Undermarkgreflerisch
S ehmolig Lettisch Gymnasium Münster, hite s Lettisch Centrum

S Lettisch Gymnasium z Münster isch di ainzig anerkännt lettisch Schuel z Weschteuropa gsii, wu Lettland Dail vu dr Sowjetunion gsii isch. S isch im Stadtdail Kinderhaus gsii.

S Gymnasium isch anne 1951 vu Flichtling in eme dytsche Flichtlingslager grindet wore. Im nämlige Johr hän litauischi Flichtling z Diepholz e aiges Gymnasium grindet, wu anne 1954 uf Hüttenfeld bi Manne zogen isch. Im Chalte Chrieg het s Gymnasium Schueler us aller Wält ufgnuu, doderdur het sich di lettisch Gmai z Münster un s Gymnasium zuen eme Zäntrum fir d Exil-Lette entwicklet. Unterrichtet woren isch uf Lettisch. Syt 1986 het s z Münster e Lettischs Centrum gee, wu s Gymnasium derzue ghert het un wu ne Internat aaglideret gsii isch. No dr Unabhängigkait vu Lettland anne 1990 het s Gymnasium sy Bedytig verlore un isch schließlig anne 1998 ufglest wore. Syterhär isch s Lettisch Centrum unter anderem in dr Erwachsenebildig aktiv, bedrybt e Chinderschuel un veraastaltet e Summerschuel.

Weblink[ändere | Quälltäxt bearbeite]

Koordinate: 51° 59′ 27,1″ N, 7° 36′ 56,5″ O

Dä Artikel basiert uff ere fräie Übersetzig vu dere Version vum Artikel „Lettisches_Gymnasium_Münster“ vu de dütsche Wikipedia. E Liste vu de Autore un Versione isch do z finde.