Lena von Döhren

D Lena von Döhren (* 1981 z Berlin) isch e dytschi Animazioonsfilmeri un Illuschtratori, wu in dr Schwyz schafft un läbt. Fir iri fantasyvolle Film fir Chinder isch si internazionaal uuszaichnet woore.

Lääbe

D Lena von Döhren isch noch em Abituur fir zwai Joor uf Wältrais gange. Anne 2007 het si ne Bachelor in audio-visuäller Kummenikazioon an dr Gerrit Rietveld Akademy z Amsterdam gmacht. Si isch 2009 uf Lozärn gange un het deert an dr HSLU studiert. Anne 2011 het d von Döhren en Masterabschluss in Design, Major Animage an dr HSLU gmacht. Ire Abschlussfilm, Der kleine Vogel und das Blatt, het uf dr Berlinale 2012 Bremieere in dr Säkzioon Generation gfyyrt, wie au di drei Film, wu si in dr Joor druf um dr chlai Voogel drait het, un au dr Film Tümpel zeerscht uf dr Berlinale zaigt woore sin. Iri Animazioonafilm sin uf internazionaale Feschtiwäl glofe un sin deert uuszaichnet woore, u. a. mit em Guldene Spatz 2018.

Dr Film Nachtschwärmer het uf dr Berlinale 2026 sy Bremieere.

Ire eerscht Bilderbuech mit em Titel Schau mal, meine Freunde! isch in dr Aie „Buchstart für Leseneulinge“ uusechuu.

D Lena von Döhren läbt mit irem Mann un ire zwai Chinder z Ämme.

Filmografy

• 2009: Lovestory 2 (Reschy)
• 2012: The Little Bird and the Leaf / Der kleine Vogel und das Blatt, Chuurz-Animazioonsfilm (Reschy, Draibuech)
• 2015: The Little Bird and the Squirrel / Der kleine Vogel und das Eichhörnchen, Chuurz-Animazioonsfilm (Reschy, Draibuech)
• 2015: Les Fables de monsieur Renard, Chuurz-Animazioonsfilms-Sammlig (Reschy)
• 2017: The Little Bird and the Caterpillar / Der kleine Vogel und die Raupe, Chuurz-Animazioonsfilm (Reschy, Draibuech)
• 2017: À la découverte du monde, Chuurz-Animazioonsfilm (Reschy, Draibuech)
• 2020: The Little Bird and the Bees / Der kleine Vogel und die Bienen, Chuurz-Animazioonsfilm (Reschy, Draibuech)
• 2020: Jardins enchantés, Chuurz-Animazioonsfilm (Reschy)
• 2023: Pond / Tümpel, Chuurz-Animazioonsfilm (Reschy mit dr Co-Reschiseeri Eva Rust, Draibuech)
• 2024: Petits contes sous l'ocean, Chuurz-Animazioonsfilm (Reschy)
• 2025: Fio Lina and the Maestro (Character Design)
• 2026: Bats & Bugs / Nachtschwärmer, Chuurz-Animazioonsfilm (Reschy, Draibuech)

Schrifte

• mit dr Brigitte Weninger: Schau mal meine Freunde, Reihe Buchstart, NordSüd Verlag AG, Zürich 2023
• mit dr Eva Rust: Tümpel, Tintenkilby, 2023

Uusglääseni Uuszaichnige

Berlinale

• 2012: Nominierig fir dr Glääserne Bäär (Der kleine Vogel und das Blatt)
• 2015: Nominierig fir dr Glääserne Bäär (Der kleine Vogel und das Eichhörnchen)
• 2017: Nominierig fir dr Glääserne Bäär (Der kleine Vogel und die Raupe)
• 2020: Nominierig fir dr Glääserne Bäär (Der kleine Vogel und die Bienen)
• 2023: Nominierig fir dr Glääserne Bäär (Tümpel, mit dr Eva Rust)

Chicago International Film Festival

• 2023: Nominierig fir dr Gold Hugo, dr Bryys fir dr Bescht Chuurz-Animazioonsfilm (Tümpel, mit dr Eva Rust)

Schwyzer Filmbryys

• 2013: Nominierig fir dr bescht Animazioonafilm (Der kleine Vogel und das Blatt)

Kurzfilm Festival Hamburg

• 2013: Nominierig fir dr Friese Award (Der kleine Vogel und das Blatt)

Fantoche

• 2020: Nominierig fir dr bescht Film (Der kleine Vogel und die Bienen)

Hiroshima International Animation Festival

• 2013: Nominierig fir dr Grand Prix (Der kleine Vogel und das Blatt)
• 2013: Gwinner vum beschte Chinderfilm as Stuudienaarbet (Der kleine Vogel und das Blatt)

New York International Children’s Film Festival

• 2013: Gwinner vum Audience Award Short Film (Der kleine Vogel und das Blatt)

Deutsches Kinder Medien Festival Goldener Spatz

• 2018: Gwinner vum Bryys fir di bescht Animazioon vu dr Chinderschüry Kino-TV (Der kleine Vogel und die Raupe)

San Diego International Kids Film Festival

• 2023: Gwinner vum Bryys fir di bescht Filmmusik (Tümpel, mit dr Eva Rust)

Vilnius International Film Festival

• 2021: Gwinner vum Publikumsbryys fir dr bescht Chuurzfilm (Der kleine Vogel und die Bienen)

British Animation Film Festival

• 2023: Nominierig fir dr British Animation Film Festival Award (Der kleine Vogel und das Blatt)

Weblink

• Lena von Döhren in dr Internet Movie Database
• Websyte vu dr Lena von Döhren

Fueßnote

Dä Artikel basiert uff ere fräie Übersetzig vu dere Version vum Artikel „Lena_von_Döhren“ vu de dütsche Wikipedia. E Liste vu de Autore un Versione isch do z finde.