Laura Mancinelli

D Laura Mancinelli (* 18. Dezämber 1933 z Udine; † 7. Juli 2016 z Turin) isch e iteliänischi Mediäwischti, Uniwersitetsbrofässeri, Ibersetzeri un Schriftstelleri gsii.

Läbe

D Laura Mancinelli isch anne 1933 z Udine uf d Wält chuu, het derno vier Johr z Rovereto gläbt, bis si mit ihre Familie 1937 uf Turin zogen isch.

No dr Schuel het si an dr Uniwersitet Turin studiert un 1956 en Abschluss in dytschsprochiger Literatur mit Schwärpunkt Modärni Literatur gmacht. Si het bromewiert un dryzee Johr lang an ere Mittelschuel unterrichtet. In dr 1970er Johr het si Germanischtik an dr Uniwersitet Sassari un speter derno z Venedig glehrt. Anne 1976 het si dr Lehrstuel fir d Gschicht vu dr dytsche Sproch an dr Uniwersitet Venedig iberchuu. Vu 1981 bis 1994 het si dr Lehrstuel fir Germanischi Philology an dr Uniwersitet Turin ghaa.

Si het s mittelhochdytsch Nibelungenlied 1972 ins Italienisch ibersetzt, 1978 Tristan vum Gottfried von Straßburg un 1989 Gregorius un Der arme Heinrich vum Hartmann von Aue. Dernäbe het si historischi Romän gschribe.

Dr Hispanischt Cesare Acutis, wu 1987 gstorben isch, isch ire Lääbespartner gsii.

Wäärch

• I dodici abati di Challant. 1981 (dt. Das teuflische Testament. 2000)
• Il fantasma di Mozart. 1986 (dt. Mozart in Turin?. 1987)
• Il miracolo di santa Odilia. 1989 (dt. Das Wunder der Heiligen Odilia. 2002)
• Amadé. 1990 (dt. Amadé. 1991)
• Raskolnikov. 1996 (dt. Raskolnikov. 1999)

Weblink

 Commons: Laura Mancinelli – Sammlig vo Multimediadateie

• Wärch vu un iber Laura Mancinelli in dr Dytsche Digitale Bibliothek