Lai Ching-te

Dr Lai Ching-te (chin. 賴清德, Lài Qīngdé, W.-G. Lai Chʻing-tê; * 6. Oktober 1959 z Wanli), au bekannt unter em Name William Lai, isch e taiwanesische Politiker vo dr Demokratischa Fortschrittspartei (DPP). Sit em 20. Mai 2024 isch er dr amtierendi Präsident vo dr Republik China (Taiwan).

Karierrä

Am 8. Septämber 2017 isch dr Lai vo dr Präsidentin Tsai Ing-wen as Nochfolger vom Lin Chuan zum Vorsitzer vom Exekutiv-Yuan, also zum Premierminister vo Taiwan, ernannt worde.

Wäge dr schwäre Niderlag vo dr DPP bi dr lokale Wahle im Novämber 2018 het dr Lai si Rüggtritt aagkündigt und het s Amt am 11. Jänner 2019 an dr Su Tseng-chang übergä.

Sit em 20. Mai 2020 isch dr Lai dr Vizepräsident vo Taiwan gsi. Vorhär isch er dr Bürgermeischter vo dr Stadt Tainan gsi und vo Ändi 2017 bis Aafang 2019 dr Vorsitzer vom Exekutiv-Yuan, also dr Premierminister vo dr Republik China (Taiwan). D’Präsidentewahl z Taiwan am 13. Januar 2024 het dr Lai Ching-te as Kandidat vo dr Demokratischa Fortschrittspartei (DPP) gwunne. Bi dr Präsidentewahl 2024 het dr Lai mit rund 40 Prozent vo dr Stimm gwunne. Am 20. Mai 2024 isch er i sis Amt iigfüehrt worde.

Am 4. Juni 2024 het dr Lai dr Demokratiebewegig vo 1989 denkt, wu uf em Tian’anmen-Platz z Peking nidergschlage woren isch. Mit Blick uf d ’Volksrepublik China het er gseit, es würklich respektables Land tät sine Bürger erlaube, ire Meinig frei z’säge

Weblink

Commons: Lai Ching-te – Sammlig vo Multimediadateie