Labubu

a Labubu-G’schaft z’ Wien ànna 2025

Dialäkt: Mìlhüüserdiitsch

A Labubu (uff Kineesisch schribbt m’r 拉布布) ìsch a Plüschtiarla-Figüür üss Kiina, wo ànna 2025 waltwitt bekànnt worra-n-ìsch. Dia Figüüra hann a brait Grìnsa un groossa Àuiga.

wia ’s äntschtànda-n-ìsch un wia ’s vermàrkta wìrd

Dr Kasing Lung hàt s’ Labubu ànna 2015 fìr siina Kìnderbüachräihja The Monsters g’schäpft. D’ äärschta Figuura, wo uff Anglisch Monsters g’haissa hann, sìnn vum Unternamma How2Work haarg’schtällt worra. D’rbii hàt’r sìch unteràndrem vu nordischa gätterliga Häldasààga loo ìnschpiriara. Um 2019 hàt dr kineesischa Haarschtäller Pop Mart d’ Labubus uff dr Màrkt gebrocht. Dr Produkt hàt ànna 2025 a waltwitter Verkàuifsärfolg g’hàà, wu d’ thailaandischa Sangera Lisa Manobal d’ K-Pop-Gruppa Blackpink äffentlig g’sajt hàt, àss sa d’ Figüür b’sunderscht g’meegt hàt — dàs hàt sa schuu-n-ànna 2024 bekànnt g’hàà. Schuu-n-ìm Àwrìl 2024 hàt m’r sììe mìt’ma Labubu-Schlìsselbund äffentlig g’sah g’hàà. Waagadam ìsch s’ Schpììlziggla ìn Thailànd un ìn wittera Lander ìn Süüdoschtààsia un Oschtààsia bekànnt worra. Àui d’ Sangerinna Rihanna un Cher hann dr Produkt g’meegt un b’fäärdert.

Ànna 2025 hàt d’ Liza Corsillo üss dr Zittschrìft New York g’schrììwa, àss d’ Puppa „nätt üssahn, zwààr äbba hasslig, àwwer zartlig mìt’m däfliga Grìnsel“. Sa hàt àui g’schrììwa, àss dr Produkt „d’ Granz zwìscha Schpììlziggla un Mooda“ verwìscha düat.

Àm 20. Àuigscht 2024 hàt d’ G’sällschàft Pop Mart bekànnt gaa, àss sa ìn dr äärschta Joohreshälfta mìt’m Verkàuif vu Labubus 6,3 Milliàrda Yuan (àlso äbba 870 Millioona US-Dollar) verdiant hàt. D’ Noohfroog ìsch soo hooch gsìì, àss d’ Websitta-n-amol ìwwerlàschta gsìì ìsch. D’ G’sällschàft hàt ànna 2024 numma mìt dr Figüür Monsters a Umsàtz vu 3,04 Milliàrda Yuan (àlso 430 Millioona US-Dollar) g’hàà — dàs ìsch 23,3 Prozant vun ìhrem joohrliga Umsàtz gsìì. Ìn dr äärschta Joohreshälfta 2025 hàt d’ G’sällschàft mìt da Monsters a Umsàtz vu 4,81 Milliàrda Yuan (gliich 670 Millioona US-Dollar) verdiant — dàs ìsch äbba 34,7 Prozant vum Umsàtz uff daara Zittschpànna gsìì. Ìm Mai 2025 hàt d’ G’sällschàft bekànnt gaa, àss sa bis ìm Jüüni d’ Labubus ìn da 16 G’schafter ìn Groossbritànnia nìmm verkàuifa wurd, fìr d’ Sìcherhait vu da Kunda schìtza — m’r hàt naamlig a Hüüfa Kunda g’sah, wo kampft hann, fìr Labubus kàuifa. Waagem groossa-n-Ärfolg sìnn a Hüüfa fàlscha Labubu-Wärsioona äntschtànda, womm’r aifàch „Lafufus“ g’nännt hàt, un womm’r àui ìm Internet hàt känna kàuifa. Ìn Kàlifornia ìsch sogààr a Prozass geega d’ G’schaftskätta 7-Eleven gsìì, wo fàlscha Labubus verkàuift hàt. Vììla fàlscha Labubu-Puppa hann 9 Zààhna.

D’ New York Times hàt ärkläärt, àss d’ Labubus a wìchtiga kültüürälla Rolla g’schpììlt hann un hàt vu’ma „Labubu-Effakt“ g’rädd. Dr Schurnàlìscht hàt g’sajt, àss d’ Puppa wia d’ bekànnta Figüüra Stitch (üss’m Film Lilo & Stitch) un Toothless üss’m Schpììlfilm „Dràchazäähma liicht g’màcht“. Mìt’m Ärfolg vu da Labubus hàt m’r ìn da näija Filma vììl mehr „Kumpelfigüüra“ loo ärschiina.

D’ Figüüra verkàuift m’r àls soodg’nànnta „Blind-Boxes“, womm’r mìt’ra Ìwwerràschungsai fìr Kìnder kààt vergliicha. Ìm Louvre z’ Pàriis kààt m’r Sùnderedizioona vu da Labubus kàuifa, z. B. àls Mona Lisa odd’r s’ „Maidla mìt’m Pärla-n-oohrrìng“.

Bis 2025 hàt d’ Màrka ìwwer 30 unterschììdliga Labubu-Figüüra uff dr Màrkt gebrocht. D’ klainschta Puppa ìsch 8 cm grooss un koschtet 15 US-dollar, un d’ greeschta Mega-Figüür ìsch 79 cm grooss un koschtet 960 US-Dollar. Ìm Jüüni 2025 hàt m’r àn dr äärschta Vergàntung vu Labubu z’ Peking a riasiga griana Puppa (1,2 m grooss) fìr 170.000 verkàuift.

wia ’s üsssììht

D’ Labubus hann saahn schpììlerisch àwwer ziamlig gràuisààm üss. Sa hann a runder hooriger Käärwer, groossa Àuiga, schpìtziga Oohra un niin schàrfa Zeehna, wo-n-a schpìtzbüawerischer Grìnsel bìlda. Naawa dr Labubu salbscht sìnn àui àndra Figüüra, wo dr Schtàmm vu da Monsters bìlda: D’rìnn fìndet m’r d’ Figüüra dr Mokoko, dr Pato, dr Spooky, dr Tycoco (ìn dr Labubu ìhrem Liabschter, wo wia-n-a Knochagrìscht üsssììht) un dr Zimomo (dr Schtàmmlaiter, wo-n-a schàrfer Schwànz hàt). D’ saalwa Figüüra känna verschììdana Üssaah hàà.

D’ äärschta Labubu-Schlìsselààhangerliinia, wo Exciting Macaron (uff Kineesisch 心動馬卡龍) haisst, hàt m’r ìm Oktoower 2023 uff dr Màrkt gebrocht. Wittera Kolläkzioona haissa Fall in Wild, Have a Seat (坐坐派對) un Massive into Energy (大動力系列).

Pop Mart hàt àui zamma mìt’ra Hüüfa wittera Màrka g’schàfft, wia zem Biischpììl mìt Coca-Cola fìr a Wìnteredizioon vun älf Labubus àm Andsjoohr 2024 uff dr Màrkt brìnga. Àm Ààfàngsjoohr 2025 hàt d’ Màrka-n-a Liinia vu 13-Figüüra vu dr Monster-Schtàmm uff dr Màrkt gebrocht, wo wia d’ Figüüra vum Manga One Piece üsssahn.

Wittera Figüüra sìnn numma ìn Müseea z’ sah, wia d’ Seeria Labubu’s Artistic Quest, womm’r numma ìm Pop Mart-G’schaft àm Louvre z’ Pàriis kààt kàuifa.

wàs d’ Kritiker d’rìwwer maina

Ainiga Meedia un Kültüürkritiker hann d’ Figüüra un daana ìhr Hype mìt dam vu da Plüschtiarla vu da Gremlins un vu da Monchhichis a pààr Joohrzeehnta z’voor verglììcha. Fìr dr Ärfolg ärkläära hann sa d’ Rolla vu da Influencer so wia vu dr Gamification unterschtrììcha. Sa hann àui g’sajt, àss m’r tààtsaachlig numma weeniga Produkta haarg’schtällt hàt, obwoohl m’r sììe aifàch ìn da Warka hàt känna ärzöiga — ’s säjg àlso a Àrt vu kìnschtliga Verknàppung, fìr àss d’ Litt länger wàrta fìr kàuifa.

Ànna 2024 hann vììla Litt ìn Thailànd glàuiwa, àss d’ Labubus Glìck hann känna brìnga un hann buddhìschta b’saagenda Medààlia un hailiga Hüützaichna g’màcht, wo nooh-n-em Schpììlzigg g’schtàlta sìnn.

Ìm Septamber 2024 hàt d’ singapuurischa Volksàkzioonspàrtäi bii’ma Ärraigniss z’ Sengkang fräi Labubu-Schlìsselààhanger getailt mìt’m Pàrtäilogo d’ruff. Üsserdam ìsch doo a Labubu-Glìckbrìnger gsìì, womm’r ìn’ma offiziälla Bìld un ìn’ma TikTok-Video hàt känna sah.

Waahrend dr daoischta Fascht vu da niin Kaisergätter ìm Oktoower 2024 hàt dr Ling Lian Bao Dian-Tampel z’ Singapur a Fascht orgànisiart, fìr d’ junga Litt züa dr Religioon ààziaga. Doo hàt m’r viar Labubu-Glìcksbrìnger g’sah, un d’rìwwer hàt m’r vììl uff da soziààla Nätzwark g’rädd: Ainiga Litt hann dàs àls nätt un schäpferisch g’funda, un àndra hann dàs àls a Gottesläschterung b’schrììwa. D’ Tampelbeheerda hann ärkläärt, àss d’ Glìcksbrìnger kää Gotthait ärsätzt hann un numma Glàuiwiga dààrg’schtällt hann. Trotz dr Umschtrìttung sìnn vììla junga Litt kumma ku d’ Glìcksbrìnger sah, wu sa d’ Videos ìm Internet g’sah hann.

Ànna 2025 hann zwai Mìtglììder vum rüssischa Federàzioonsroot, d’ Jekaterina Altabajewa un d’ Tatjana Butskaja vorg’schlààga, d’ Labubus aifàch ìm Lànd z’ verbiata. Sa hann g’sajt, àss d’ Schpììlziggla „schrackahàft“ üsssah un àss sa a schlaachter Iifluss hann uff d’ gaischtiga G’sundhait vu da Kìnder. Sa hann àui unterschtrììcha, àss uff dr Verpàckung nìcks uff Rüssisch g’schrììwa-n-ìsch. Àui ìm Iràk hann d’ Beheerda vu dr Otonooma Regioon Kurdischtààn ìwwer 4.000 Labubu-Puppa b’schlààgg’numma, dänn s’ Schpììlziig säjg a Sìnnbìld vum Daifel a schlaachter Iifluss uff d’ Kìnder hatt känna hàà. ’S ìsch àui ìn Ìndià-n-a Verschweerunstheorii gsìì, wo d’ Labubus mìt’m mesopotààmischa Daifel Pazuzu verglììcha hàt, dänn sa hann a brait Grìnsel. Dia Theoria hàt m’r b’sunderscht bii TikTok un Reddit verbraita, un ainiga B’nutzer hann sogààr ìhra Puppa äffentlig zärschteert, dänn sa häjga mìt daana schlaachta ungättliga Ärragnissa-n-ärlaabt. D’ pàkischtàànischa Schàuischpììlera Mishi Khan hàt s’ Schpììlziggla nìt g’meegt un hàt g’sajt, àss d’ Puppa schlaachta gaischiga Enärgii (odd’r sogààr schlaachta Angel) hann känna ààziaga. D’ Schpeziàlìschta hann jedoch g’sajt, àss d’ Puppafigüür üss àlta öiropäischa Leganda schtàmmt un kää g’haima gaischtiga Bediitung hàt.

S’ Schpììlziggla ìsch àui kritisiart worra, dänn’s säjg a Sìnnbìld fìr dr modärna Ìwwerkonsuum — un domìt sogààr a Form vu Konsuumvergätterung.

Weblìnks

 Commons: Labubu – Sammlig vo Multimediadateie

• Labubu bii PopMart (hoochdiitsch)

Ainzelnoohwiisa

Dä Artikel basiert uff ere fräie Übersetzig vu dere Version vum Artikel „Labubu“ vu de änglische Wikipedia. E Liste vu de Autore un Versione isch do z finde.