Karlmann vo Bayre

Us der alemannische Wikipedia, der freie Dialäkt-Enzyklopedy


Karlmann (Ostfrankenreich)
König vo de Franke, König vo Italie, Herzog vo Bayre
Regierigsziit Ostfrankeriich: 876 bis 880
Italie: 877 bis 879
Uf d Wält cho öbbe 830
Gstorbe 29. September 880
Dodesort Altötting
Begrabe in dr Stiftschille z Altötting
Vorgänger Bayre: Ludwig dr Dütsch
Italie: Karl dr Kahli
Nochfolger Italie: Karl III. dr Dick
Kärnte: Arnulf
Lothringe: Ludwig III. dr Jüngeri

Dr Karlmann (* öbbe 830; † 29. September 880 z Altötting) us dr Familie vo de Karolinger isch vo 876 bis 880 dr König vom Ostfrankeriich und vo 877 bis 879 König vo Italie gsi.

Läbe[ändere | Quälltäxt bearbeite]

Er isch dr eltist Sohn vom König Ludwig em Dütsche und dr Hemma, dr Dochter vom Graf Welf, gsi.

Siini Erbdeil[ändere | Quälltäxt bearbeite]

Bi dr Riichsdeilig vo siim Vater 865 het er dr Titel dux (Herzog) vom ostfränkische Deilriich Bayre übercho. Noch däm siim Dod 876 het er as König vom Ostfrankeriich gherrscht.

Er isch au vo 877 bis 879 dr Nochfolger vo siim Unggle, em westfränkische König Karl dr Kahli, as König vo Italie gsi.

D Königspfalz[ändere | Quälltäxt bearbeite]

877 het er z Altötting e Chorherrestift gründet, wo dur Schänkige bald sehr wohlhabend worden isch, und het d Stiftschille baut.

Die geographischi Lag vo siiner Königspfalz isch für e Karlmann au dorum günstig gsi, wil er no die italiänischi Königschrone gerbt het. Won er es ziitlilang z Verona gsi isch, isch er schwer chrank worde, isch noch Ötting zrugg und isch dört im Johr 880 gstorbe. Er isch in dr Stiftschille Altötting begrabe.

Ufdeilig vom Deilriich[ändere | Quälltäxt bearbeite]

879, won er scho nüm het chönne regiere, het er Italie siim Brueder Karl III. em Dicke, wo im alemannische Deilriich gherrscht het, ge. Noch em Karlmann siim Dod het si Brueder Ludwig III. dr Jüngeri, wo in Franke, Sachse, Bayre und dr Helfti vo Lothringe gherrscht het, dr Räst vo Lothringe übercho. Im Karlmann si Sohn, dr Arnulf het Kärnte gerbt.

Dr Sohn Arnulf[ändere | Quälltäxt bearbeite]

Noch dr hauptsächlig westfränkische Historiographii[1] isch dr Arnulf ere unehelige Verbindig vom Karlmann und dr Liutswind, mögligerwiis ere Schwöster vom Nordgaugraf Ernst, entstammt. Noch em Arnulf siiner Geburt öbbe 850 het dr Karlmann (vor 861) e Dochter, wo me dr Name von ere nit kennt, vo däm Graf Ernst ghürotet. Die isch noch em 8. August 879 gstorbe. Me cha aber nit usschliesse, ass es sich bei dene zwei Fraue um die gliichi Person handlet.[2]

Fuessnote[ändere | Quälltäxt bearbeite]

  1. Konecny Silvia: Die Frauen des karolingischen Königshauses. Die politische Bedeutung der Ehe und die Stellung der Frau in der fränkischen Herrscherfamilie vom 7. bis zum 10. Jahrhundert. Diss. Wien 1976, S. 139 Archivlink (Memento vom 21. Juli 2009 im Internet Archive)
  2. Konecny, S. 139

Weblingg[ändere | Quälltäxt bearbeite]

Dä Artikel basiert uff ere fräie Übersetzig vum Artikel „Karlmann_(Ostfrankenreich)“ vu de dütsche Wikipedia. E Liste vu de Autore un Versione isch do z finde.