Karl Borromäus Hofmeyer

De Karl Borromäus Hofmeyer mä häd äm respektvoll au eifach „Hofkarle“ gseit. (* 22. Januar 1887; † 1927 z Neustadt im Schwarzwald) isch än badische Amtsaktuar, Rodtschriber, Stadtarchivar, Chronist un Heimetforscher vu Neustadt im Schwarzwald (hüt Titisee-Neustadt) gsi. Er giltet as ain vu de wichtigschte Pionier fir d'Ufbewahrig vu de Gschicht vum Hochschwarzwald.

Läbe un Wirke

De Karl Hofmeyer isch as Rodtschriber un Stadtarchivar in de Stadt Neustadt direkt a dä Quelle gsässe. Zwische 1921 un 1927 hät er d'„Heimatblätter“ ussegeh, e hüt no unerschöpfliche un historisch wertvolle Sammlig fir d'Gschicht vum Hochschwarzwald un vu de Stadt sälber.

In de Mitti vu de 1920er-Johr hät er dodomit aagfange historischi Sache, Chruscht, Altertümer, Dokument un Bücher z'sammle, um e Gschichtsmuseum fir d'Bürger ufz'baue. Säll hät dän d'Grundlag fir di spötere Neustädter Heimatstube, shütig Museum gäh. S'Generallandesarchiv z'Karlsrueh hät sellezt soga prüft, de Hofmeyer wäge sinerä große Fachkunde offiziell as Kreispfleger fir d'Kunst- un Altertumsdenkmäler vum Amtsbezirk Neustadt izsetze as Nochfolger vum Oskar Spiegelhalder.

Er isch mit de Hilda Hofmeyer (ä geboreni Wehrle) verhierat gsi un hät mit ere zwai Söhn gha. De Hofmeyer isch im Johr 1927 gstorbe. Sini Arbit fir d'Museumssammlung isch däno vu sinene Nochfolger, de Herre Eugen Geisinger un Karl Fix, witergführt wore. Dodrus sin schließli d'Heimatstube in de Scheuerlenstraße wore, wo anno 1968 eröffnet wore sin.

Literatur

• Roland Weis: Der Hochschwarzwald. Von der Eiszeit bis heute. 2. Auflage, Jan Thorbecke Verlag, Ostfildern 2017, ISBN 978-3-7995-1196-4.
• Badische Zeitung: Historischi Brichte un Erwähnungen zue sinere Person.
• Akte vum Generallandesarchiv Karlsrueh (Amtsbezirk Neustadt).

Weblink

• Ein Haus für die Heimatgeschichte in der Badische Zeitung vum 15. Mai 2018.