Zum Inhalt springen

Kantarama Gahigiri

Us der alemannische Wikipedia, der freie Dialäkt-Enzyklopedy
d Kantarama Gahigiri, 2023

D Kantarama Gahigiri (* 1976 z Gämf[1]) isch e ruandisch-schwyzerischi Reschiseeri, Draibuechautoori un Schauspiileri.

Lääbe

[ändere | Quälltäxt bearbeite]

Noch eme Stuudium vu de Internazionaale Bezieige in dr Schwyz het d Gahigiri si entschiide, zum Film z goo un het z New York e Master in Kommunikazioon un Filmbrodukzioon gmacht.[2][3] No eerschte Erfaarige in dr Filminduschtry deert het si ire eerschte aige Film drait: Tapis Rouge (2014), e franzeesisch-schwyzerischi Kobrodukzioon.[4] Dr Film isch in Ko-Reschy mit em Frédéric Ballif entstande.[5]

Anne 2019 isch d Gahigiri Dailnämeri vum Brojäkt 5x5x5 gsii, ere fimfwichige Residency in Zämenaarbet mit de Chuurzfilmdääg Winterthur un dr Abdailig Video vu dr Hoochschuel Lozärn. Im Räme vu däm Brojäkt isch ire Chuurzfilm Ethereality entstande.[6][7] Ethereality isch no dr Premiere z Winterthur an iiber 80 Feschtiwäl zaigt woore, u. a. z Clermont-Ferrand, z Hamburg un am Go Short Nijmegen.[8][9]

Im Augschte 2022 isch si yyglaade gsii, fir s Brojäkt Postcards from the Future vum Locarno Feschtiwäl e Chuurzfilm z mache, wu uf dr Piazza Grande zaigt wooren isch. S Brojäkt het Film vu Reschiseer*ne wie Claire Simon, Nadav Lapid, Annemarie Jacir un andere umfasst.[10] Us em Matriaal vu däm Chuurzfilm het si dr Chuurzfilm Terra Mater – Motherland entwicklet, wu sy Premiere 2023 im Chuurzfilmwettbewäärb vu dr Berlinale gfyyrt het.[11][12] Au där Film isch an verschiidene Feschtiwält zaigt woore, u. a. Red Sea Filmfestival, International Documentary Film Festival Amsterdam, Sundance Film Festival, un isch au mirt verschiidene Bryys uuszaichnet woore.[13][14][15]

Filmografy

[ändere | Quälltäxt bearbeite]
  • 2012: Me + U (Fäärnseeseerie)
  • 2014: Tapis Rouge (Dokumäntazioon)
  • 2014: Pinot in the Grass (Chuurzfilm)
  • 2019: Ethereality (Chuurzfilm)
  • 2023: Terra Mater – Mother Land (Chuurzfilm)

Uuszaichnige

[ändere | Quälltäxt bearbeite]

Fir Tapis Rouge:[16]

  • Beschte franzeesischsproochige Spiilfilm, Geneva International Film Festival, 2014
  • Beschti Reschy, Chelsea Film Festival, 2015
  • Grand Prix, Festival International de Cinéma et Mémoire Commune Nador, 2015

Fir Ethereality:

  • Beschte Chuurzdokumäntaarfilm, FESPACO, 2021[17]

Fir Terra Mater:

  • Special Mention NEON Award, Mo&Friese Kinderfestival Hamburg, 2023[18]
  • Nominierig Schwyzer Filmbryys: Beschte Chuurzfilm, 2024[19]
[ändere | Quälltäxt bearbeite]

Fueßnote

[ändere | Quälltäxt bearbeite]
  1. ↑ Caroline Besse: Cannes 2019 - Avec la réalisatrice Kantarama Gahigiri, la Suisse, le Kenya et le Rwanda sont réunis à Cannes. In: telerama.fr. 22. Mai 2019, abgruefen am 12. November 2020.
  2. ↑ SWISS FILMS: Kantarama Gahigiri. Abgruefen am 20. Februar 2020.
  3. ↑ Kantarama Gahigiri. Solothurner Filmtage, abgruefen am 26. Januar 2024.
  4. ↑ Tapis rouge de Frédéric Baillif, Kantarama Gahigiri - (2015) - Documentaire. Abgruefen am 20. Februar 2020 (französisch).
  5. ↑ Tapis rouge. Swiss Films, abgruefen am 26. Januar 2024.
  6. ↑ Internationale Kurzfilmtage Winterthur. Abgruefen am 26. Januar 2024.
  7. ↑ Ethereality (2019). (Nicht mehr online verfügbar.) Archiviert vom Original am 15. Februar 2024; abgruefen am 26. Januar 2024 (amerikanischs Änglisch).  Info: Der Archivlink wurde automatisch eingesetzt und noch nicht geprüft. Bitte prüfe Original- und Archivlink gemäß Anleitung und entferne dann diesen Hinweis.
  8. ↑ Ethereality. Swiss Films, abgruefen am 26. Januar 2024.
  9. ↑ www.cinemabuch.ch: - CINEMA - Das Filmjahrbuch. Abgruefen am 26. Januar 2024.
  10. ↑ Locarno Film Festival: Die Jubiläumsausgabe geht an den Start. Abgruefen am 26. Januar 2024 (Schwiizer Hochtüütsch).
  11. ↑ Terra Mater – Mother Land - Berlinale Shorts 2023. Berlinale, abgruefen am 26. Januar 2024.
  12. ↑ Locarno Festival on X. X / Locarno Festival, abgruefen am 26. Januar 2024 (änglisch).
  13. ↑ TERRA MATER – MOTHERLAND – Red Sea Film. Abgruefen am 26. Januar 2024 (amerikanischs Änglisch).
  14. ↑ Oberon Amsterdam www.oberon.nl: Terra Mater (2023) | IDFA Festival. Abgruefen am 26. Januar 2024 (änglisch).
  15. ↑ CINEBULLETIN: Schweizer Präsenz am Sundance - CINEBULLETIN. Abgruefen am 26. Januar 2024.
  16. ↑ SWISS FILMS: Tapis rouge. Abgruefen am 20. Februar 2020.
  17. ↑ 13 des 30 prix officiels du FESPACO vont à des œuvres soutenues par l’OIF. Abgruefen am 26. Januar 2024.
  18. ↑ Terra Mater – Mother Land. Abgruefen am 26. Januar 2024.
  19. ↑ Schweizer Filmpreis 2024: Die Nominierten stehen fest. Abgruefen am 26. Januar 2024.
Dä Artikel basiert uff ere fräie Übersetzig vu dere Version vum Artikel „Kantarama_Gahigiri“ vu de dütsche Wikipedia. E Liste vu de Autore un Versione isch do z finde.
Vun "https://als.wikipedia.org/w/index.php?title=Kantarama_Gahigiri&oldid=1088400"