June Kovach
D June Kovach (* 1932 z Chicago; † 30. Oktoober 2010 z Züri) isch e Schwyzer Klavierspiileri un Filmschaffendi amerikaanisch-ungaarischer Häärchumft gsii. Iri Film sin an renommierte Feschtiwäl zaigt woore.[1][2]
Lääben un Wäärch
[ändere | Quälltäxt bearbeite]D June Kovach isch z Chicago un z Los Angeles ufgwagse un het zeerscht e Uusbildig as Kunzärtpianischti gmacht. Vu 1949 bis 1961 isch si unter anderem z Wien, z Züri, z London, z Amsterdam un z Turin ufdrätte. Anne 1961 het si iri musikaalisch Karrieere fir dr Film ufgee un het ab doo vor allem mit irem doomoolige Mann Alexander J. Seiler gschafft. As Reschiseeri, Filmeditoori, Toonmaischteri un Mitautoori het si dr Jung Schwyzer Film mitbreegt. Bim Chuurzfilm In wechselnden Gefällen, wu anne 1963 an de Filmfeschtspiil vu Cannes mit dr Palme d’or fir dr bescht Chuurzfilm uuszaichnet wooren isch, isch si fir dr Schnitt zueständig gsii.[3][4] S Trio mit em Alexander Seiler, em Rob Gnant un iiren as Co-Autoori het an verschiidene chuurzformaatige Ufdraagsfilm gschafft, vooreb s dr Dokumäntaarfilm Siamo italiani (1964) iber d Situazioon vu italieenische Yywanderer in dr Schwyz drillt het.
S June Kovachs Lääben as Klavierspiileri un d Wettbewäärb fir jungi Talänt hän s Trio zuen eme zweete Dokumäntaarfilm inschpirietz: Musikwettbewerb, wu di verschiidene Etappe vum "Geneva International Music Competition" verfolgt het. Är isch 1968 an de Soledurner Filmdääg urufgfiert un begaischteret ufgnuu woore. Druf hän si zwee anderi langi Dokumäntaarfilm in Co-Reschy gmacht, ...Via Zürich (1967) un Fifteen (1968).
Anne 1974 het d Kovach ire eerscht Soolo-Film Wer einmal lügt oder Viktor und die Erziehung drillt, un druf Wollust oder Gutknechts Traum (1981).[5]
D Vooraarbete zum Film Honeyland sin 1989 an de SoledurnerFilmdääg in ere Uusstellig im Chunschtmuseum Soledurn zaigt woore: "Honeyland. Bilder von Stephane, Materialien zum Film von June Kovach".[6] Iiber zee Joor speeter het si die Brodukzioon abgschlosse, dr Film het 1995 an de Soledurner Filmdääg Premieere ghaa. Ire letscht Film, Schwarze Blumen, isch anne 2003 vereffetligt woore.
D June Kovach het si au im Bildigswääse engaschiert: Vu 1995 bis 1996 het si fir s BAKOM Meedieschaffendi uusbildet un vu 1998 bis 2002 het si as Meediepedagoogi fir d Stiftig Märtplatz gschafft.[7]
D June Kovach un dr Alexander J. Seiler hän si anne 1991 drännt.
Filmografy
[ändere | Quälltäxt bearbeite]- 1964: Siamo italiani – Die Italiener – Dokumäntaarfilm, 86 Min. vu dr June Kovach, em Alexander J. Seiler un em Rob Gnant[8][9]
- 1966: Im Lauf des Jahres
- 1967: Musikwettbewerb - Dokumäntaarfilm, 72 Min. vu dr June Kovach, em Alexander J. Seiler un em Rob Gnant[10]
- 1967: …via Zürich – Dokumäntaarfilm, vu dr June Kovach, em Alexander J. Seiler un em Rob Gnant
- 1968: Fifteen – Dokumäntaarfilm, 21 Min. vu dr June Kovach, em Alexander J. Seiler un em Rob Gnant[11]
- 1974: Wer einmal lügt oder Viktor und die Erziehung – Dokumäntaarfilm, 68 Min.[12]
- 1981: Wollust oder Gutknechts Traum – 58 Min.[5]
- 1995: Honeyland – Dokumäntaarfilm [13]
- 2003: Schwarze Blumen – Gretlers Panoptikum
Weblink
[ändere | Quälltäxt bearbeite]- June Kovach in dr Internet Movie Database
- d June Kovach uf Swiss Films
- Abschied von June Kovach, Cinébulletin
Fueßnote
[ändere | Quälltäxt bearbeite]- ↑ SWISS FILMS: June Kovach. Abgruefen am 26. Januar 2021.
- ↑ June Kovach. Abgruefen am 26. Januar 2021.
- ↑ Filmpodium: In wechselndem Gefälle. Abgruefen am 26. Januar 2021 (Schwiizer Hochtüütsch).
- ↑ SWISS FILMS: Ciné Portrait Alexander J. Seiler. Hrsg.: Ciné Portraits - Eine Publikationsreihe der Promotionsagentur SWISS FILMS. 2014, S. 8.
- ↑ 5,0 5,1 Hervé Dumont, Maria Tortajada: Histoire du cinéma suisse 1966–2000, Wollust oder Gutknechts Traum. Hrsg.: Cinémathèque suisse/G. vol. I. Attinger, Lausanne/Hauterive 2007, S. 450–451.
- ↑ Stéphane: Honeyland : Bilder von Stéphane, Materialien zum Film von June Kovach : [Katalog zur Ausstellung,] Kunstmuseum Solothurn, Graphisches Kabinett, 18. Januar bis 6. März 1989. Kunstmuseum, Solothurn 1989, ISBN 3-906663-16-7 (swissbib.ch [abgerufen am 27. Januar 2021]).
- ↑ SWISS FILMS: June Kovach. Abgruefen am 27. Januar 2021.
- ↑ Hervé Dumont, Maria Tortajada: Histoire du cinéma suisse 1966–2000, Siamo Italiani. Hrsg.: Cinémathèque suisse/G. vol. I. Attinger, Lausanne/Hauterive 2007, S. 9–11.
- ↑ Cinergy AG: Siamo italiani. Abgruefen am 27. Januar 2021.
- ↑ Hervé Dumont, Maria Tortajada: Histoire du cinéma suisse 1966–2000, Musikwettbewerb. Hrsg.: Cinémathèque suisse/G. vol. I. Attinger, 2007, S. 36–37.
- ↑ Fifteen. Abgruefen am 26. Januar 2021.
- ↑ cinefile Filmportal: Wer einmal lügt oder Viktor und die Erziehung. Abgruefen am 26. Januar 2021.
- ↑ Hervé Dumont, Maria Tortajada: Histoire du cinéma suisse 1966–2000, Honeyland. Hrsg.: Cinémathèque suisse/G. Attinger. vol. II. Lausanne/Hauterive 2007, S. 1125–1126.
|
Dä Artikel basiert uff ere fräie Übersetzig vu dere Version vum Artikel „June_Kovach“ vu de dütsche Wikipedia. E Liste vu de Autore un Versione isch do z finde. |