Julia Klöckner

D Julia Klöckner (* 16. Dezämber 1972 z Bad Kreuznach) isch e dytschi Bolitikeri (CDU) un syt em 25. Merz 2025 d Bresidänti vumn Dytsche Bundesdag. Si isch vum 14. Merz 2018 bis zum 8. Dezämber 2021 Bundesminischteri fir Ernehrig un Landwirtschaft im Kabinett Merkel IV gsii, vu 2012 bis 2022 stellverdrättendi CDU-Bundesvorsitzeri un vu 2022 bis 2025 Bundesschatzmaischteri vu dr CDU.

Vu 2002 bis 2011 isch si Mitglid vum Dytsche Bundesdag un 2009 bis 2011 Barlemäntarischi Staatssekreteri im Bundesminischterium fir Ernehrig, Landwirtschaft un Verbruucherschutz gsii. Syt em 26. Septämber 2021 isch si wider Mitglid vun Dytsche Bundesdag un ab Dezämber 2021 isch si wirtschaftsbolitischi Sprächeri vu dr CDU/CSU-Bundesdagsfraktion gsii.

Vu 2010 bis März 2022 isch d Klöckner Landesvorsitzeri vu dr CDU Rhyyland-Bfalz gsii. Bi dr Landdagswahle 2011 un 2016 isch si Spitzekandidati vu ire Bayrtei gsii un het vu 2011 bis 2018 as Vorsitzeri d CDU-Fraktion im Landdag Rhyyland-Bfalz aagfiert.

Schrifte

mit em Thomas Hartmann: Der Wein erfreue des Menschen Herz. Paulus-Verlag, Fribourg 1998, ISBN 3-7228-0446-9.
mit em Thomas Hartmann: Irdischer Wein – Himmlischer Genuss. Der Wein in der Bibel. Paulus-Verlag, Fribourg 2008, ISBN 978-3-7228-0748-5.
mit em Martin Rupps un em Volker Resing: Zutrauen! Ideen statt Ideologien – Was mir in der Politik wichtig ist. Herder, Freiburg 2015, ISBN 978-3-451-31114-7.
Nicht verhandelbar – Integration nur mit Frauenrechten. Gütersloher Verlagshaus, Gütersloh 2018, ISBN 978-3-579-08712-2.

Weblink

Commons: Julia Klöckner – Sammlig vo Multimediadateie

Websyte vu dr Julia Klöckner]
Biographie beim Deutschen Bundestag
Julia Klöckner uf abgeordnetenwatch.de
Julia Klöckner. In: munzinger.de. Munzinger-Archiv GmbH, Ravensburg, abgruefen am 24. März 2025.
Kathrin Zehender: Julia Klöckner. In: Geschichte der CDU, Konrad-Adenauer-Stiftig