Josip Zovko

de Josip Zovko 2013

De Josip Zovko (* 4. Juni 1970 in Split, Jugoslawie, hüt Kroatie; † 3. April 2019 z Grudsko Vrilo, Bosnie und Herzegowina) isch en kroatischer Theater-, Färnseh- und Filmschauspiler gsii.

Läbe und Wirke

De Josip Zovko isch z Split uf d Wält cho und isch z Berinovac ufgwachse, emene Dorf i dr Gmeind Lokvičići, wo zue dr Imotska Krajina ghört. Er het d’Tin-Ujević-Grundschuel i Krivodol bsuecht und isch denno uf s’Gymnasium i Imotski gange, wo er s’Abitur gmacht het. Nacher het er e Studium in Elektrotechnik abgschlosse. Noch eme Castig am Kroatische Staatstheater z Split (HNK Split) isch er zum Studium vo de darstellende Künscht zueglaa worde. Er het s’Studium bim Izet Hajdarhodžić a dr Akademie für Darstellende Künscht vo dr Universität Zagreb abgschlosse.

Er isch 1993 em Ensemble vom Kroatische Staatstheater i Split bitrete und het als Schauspiler für Film und Fernsehe gwirkt. Noch sine Engagement bi Film und Fernseh het er sich wider dr Theaterarbet am HNK Split zuegwändet.<ref>Glumac iz sjene imotskih fenomena. In: Imotske novine - neovisni imotski portal. 15. September 2009, abgruefen am 1. Oktober 2019 (kroazisch). </ref> Regie het er bi dr Uffüerig vom Theaterstück „Priredba“ (alemannisch: „Vorstellig“) vo Ilija Zovko gfüert.

Dezue het er epaar Veraastaltige vom kroatische Rundfunk (HRT) moderiert und het im Johr 2014 s Spliter Festival ufgmacht in dr Roll vom Burgermeister vo 1893, em „Gajo Bulat“.

Am 3. April 2019 isch dr Zovko bi äm Verkehrsunfall uf dr M6 im Ort Grutsko Vrilo bi Grude ums Läbä cho.

Theaterrolle

Scho i dr Zit vo sim Studium het dr Zovko bi Theateruffüerige wie Helena vomEuripides mitgwirkt. 1993 isch er em Ensemble vom Kroatische Staatstheater in Split bitrete. Er het verschideni Rolle in Werch vom William Shakespeare gspilt, vor allem in sine spötere Tragödie wie Hamlet (1994); er het dr französisch König in König Lear (1997), de „Prinz Escalus“ in Romeo und Julia (2012), dr Maler in Timon von Athen (2013) und de „Tubal“ in Der Kaufmann von Venedig (2016) gspilt.

2005 het er dr „Hank“ in Die Nacht des Leguan vom Tennessee Williams gspilt und 2006 dr „Hamlet“ in Rosencrantz and Guildenstern Are Dead vom Tom Stoppard. Im Johr 2011 het er d Roll vom „Howard Wagner“ in Death of a Salesman vom Arthur Miller übernoh.

Zovko isch am HNK Split für über 50 Rolle bsetzt worde.

Film und Fernsehe

Im Film „Da mi je biti morski pas“ (Lass mich ein Hai sein) vo 1999, wo bim 46. Filmfestival vo Pula mehfach uszeichnet worde isch, het dr Zovko d Hauptroll vom junge „Mate“ gspilt. D Serie „Naši i vaši“, wo vo 2000 bis 2002 bi Hrvatska Radiotelevizija (HRT) glofe isch, het ihn au über d Landesgränze bekannt gmacht.

Filmografie (Uuswahl)

Fernsehserie

• 2001–2002: Naši i vaši als „Jozo“
• 2008: Bitange i princeze als „Peraica“

Film

• 1997: Mali libar Marka Uvodića Splićanina
• 1999: Da mi je biti morski pas als „Mate“
• 2001: Ante se vraća kući als „Kole“
• 2001: Holding als „Teins Bruder“
• 2001: Posljednja volja (Der letzte Wille) als „Kellner auf einem Schiff“
• 2003: Tamo gdje je dom (Musikvideo) von Miroslav Škoro (Wo die Heimat ist) Hauptdarsteller als „Ritter“
• 2004: Oprosti za kung fu als „Ćaćo“
• 2006: Najveća pogreška Alberta Einsteina als „Unwissender“
• 2006: Trešeta als „prekrasni Um“ (wunderschöner Verstand)
• 2009: Vjerujem u anđele als „Roko“
• 2011: Bella Biondina als „Partizan“

Uffüerige am Kroatische Staatstheater z Split (Uuswahl)

• 1990: Euripides: Helena
• 1992: Claudio Magris: Stadelmann als Kellner
• 1993: Miroslav Krleža: Saloma als Autant, Dichter, Koch
• 1994: William Shakespeare: Hamlet als zweiter Schauspieler
• 1994: Joseph Kesselring: Arsen und Spitzenhäubchen als „Klein“, Polizist
• 1994: Hugo von Hofmannsthal: Jedermann als Nachbar, armer Mann
• 1995: John Webster: Die Herzogin von Amalfi als „Grisolan“, Gerichtsdiener, Diener, Mörder
• 1996: Carlo Goldoni: Der Abschied vom Karneval als Regisseur
• 1997: William Shakespeare: König Lear als Französischer König
• 1997: Ray Cooney: Außer Kontrolle als Ronnie
• 1999: William Shakespeare: Königsdramen Richard/Heinrich, Schiffskapitän
• 2000: Arsen Dedić: Kuća pored Mora, Balet, als Inspekteur
• 2000: Luigi Pirandello: Sechs Personen suchen einen Autor als Sohn
• 2000: Edmond Rostand: Cyrano de Bergerac als Christian de Neuvillette
• 2001: Tennessee Williams: Die tätowierte Rose als Doktor
• 2002: Bernard-Marie Koltès: Roberto Zucco als Zweiter Wachmann, Inspektor, Polizist
• 2003: Sergi Belbel: Nach dem Regen als Informatischer Programmierer
• 2003: Molière: Don Juan als Gusman, Elvras Bräutigam
• 2004: Ferenc Molnár: Liliom als Polizist und zweiter himmlischer Offizier
• 2005: Tennessee Williams: Die Nacht des Leguan als Hank
• 2006: Tom Stoppard: Rosenkranz und Güldenstern als Hamlet
• 2008: Marin Držić: Skup als Drijemalo
• 2011: Arthur Miller: Tod eines Handlungsreisenden als Howard Wagner
• 2011: Euripides: Hekabe als Talbies, Bote der Hölle
• 2012: William Shakespeare: Romeo und Julia als Escalo
• 2013: Milan Begović: Amerikanska jahta u splitkskoj luci als Lee Prentice
• 2013: William Shakespeare: Timon von Athen als Maler
• 2013: Bertolt Brecht: Mutter Courage und ihre Kinder als Vrbovnik, der zweite Sergeant
• 2014: Molière: Die Schule der Frauen als Notar
• 2014: Ante Tomić: Čudo u poskokovoj dragi als Don Stipe
• 2016: William Shakespeare: Der Kaufmann von Venedig als Tubal
• 2017: Eugène Ionesco: Die Nashörner als Zweiter Bürger, Feuerwehrmann, Erster Mann, Chor

Uuszeichnige

• Veljko Maričić-Pris bim internationalen Festival für d Rolle vom „Mali“ in dr Uffüeirig vo Bijelo Dubravko Mihanović unter dr Regie vom Ivan Leo Leme, 1998
• Kroatischer Schauspilerpris für d Roll vom „Mate“ im Fernsehfilm Da mi je biti morski pas (To be a shark), Regie Ognjen Sviličić, 2000.

Weblink

• Josip Zovko in dr Internet Movie Database